.. █ || « تجهيزات عرائس لشهر رمضان 1431 - 2010 م / الجزء = 14 .. ♥

السلام عليكم
angel heart 89 حبيبتي ننصحك روان صح عنده بس التخزين عنده مش اوي اني واخدة منه مرة كريم كلينك مش حلو بكل ملبك في بعضه مع اني نستعمل فيه النوع من قبل

في محل الشذى اللي قدام الركن الشرقي لقيته عنده وقال ان يجيب فيه من ايطاليا والله اعلم ..... وفي محل الشطي اللي في اول سبتمبر وين مافي زمان قهوة الارقيلة الشوكة اللي جنبها محل صغير هداكا بضاعته كلها اوروبية بس منعرفش عنده mac والا لا .....

سلام

مرحبا يا احلى طيوبات وشكرا لكل من رحب بية حتى اللي ما سعفه الوقت انه يرد علية
تعرفوا حتى اني توه وقتي جدا ضيق.. وشكرا واماني وحبيبت ايمن وشيماء و شكرا هايلة على الرقم والموقع لكن لم افهم كيف طريقة الشراء منه هل له مكان بطرابلس

بناااات اني نحيفة شوية طوالي 156 ووزني 51 مش طويلة ولا قصيرة هلبة زعما وين نلقى محل فيه قفاطين سهرة للعرايس يلبسن في اي سهرية من سهريات العرس يكون على احجام تناسبني لاني مش فاضية توه لتنقيص


بنوتات يا طيوبات بما ان اختى هايلة قالت ان اللى اتسوي في الكيراتين امسافرة وانا لازم انديره اسبوع الجاي لقيت في النت عنوان وحدة في جنزور اسمها سامية تعمل في الكيراتين بالله عليكم اللي عندها اي خلفية عنها اتقولي انا حصلت رقم سامية لكن بالنسبة لشغلها للكيراتين ما عندي اي فكرة اللي جربتها او سمعت حد جرب شغلها بالله تكتبي عنها في الخاص لان مرات ما نقدر نفتح كل الصفحات لضيق الوقت عندي

وسؤال ثاني جدا جدا جدا مهم اما احسن نوع مكوى سيراميك البيبي ليس ام البراون ام الفليبس ام النوع هده ghd يا ريت الله عندها معلومة اتقولي واللي تعرف الاسعار ما تبخل علية زي ما قلتلكم وجزاكم الله الفردوس الاعلى من الجنة
بانتظاااااااااااااااااااااااااااااااااار همتكن يا طيوبااااااااااااااااااااااااااات

حبيبة أيمن;12951767:

مدام ادير فيه في الحوش ... وبعدين الكيراتين يعطي نعومة للشعر صح .. انا اصلا شعري ناعم بس مهبي .. يعني طافي وخفيف وطويل ... وهدا كله من هم الريجيم ... زعما زعما الكيراتين ليه حل ؟ وكم جلسة يبي ؟؟

حبوبة يمشى مع اى نوع شعر الكيراتين ويعطيه لمعة .. بس انتى بما ان شعرك طويل وخفيف ننصحك اتقصيه .. وبالنسبة للجلسات مش بالجلسات هوا هكى لما بتعاوديه انتى حرة تبى ولا لا

شكرا هايلة لتفاعلك معي الله يجزيك الفردوس الاعلى من الجنة .. وبالنسبة للمكوى فعلا عجبوني شكلهم روعة لكن مش عارفة درجة حرارتهم وجودتهم هل هما ماركة عالمية وهل فيه منهم درجة حرارة عالية 450 مثلا لان شعري كيرلي ونبي نستخدمهم بعد تسوية الكيراتين لشعري انا لما سالت عن الماركات الممتازة قالولي عليك ب ثلاثة ماركات فليببس و براون و بيبي ليس ويمكن النوع اللي عندك احسن الله اعلم لكن انا ما عندي خلفية عنه
واسالك هايلة بامانة لو انت واثقة تماما ان النوع اللي اقترحتيه افضل من الانواع الثانية خلاص ناخده لو مش متاكدة تماما بعدين نعتمد على قراري الخاص والقفاطين ان شاء الله نشوفهم

