تعالوا شاركوني رايكم :)

:Dهههههههههههههههههه موضوعك حلو اوي يا بطة

بس تخيلي بقى اني مكنتش اعرف موضوع الشرط ده وكان كتب كتابي يوم السبت اللي فات فالمأذون سألني عندك شروط؟ طبعا انا اول مرة اعرف الموضوع ده فقولتله لا فبابا قالله اه انه لا يتزوج عليها الا باذن كتابي منها :lol: فالماذون قاللي موافقة قولتله اه مقدرش طبعا ازعل بابا وبعدين الموضوع مش فارق معايا يعني

ونبيل مضى وعادي ومقالش حاجة ساعتها
لما خرجنا بقى خالص قاللي الشرط ده حرام ومش عارفه ايه قولتله لا مش حرام هو مش بيمنع انك تتجوز بيخليك بس تاخد موافقتي وعموما متقلقش انت لو عايز تتجوز تاني هبقى اسيبك تتجوز

على فكرة انا بتكلم جد انا طبعا هعمل كل اللي عليا وهحاول بكل جهدي اخلي جوزي ميفكرش حتى يتجوز غيري بس افرضوا هو عايز يتجوز لأي سبب سواء سبب غصب عني زي اني مبخلفش مثلا او اي سبب تاني ايه المشكلة؟ مع ان نبيل بيقوللي حتى لو مش بتخلفي خلاص احنا بقينا واحد وكأن المشكلة اللي عندك عندي انا ومينفعش اتجوز عليكي

بس انا برضه لو حب يتجوز مش هطلب الطلاق ولا هرفض واتخانق معاه اه هحاول بكل جهدي ان ده ميحصلش لكن طالما هو بيحبني وبيعاملني كويس وبيحترمني وانا حابة اكمل حياتي معاه لكن هو حب يتجوز تاني لأي سبب هسيبه يتجوز

اصل حياتي مش محورها جوزي وبس وعلى فكرة دي غلطة اغلب الناس بتخلي جوزها محور حياتها بتسيب كل حاجة وتعيش في فلكه

انا مبقولش ان ده غلط لا طبعا ده صح جدا اني ادلع جوزي جدا واساعده انه ينجح واوفرله جو كويس في البيت واعمله كل حاجة لكن منساش نفسي و اتخلى عن احلامي
لا عادي اكمل الكورسات اللي بخدها وبالنسبالي انا عشان بشتغل من البيت فهكمل شغل عادي وهكمل الماستر ان شاء الله احلامي متوقفتش عشان اتجوزت فخلاص لو فرضنا اني عملت كل اللي عليا وهو برضه مصمم يتجوز فعادي هسيبه المهم اني افضل اتقي ربنا فيه وكده كده اركز في حياتي واحلامي واهدافي اللي عايشة عشانها لأن مفيش سبب اطلب الطلاق عشانه واظن ان طلب الطلاق من غير سبب حرام

وربنا يهدينا كلنا يارب :lol::D

موضوع جميل اوى
لكن ما حبش ان الموضوع يبقى اجبارى بالعكس يبقى نابع من نفسه هو مش شروط
وكمان عندى يتجوز فى الحلال احسن بكتيرررررررر اوى اوى اوى من انه يزنى مثلا او يعمل اى حاجه فى الحرام
طبعا هتضايق وهزعل وهاخد منه جنب وكل حاجه
ومش هبئه طايقاه بس ده من حبى فيه
هو فعليا ممكن هو ما يتجوزش عليها لكن يقرفها فى عيشتها و لو اتجوز عليها يخف عليها شويه وهى ترتاح اكتر
لكن الموضوع صعب ومحتاج مجاهده جداااااااا
انا عن نفسي ممكن اوصل لمرحلة الفتنه فى الدين و ممكن نفسي تغلبنى و ما اقيمش معاه حدود الله

بطه انا كمان فكرت فى حاجه زى كده قبل كده بس طبعا مكنش عندى الجراة انى اخد فيها قرار هههههههههههههههههههههههههههه

بس هسال خطيبى واقولك رد فعله ايه

نفس ردك يا توتا قاله خطيبى بالنص يلا مش مشكلة انا قولته هابقى افكر اكتب ولا موضوعم هايل يا بطوطة

انا محبتش اكتب شروط فى القسيمة رغم انى عارفة ان فيه خانة للشروط الخاصة بس حسيت ان شكلها مش ظريف انى اكتب عليه شروط
و ساعات بنفتح موضوع الزواج التانى ده بهزار و كده و انا قلتله براحتك اعمل اللى تعمله و انا ساعتها هشوف برضه انا هعمل ايه هكمل ولا لأ بس انت تدينى حرية الاختيار زى ما انت اخترت
بس بينى و بينكم لما بفكر فى الحكاية بجد بقول لو كملت هحس انى هموت لو عمل كده هحس بالغيرة اوى و لو لأ طب و بعدين و ابنى زنبه ايه ان ابوه عمل كده مجيش انا بقى اكمل عليه
و فى الغالب هستمر بس ساعتها مش هيبقى حبا فى زوجى لأ-لأنه لو فكر فى غيرى يبقى ميستاهلش حبى-هيبقى علشان ابنى و الرضا بالامر الواقع
بس بعد كده بطرد الافكار دى طالما احنا كويسين مع بعض ليه اخلى الوساوس دى تضيع علينا سعادتنا و حبنا فبلاش يا بنات الافكار دى بجد لأنى لما بفكر كده بحس انى بقلب على زوجى مع انى بموت فيه و هو كمان لسه معملش حاجة يا حرام هههههههه

للرفع