تجمع حوامل وامهات (قطر) لشهر رمضان لعام 1431 هـ ؛ 2010 م

جينا

انا سألت الممرضات قالوا لي عقب اسبوع او عشرة ايام
صرااااحه حيروني ,, لا ويقولون لي شربي ماي وعصير
وامي تقولي لا هالاشياء تسوي بطن ,,


أمونتي

الله يسلمج حبيبتي ..
وان شاء الله تقومين بالسلامة وتقر عينج بشوفته
شعور غريب ما في احلى منه :)

كامي

من عيوووني


ماميز
سويت حلو من اختراعي



شرايكم؟؟

بسومة

فديتج ما قصرتي ان شاء الله بستخدم الماي والملح دايما والله كريم ..



ماميز

اللي يسألون عن فالة العيد
انا خذت ضيافة الولادة من زنجبيل عندهم اشاء تهببببل
انا خذت من عندهم كانبية روووعة وكيكات زنجبيل وكيكات بالقرفة وااايد حلوه
وعندهم بهد كيكات صغار داخلها جوكلت وفستق
انصحكم تروحون له ,,

بسومة

يمييي شكله لذيييييييذ :)
شنو مكوناته ,, وشلون الطعم ..؟

مرحبا



كامي
ولو نحنووو في الخدمه




بس بس
ترا ميزانج دب ثالث مره مايصير اقيمج للافس
ناااااااااااااايس وحلوين الكاسات ..
من وين
وشو اختراعج اسدحيه لو ثمحتي ..
انا ابي المولتن كيك ..لقيت طريقه لديزي اش بس مو متوفره عندي كاسات حلوه وتدخل الفرن ..

اقولج طبقي الام علي ثرا دقيقه وجاهز ..ونااااااااااااااايس ولزيز





بنات ..
وين القا كاميرا لعبه ..
شوشه خربت الكاميرا ..وابي اخذ لها لعبه تفكني من شرها ..
وحده قالت لي اذا شريتي لها مابتلعب فيها ..اشرايكم ..






برب يا حلوات

لولو

الكاسات بلاستك خذتها من الرونق
المولتن كيك اعتقد طريقتها موجوده بالمنتدى
حاطتها ديزي اش او كتكوته نايمه

الكيمرا تلقينها في التعليم المبكر وبيبي شوب على شكل لعبه

وتيتو ياقمر

بدورة

انا مالتزم بمقادير معينه
اسوي بالاشياء الموجوده عندي

شفت كمية جلي ماستخدمتها

بقولج المقادير تقريباً

1 باكيت بسكوت دايجستف
2 باكيت جلي فراولة مذوب في 4 اكواب ماي حار

مقادير الكريمه
2 ظرف دريم ويب
1 ظرف كريم كراميل
3 قشطه
بيالة حليب

الطريقة

* نخلط مقادير الكريمه ونخليها على جنب ترتاح
* نجهز الجيلي ونخليه يفتر

اول طبقة
نفتفت الدايجستف ونحط شوي في قاع كل مله
ونصب عليه شوية جيلي عشان يلين

ثاني طبقة
الكريمه ولازم انها تغطي البسكوت عدل ولا بيخترب الشكل
(اختياري تحطينه يبرد في الثلاجه او تحطين الجلي على طول)

الطبقة الثالثة
بملعقة الشوربة الصغيره نصب الجيلي بحذر عشان مايخرب سطح الكريمه
ونخليه يغطي الوجه كامل

وبس خليه في الثلاجه يبرد لين وقت التقديم

وعوافي على قلوبكم

كامي :
امس مريت زنجبيل بس مكانهم في معيذر
خذت فوالة هلي من عندهم
المهم عندهم موالح بكذا نكهة
و بيتي فور وكيكات صغار و حلو شرقي مثل الكور ملونة رهش و حلاوة و تمر و تمر صغار مغطى بجوز الهند
هذي الانواع على قولتها تبقى 25 يوم والله اعلم و عندهم موالح ثانية بس تتم 3 ايام عندهم صواني جاهزة اذا حابة تاخذينها في وقتها

بس بس :
تسلم الايادي
شكله حلووو

دوحانية

عساج على القوة
ماشاء الله شكلها اصنافهم حلوة
والله يسلمج

فجر

فكره بعد البسبوسه بس يبيلها قوالب
انا عندي الميني +
اصغر من الميني العادي

بس يبيله شي اقدر اسويه اليوم فليل او بكره الظهر عشان يمديني اخلص شغلي
واجهز بنتي
بدور فالنت .. واذا مالقيت باخذ جاهز

العروسه تسلمين على الرابط..F:.