من تعرف احلى لون ارداء بدلة صغيرة يعتبر موضة وحلو لاني ما عندي اي خلفية عليهم وسامحوني كثرت عليكم الاسئلة مش فاضية انقلب في النت واندور عن الردود السابقة لان عقد زواجي بكرة وحايسة فستحملوني يا طيوبات وشكرا عقبالكم يا كل المنتظرات لفرحة العمر غدا ساكون مدام

زهرة الاقحوان مبارك ما تعولي انتي امتا عرسك بالزبط؟وانتي من طرابلس؟
بالنسبة للمكوى احسن وحدة ghd وللقفاطين شوفي دو ري مي في اول سبتمبر او فروعه التانيات اللي هما بيانو واستبرق في بن عاشور وعندك حتى حريم في بن عاشور وبالنسبة للبدلة الصغيرة اني ديما تعجبني الالوان الزاهية تحسيها عرايسية فشوفي الوردي والا البترولي اللي جاي بين الازرق والتركواز واحسن محل هوا الفرجاني واي استفسار تفضلي حبوبة

زهور الاقحوان;12955256:
شكرا هايلة لتفاعلك معي الله يجزيك الفردوس الاعلى من الجنة .. وبالنسبة للمكوى فعلا عجبوني شكلهم روعة لكن مش عارفة درجة حرارتهم وجودتهم هل هما ماركة عالمية وهل فيه منهم درجة حرارة عالية 450 مثلا لان شعري كيرلي ونبي نستخدمهم بعد تسوية الكيراتين لشعري انا لما سالت عن الماركات الممتازة قالولي عليك ب ثلاثة ماركات فليببس و براون و بيبي ليس ويمكن النوع اللي عندك احسن الله اعلم لكن انا ما عندي خلفية عنه
واسالك هايلة بامانة لو انت واثقة تماما ان النوع اللي اقترحتيه افضل من الانواع الثانية خلاص ناخده لو مش متاكدة تماما بعدين نعتمد على قراري الخاص والقفاطين ان شاء الله نشوفهم

من تعرف احلى لون ارداء بدلة صغيرة يعتبر موضة وحلو لاني ما عندي اي خلفية عليهم وسامحوني كثرت عليكم الاسئلة مش فاضية انقلب في النت واندور عن الردود السابقة لان عقد زواجي بكرة وحايسة فستحملوني يا طيوبات وشكرا عقبالكم يا كل المنتظرات لفرحة العمر غدا ساكون مدام

مبروك عليك وربي يهنيك انشاءالله :)
بالنسبه للقفاطين في محا الساري والكرستال ممكنتلقي عندهم فساتين حلوه ونازكه للاعراس
وبالنسبه لالوان بتاع العربي انت لما تمشي للمحلات حتحوسي :|في الالوان فمافيش الوان معينه ممكن الفيروزي والاخضر والبودري حلوات
ربي يهنيك انشاءاللهF:

شكرا لكم جميعا
اهلا حياتي ليبيا وبارك الله فيك تسلمي .. فرحي باسبوع العيد يمكن ثالث او رابع العيد وانا من سبها شكرا لك على اسامي المحلات لكن سؤالي لك حياتي ليبيا هو وين محل الفرجاني وين نعتتهم بالضبط لان انا من سبها اتمنى منكم يا طيبوبات تستحملوني واي محل تقولولي عليه انعتوه لي بدقة من شان ما اتوووهـ فيه
بارك الله فيك اختي كيتي ويهنيك ديما ان شاء الله وين محل الساري والكرستان

ايضا اي وحدة من البنوتات الطيبوبات ياريت تتكرم وتنعتلي محلات صهيب سمعتكم اتقولو ارخاص

زهور الاقحوان;12955256:
شكرا هايلة لتفاعلك معي الله يجزيك الفردوس الاعلى من الجنة .. وبالنسبة للمكوى فعلا عجبوني شكلهم روعة لكن مش عارفة درجة حرارتهم وجودتهم هل هما ماركة عالمية وهل فيه منهم درجة حرارة عالية 450 مثلا لان شعري كيرلي ونبي نستخدمهم بعد تسوية الكيراتين لشعري انا لما سالت عن الماركات الممتازة قالولي عليك ب ثلاثة ماركات فليببس و براون و بيبي ليس ويمكن النوع اللي عندك احسن الله اعلم لكن انا ما عندي خلفية عنه
واسالك هايلة بامانة لو انت واثقة تماما ان النوع اللي اقترحتيه افضل من الانواع الثانية خلاص ناخده لو مش متاكدة تماما بعدين نعتمد على قراري الخاص والقفاطين ان شاء الله نشوفهم

