dr_amani;13045811:
عرفت في حاجة مش طبيعية ..
جامع القبطان نعرفه كويس ,, وين يجي منه الدوغري ؟؟؟
طرابلسية لسرتاوي;13046189:
عن نفسي تعجب فيا غير نصيحه ارفعي معاك الفاونديشن تبعك:thumbs_up:
هنو الدلوعه;13039344:بصراحه فيروناااااااا ذوق رهيب عجيب ويابنت خلاص لازم نتقابلو قريب أني وأنتي وعروسة الأميرات تعرفي اني نموت في المكياج لما يكون متقن ونحبه هلبه وللأسف مافيش مزينه تمسح الخاطر
وسؤال ليك ياعسل
شنو رايك في مزينات بنغازي لأنه ديمه السؤال هذا يتكرر بالنسبه ليا عارفه بس نحب نعرف راااااايك ياذوق أنتي ؟
تعشق زوجها;13046948:
اني تعجبني فاطمه شعيب لكن تعرفي طالعه وحده فاتتها بهلبه اسمها نجاة النجار تعرفي عرايسها تحفه المكياج خيالي والتسريحه متاع الكتالوجات في بن عاشور تقريبا هدا اللي نعرفه عليها
عروسة ليبيا;13047045:
حبيبتي
نجاة النجار مكيجتني اني وماما ف عرس هايله بنت عميمه هالكلام ليه قريب خمس سنوات
الحق كان حلو لكني كنت بنت وقتها مش عروسه ومتفكره انها كان حلو لللللللكن كترتلي مع انو قتلها نبيه بناتي
لكن رسماته حلو ودرات لي ام هايله تسريحه حلوة بكل ام العروسه
وكانت وقتها ف سياحيه وبعدها سمعت انها حولت اني جربت دعاء توا ف زيارتي ليبيا عاجبتني ف مكياجي ومكياج مرت عمي ميراث منصور
اما ف عروس عندها حسيتها قنينه عادي مش واو
ف صالون نوال المحل اسمه دانيا ف جردينت كشلاف يفتح الحق حسيتها ف العرايس مكياجها حلو شفتلها زوز عرايس ولا تلاته واني عندها حلوات
ونوع مكياجها الي طالع الشدو علا برا قريب علا شدوهات فاطمه شعيب
حق علا سيرة نجاة ووورتنا وقتها نجاه صور عرسها قنينات هي مطلعه روحها
لكن مزال فاطمه شغلها اقوا حسب نظرتي 90 ف الميه مش شغل فاطمه واو وتسريحاتها محد يدير فيهم زيها
بس في بعض العرايس فقط مش هلبا شوي ما تزبطش البودره معاهم يعني تجي مجيره شوي او مغبره زي مايقولو
وف الاخير الكوافيرات هادو حظ مره تصيب ومره تخيب:hysterical:
حياتي ليبيا;13044547:
نورهان وضحي اكثر شن قصدك بالعجين المورق والمكسر؟؟؟
لو قصدك عجينة الباي او القطايف او السمبوسة ....هادو تلاقيهم في السوبرماركت الكبيرة زي سوق المهاري او سوق الثلاثاء وتلاقيهم حتي في محلات خاصة بالعجائن اللي تبيع في الرشدة والبوريك..
تعشق زوجها;13046284:
ايه ياعويله سمعتوا شنو قلتلكم علي متاع الحواجب ديروا رجليكم في غمركم وبرولها جري
dr_amani;13044967:
ســــــــــــــــؤال :
في حد يعرف محل الدوغري خيرة مسكر .. اكثر من مرة نلقاه مسكر ...
نورهان2;13048143:
ايه ياغالية قصدي عجينة القطايف وكمان عجينت لابت بريزي اللي هي متكسر
يسلمو على اهتمامك ياغالية
بس محلات العجائن وين لاقيها انا لسا راح اجي طرابلس
حياتي ليبيا;13050651:
الدغري اللي مقابل مدرسة سيالة بيطيحوة لكن عنده محلين في جامع القبطان والنعتة شوفي بري لزاوية الدهماني علي الرئيسي فوتي الدغري اللي مقابل المدرسة وبري طوووول لين تقابلك جامعة الحاضرة عرفتيها والا...خشي منها هيا علي يمينك وخليك بري طول يقابلوك صفة محلات يمين ويسار متع ديكور اول محل الدغري تركبيله بالدروج وبعدة بمحل تاني يجيك محلهم التاني ومكتوب عليه...عموما الشارع هدا فيه عيادة د.عصام ساسي كان عرفتيه
princessfafy;13050667:
السلام عليكم
اني عضوءة جديدة معاكم نتمني ليا مكان ما بينكم
بس حاب نسأل وين نلاقي قفاطين قصيرات
shima*;13051476:
السلام عليكم
بنات ياريت اللي عندها افكار للتوب بتاع الفيلو تعطيني رسمة اكسسوار أو أي شئ بلييييييز
فيرونا 25;13051694:
السلام عليكم
حبياتى وخياتى العرائس حبيت انوريكم اربع قطع من bra
حلوات للعرائس خصوصا انهم لهم خامه حلوه جدا واتعانى للمده طويله
يعنى جودتهم ممتازه
وشريتهم من la senza و marks& spencer
وموجود له فرع فى طرابلس ليبيا
ياريت اتقيمونى
princessfafy;13050667:
السلام عليكم
اني عضوءة جديدة معاكم نتمني ليا مكان ما بينكم
بس حاب نسأل وين نلاقي قفاطين قصيرات
عروسة ليبيا;13052410:اهلا حبوبه انستي ونورتي F:
يشرفني وجودك معانا
سوال المخالفه
ممكن توضحي مش واضح سوالك قفاطين عشيه يلتبسو بروحهم او فوق البنطايل كاجول يعني عمليات
ولا بتاع سهره
ولما توضحي باذن الله البنات يفيدوكي