زخت مطر;12904239:
جه دوري افضفض
محتاره ما ادري شنو اسوي المشكله ان رجلي يفكر وياي في حل واحنا بين نارين
الله يسلمكم السالفه بدت يوم وااحد يدرس مع اختي في الجامعه طلب يخطب اختي الصغيره اختي الحين بتروح توجيهي غلطت اختي الكبيره انها دايركت راحت الى اختي الصغيره وخبرتها ان فلان يبي يتقدم وخبرتها عنه وما ادري شنو بعد فتره خبرتها اختي انها موافقه اتخيلوا من غير لا ابوي ولا امي يدرون
بعد فتره يمكن اسبوع اتصل في امي وخبرها انه يبي يتقدم الى اختي بس امي عارضت لان تدري ان ابوي اهم شي عنده ان بناته يكملون الدراسه احنا انخطبنا في الجامعه وكان بشكل صعب شلون هي الى الحين في المدرسه المهم قالت له انتظرها هالسنه ادا تبيها وبعدين تقدم لها
المشكله ياخواتي ان اختي الكبيره تساعدهم انهم يتقابلون اتخيلواا!!! يعني اختي بعدها صغيره ومشاعرها تاخدها وتوديها
اوكي امي تدري عن هالشخص بس ماتدري ان يتقابلون
في مره من المرات كنا كلنا الشباب طالعين بكل جرئه جه صوب طاولتنا وسلم على الكل انا بصراحه اتفشلت يعني شنو واحد ما يعرفنا بكل هالوقاحه يسويها اوكي خير ياطير امي تدري
الحين انا ضقت درعا من هالحركات وشكلي وشكل اهلي جدا مو حلو بنظر رجلي هو يدري ان انا غير بس الناس شنو بتقول انا خايفه اقول الى ابوي ويصير فيه شي خصوصا انه فيه الضغط يعني ادا صار فيه شي راحت علينا كلنا وامي ما تقدر اتسوي شي معاها لان خواتي محد يقدر عليهم
رجلي كلمها جم مره بس هي ما تطيع خصوصا ان اختي الكبيره تساعدها على هالحركات
بنات الله يخليكم ساعدوني والله ما ادري شنو اسوي اكلم ابوي والله شنو اسوي!!؟؟؟؟؟؟؟؟؟؟؟؟؟؟؟؟؟؟؟؟
عن لا تصير مشاكل كلمي اختش الكبيرة وخبريها ان هذا الشي حرام وعيب
والمفروض ما تجر البنت الصغيرة للغلط
اذا مافاد معاها الكلام كلمي الوالدة :)