والله يا زهرة انى مش مجربة براون وفيليبس .. بس بين بيبى ليس و ghd جى اتس دى احسن بهلبة وانى نستخدم فيها والله تهبل وعلى فكرة حتا انى شعرى كيييرلى ونجبد فيه شوية بالسشوار وبعدين ندير المكوى يجي يهبل ولازم على فكرة يكون الشعر ناااااشف قبل استخدام المكوى يعنى مفيشى حتا قطرة رطوبة .. و ال ghd متخصصة فى مكاوى الشعر مش زى براون وفيليبس وهلبا بنات فى المنتدى يستخدموا فيها وخودى ارئهم احسن و فى الاخير القرار ليك ..

[QUOTE=زهور الاقحوان;12955824]شكرا لكم جميعا
اهلا حياتي ليبيا وبارك الله فيك تسلمي .. فرحي باسبوع العيد يمكن ثالث او رابع العيد وانا من سبها شكرا لك على اسامي المحلات لكن سؤالي لك حياتي ليبيا هو وين محل الفرجاني وين نعتتهم بالضبط لان انا من سبها اتمنى منكم يا طيبوبات تستحملوني واي محل تقولولي عليه انعتوه لي بدقة من شان ما اتوووهـ فيه
بارك الله فيك اختي كيتي ويهنيك ديما ان شاء الله وين محل الساري والكرستان

[COLOR=blue]ايضا اي وحدة من البنوتات الطيبوبات ياريت تتكرم وتنعتلي محلات صهيب سمعتكم اتقولو ارخاص[/COLOR




محل الفرجاني بتاع البدل العربيه و كريستال والساري كلهم في بن عاشور وانت جايه من ميدان القادسيه تلقيهم في الاول على ايدك اليمين هدا كريستال وبعدين الساري يجيك بعد الشيل على طول والفرجاني بعد زنقة سوق المتلت وفي واحد تاني بتاع عربي اسمه حواء حتى هو امتداد الشارع بن الفرجاني مش بعيد عليه وانشاءالله تلقي اللي تبيه يارب:thumbs_up:

Hayela;12951499:
حبوبة نعرف وحدة ممتازة وعن تجربة شخصية وخواتى وبنات خالتى وكنتها وكدا صاحبة دارو عندها بس للاسف توا مسافرة ومروحة بعد رمضان فمش عارفة يناسبك التوقيت او لا .. على العموم هيا مكانها فى غوط الشعال فى زنقة عيادة الشفاء اتجى على امتداد العيادة بجنبها محل الحياة لتنقية المياة هادى اقرب نقطة .. F:

السلام عليكم نبي نسال على افضل مكان يدير في الهاي ليت وبكم الاسعار تكون

زهور الاقحوان;12954715:
مرحبا يا احلى طيوبات وشكرا لكل من رحب بية حتى اللي ما سعفه الوقت انه يرد علية
تعرفوا حتى اني توه وقتي جدا ضيق.. وشكرا واماني وحبيبت ايمن وشيماء و شكرا هايلة على الرقم والموقع لكن لم افهم كيف طريقة الشراء منه هل له مكان بطرابلس

بناااات اني نحيفة شوية طوالي 156 ووزني 51 مش طويلة ولا قصيرة هلبة زعما وين نلقى محل فيه قفاطين سهرة للعرايس يلبسن في اي سهرية من سهريات العرس يكون على احجام تناسبني لاني مش فاضية توه لتنقيص

لا شكر على واجب حبيبتي .. أحني هني كلنا أخوات .. و يهمنا نساعدوا بعض ..

بالنسبة للقفاطين في محل أسمه ( عماد ) في شارع جرابة .. ميزته عنده قطع تهبل ... و عنده مقاسات زي ما تبي للرشيقات .. و اسعارة حلوة ..

kitty cute;12957066:
السلام عليكم نبي نسال على افضل مكان يدير في الهاي ليت وبكم الاسعار تكون

أنا درت هاي لايت .. في مزين اسمه ( مركز الأميرة ) في شارع الظل .. و مدايرة قبل في مزين ( هبه ) في قرجي .. و عادة ندير عند واحدة اسمها ( أحلام ) تجي للحوش ..