كامي صج هنيه كلنا خوات وكل واحده لاتحط بخاطرها ....:D

فجر شكرا على طريقة الحلى...:thumbs_up:

نور الله يهون عليج ان شاء الله...F:

انا اليوم تحنيت وحفيت يدي وريلي الحمد لله ...شخباركم وشخبار التجهيزات لفواله العيد..:celebrate:

بسوومه تسلمين على الطريقه ماشاء الله كل وحده فنانه في الاطباق تسلم اياديكم

بسوومة قطر;13085107:

ماميز
صايدني كسل مب طبيعي
امس خلصت سوالف الصالون
صبغت شعري وقصيته

باقي لي اخذ اشياء خفيفة حق فوالة العيد
بيت هلي افتكينا .. كل سنه نسوي قطيه ووحده تتكفل تروح تترس الصواني
العام كان دوري والسنه دور اختي خخخخ

ابي افكار بغيت اسوي صنية شوكلت حق ام ريلي

شرايكم في تصميم الي على شكل فلوس ؟؟

بس بس

لاني مو في قطر وعجبتني فكرة الفلوس مالت تصميم..
سويت الفكرة بنفسي.. خذت تشوكلت على شكل مستصيل من فواله (بالبسكوت والكراميل)
وبديت اطبع الفلوس ههه.. خذت من بوك ريلي 100 درهم و 50 درهم وطبعتهم حجم صغير يركب على التشوكلت.. بس باقيلي اطبع ال 1000 و 500 درهم.. طلعوا كيووووووووووووووووووووووووووت.. حتى ريلي يوم يه من صلاة الفير شافني اصمغهم على التشوكلت ضحك واستانس عالفكرة هههه وهو مشتط اني اخلص الهدية.. لاني بعطيها لام ريلي.. بوريكم ان شاء الله .




بنات بغيت اسوي سويت للعيد.. ممكن تعطوني فكرة..
ابي استخدم الكيك التشوكت والكيك الفانيلا.. قلت بفتت الكيك الاسود وعقب الابيض برصهم فوق بعض بس بغيت تعطوني فكرة بشنو احط معاهم كريمة وشنو مكوناتها؟
فالاخير ابي اقطعهم بالقطاعان الدوائر مالت الفطاير..
ساعدوني بليز :)

ممزمز بعد هااي حلوو ،، خصوصا الطبقة اللي فيها حلييب محمووس لذيييذة ،، تقدرين تصبينها على كييك ،

بدر
الماي والملح من اول يوم لمده 20 يوم
واسمعي كلام امج في الاكل والشرب باجر تحسفين

دوحانيه
والله محلهم قريب مني شكلي بمر المحل ابي اشوف تشكيلتهم كامله هناك احسن لي
وابي شي يتم لامي فتره طويله مابي شي يخترب بسرعه

جينا

آمين , بس انا مب قصدي بقرب الولادة ولا بعدها لا بس محترة من يوم الموعد اسألهم ولا بينوا لي هالشي ابي اعرف عشان ما اقعد احاتي واتبهدل وفي الاخير يسون لي قيصري , وان شاء الله ما نحتاجها الله يرزقنا بولادة طبيعية ويهون علينا كلنا ان شاء الله



الاماكن

تسلمين فديتج



بسومة

ختيرة ما شاء الله عليج خخخخ

دوحانيه وبدر البدور :
زنجبيل هو نفسه اللي بفيلاجيو ؟؟

بدر البدور :
شوفي اكيد في سبب للظيقة ،
انا بعد اول اربعين لي شوي كنت متنكدة في البداية ،
لكن عقب قمت اسوي اشيا تريح نفسيتي ،
الأذكار اول شي حافظي عليها ، اذا فيج قوة (وكملت اسبوعين )
اذا تببين ريلج اطلعي معاه مطعم ، ولا بس في السيارة -عشان ماتتعبين ) اشربي كوفي عصير شي تحبينه اذا ماتبيين تتاخرين ،ولا يتغدا معاج او يتعشى معاج في بتت اهلج ، ساعة الوحدة تكون متعلقة بريلها ، ف زيدي قعدتج معاه ،
سوي الاشيا اللي تحبينها :
تحبين تشوفين موفيز شوفي ، بس اهم شي كوميدي ، حق الظحك
انا من الحين مجهزة مسلسلات (اوفيس- اجلي بيتي ) عشان السهر مع الكتكوت ان شالله ،
تحبين تحطين ميك اب حطي ، جيبي حد يدلعج ، بديكير منيكير ، ولا بسشور لج شعرج ،
ولا حطي شوي ميك ، لا تحبسين نفسج في الغرفة ، اذا فيج حيل اطلعي شوي الصاله ،
هاي بس افكار واكيد انتي تعرفين نفسج واللي تحبينه سوييه ولا تستسلمين للظيقة ،
وصراحة الم الخياطة ينكد ، ان شالله اذا استخدمتي الماي والملح بترتاحين ،
ووبس هاي اللي حبيت اقوله ..

نور الحب ،
آها نور، فهمت عليج ،
والمفروظ يقولون بدون ماتسالين حتى ..
الله يرزقنا الولادة السهلة يارب ..