السعر حبيبتي يختلف حسب كمية الهاي لايت .. تبي هلبة أو شوي ..؟؟ و طول شعرك ليه دور ....

انا الثلاثة كويسين و ياريت الأخوات يفيدوك ..

dr_amani;12957488:
أنا درت هاي لايت .. في مزين اسمه ( مركز الأميرة ) في شارع الظل .. و مدايرة قبل في مزين ( هبه ) في قرجي .. و عادة ندير عند واحدة اسمها ( أحلام ) تجي للحوش ..

السعر حبيبتي يختلف حسب كمية الهاي لايت .. تبي هلبة أو شوي ..؟؟ و طول شعرك ليه دور ....

انا الثلاثة كويسين و ياريت الأخوات يفيدوك ..

شكرا وياريت تبعتيلي رقم احلام اللي تجي للحوش على الخاص
انا شعري متوسط الطول ونبي الهاي ليت يكون خفيف مش هلبه فكم حيكون السعر تقريبا لو تعرفي قوليلي وشكرا:)

ArOoTa;12956238:

مدام هايلة انا شعري طوبل وخفيف هلبة فحدود كم يكلف الكيراتين لو درته

وانتوا في حدود كم كانت الاسعار
لان عندي قريبتي شعرها كاري داراته بـ300 عند ماجدة اللي في عمر المختار

روتا حبيبتى انى شعرى كارى بس كتيف كلفنى 275 وكنة خالتى كارى وخفيييف داراته ب 250 واختى طويل شوية تحت الكتاف قريب يوصل نص الظهر وكتيف داراته ب 350 واختى التانية كارى وكتيف زينى ب 275 وبنت خالتى العروسة شعرها طووويل لنهاية الظهر وكتيف نوعا ما داراته ب 450 اضنى او 420 مش متدكرة .. بس انتى لو طويل وخفيف هلبا ممكن ب 350 مش اكتر .. هادا انى اعتقادى وهيا لازم تشوف شعرك قبل وتقولك ..

جمالي تاجي،،،،،،،بارك الله فيك هيا هادي المشكلة مافيش مصداقية في محلات 8o|

زهور الاقحوان،،،،اني مستعملة زوز من بيبي ليس وماشية معاي هلبة ،،،، وحتى جي اتش دي مشكورات وستايلاتهم حلوة وشيك :)


بالله عليكم افيدوني في موضوع،،،،نتصل علي رقم فاطمة شعيب ونلقا فيه مسكر،،،تشتغل بعد نص في رمضان او ماتشتغلش بوكل؟؟ لان بياني بعد العيد مباشرة ولازم نحجز من توا

فيه هلبة قالولي علي نجاة نجار وديانا ومش شايفة ليهم عرايس قبل او مكياج،،،،اللي تعرف عليهم ياريت تعطيني عليهم خلفية وشكرا F:

حصلت حجز مع مصور بهاء الدين مع انه زحمممممة لكن اوينا هما اقل شئ فيلمين يعني تمانين صورة حسيت انه هلبة لانه تلبيسة مش زحمة عائلتين بس وصحباتي ياريت اللي عندها تجارب في موضوع هدا تعطيني رايها

Hayela;12959116:
روتا حبيبتى انى شعرى كارى بس كتيف كلفنى 275 وكنة خالتى كارى وخفيييف داراته ب 250 واختى طويل شوية تحت الكتاف قريب يوصل نص الظهر وكتيف داراته ب 350 واختى التانية كارى وكتيف زينى ب 275 وبنت خالتى العروسة شعرها طووويل لنهاية الظهر وكتيف نوعا ما داراته ب 450 اضنى او 420 مش متدكرة .. بس انتى لو طويل وخفيف هلبا ممكن ب 350 مش اكتر .. هادا انى اعتقادى وهيا لازم تشوف شعرك قبل وتقولك ..

السلام عليكم .. عزيزات مشكورات على الردود المفيدة الله يجزيكن الجنة
الجنــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
وتسلم عيونكم وتسلموا كلكم
هايلة مشكورة جدا عزيزتي لم تردي علية بخصوص اعلى درجة حرارة
حياتي ليبيا احسن كوافيرات ناس ايقولوا وحدة اسمها فاتن وناس ايقولوا بنت اشهوب وسمعت بوحدةثانية كويسة مش فاكرة اسمها لكن هية تقريبا هندية الجنسية
وان شاء الله بعدما تتفعل معي خدمة الرسائل الخاصة نتواصلوا اكثر ونرد على بعض الاسئلة
ومشكورة جدا انت وكل من تفاعلت معي وسامحوني اليوم عقد زواجي فدعوااااااااااااااااااااتكن لي في صلاواتكن ان يجعله زواااااااااااااااااااااااااج رائع وفيه كل البركة والخير وعقبال الجميع

Angel Heart 89;12960360:

بالله عليكم افيدوني في موضوع،،،،نتصل علي رقم فاطمة شعيب ونلقا فيه مسكر،،،تشتغل بعد نص في رمضان او ماتشتغلش بوكل؟؟ لان بياني بعد العيد مباشرة ولازم نحجز من توا

فيه هلبة قالولي علي نجاة نجار وديانا ومش شايفة ليهم عرايس قبل او مكياج،،،،اللي تعرف عليهم ياريت تعطيني عليهم خلفية وشكرا F:

حصلت حجز مع مصور بهاء الدين مع انه زحمممممة لكن اوينا هما اقل شئ فيلمين يعني تمانين صورة حسيت انه هلبة لانه تلبيسة مش زحمة عائلتين بس وصحباتي ياريت اللي عندها تجارب في موضوع هدا تعطيني رايها

انجل .. بالنسبة لفاطمة سمعت انها متخدمش نهاااائى فى الرمضان والله اعلم زيدى تاكدى ..
اما بالنسبة لنجاة النجار و ديانا فنفس المستوى بس نحس فى ديانا مازال اشيك فى التسريحات .. وعندها مركز اسمه اوركيد فى بن عاشور ..

بالنسبة للصور انى فى بيانى صارلى نفس الشى حجزت صور تابتات اضنى 35 صورة وحتا انى كان بيان عائلى فققطط حتا صاحبات لا الا المقربين المهم لما كلهم قعدوا يصوروا اضريت انى نقولها تزيد فيلو تانى .. لان مرات عيلة خطيبك يحرجوك ويقعدوا يصوروا معاك هلبا وبالوحدة كلهم يبو يصوروا متاع جو صورة بروحهم مع العروسة ولو خطيبك بيخش معناها بتاخدو لقطات بروحكم وهكدا .. ف 80 كويسات او قولها بنحجز 40 ومرات نزيد وهيا ادير احتياطها لو تم عليكم الفيلو ومحتاجين تزيدو تصوروا زيديه وكان محتججتوش فوتيه ووفرى فلوسك .. :worn_out:

ArOoTa;12960517:

صحيتي يا مدام هايلة..ع الاساس هذا في حدود 400 شعري

لانه طويل لنهاية ظهري...بصراحة ماما مش مشجعتني عليه
لان فيه من يقول يطيح في الشعر...واني شعري مش ناقص
مكانش خفيف بس بدي يطيح من السنة اللي فاتت
وفكرت ناخدله مستحضر من زين الاثات

شن رايك يامدام ؟؟ وسامحيني كترت عليك

روتا حبيبتى راهو الكيراتين ميطحش الشعر نهاااااااائى لانه مش مستحضر كيميائى يعتبر مستحضر طبيعى .. وانى جربته والله ما اتر فى نسبة تساقط الشعر .. يعنى متركزيش لان لو ركزتى حتحسيه يطيح لكن هوا طبيعى يطيح يعنى ممكن يطيح شوية كل شوية حتا قبل الكيراتين بس بعد الكيراتين تبدى مركزة فتحسيه يطيح تقولى هادا من الكيراتين .. لالالا .. انى والله جربته وكووووييييس .. وبالنسبة لزين الاتات مش مجربتله مستحضرات الشعر لان مش خاشتلى كل منتجاته دماغى .. بعض منها صح بس متاع الشعر سبحان الله مش مقتنعة بيهم .. مفيش احسن من الزيوت الطبيعية .. :thumbs_up: او علاج يوصفهولك الدكتور احسنلك عاينى وشوفى لان التساقط اكيد ليه سبب F: