مريوم والاكل ..

هلا حبيبتي

اني بنتي بعد معاناة وياها على الاكل والحين عمرها سنة وشهررين ووزنها ستة كيلو ونص بسسسسس اتخيلي

وبنتي ماتررضى تشرب حليب ولا شي فيه حليب بعد من فطممتها سوت مقاطعه لجميع أنواع الحليب
وكانت كله تبي تشرب عصير توت اربعة وعشررين ساعة

والمصاصة في بوزها والحين صار ليها اسبوعين من فطمتها عن السهاية وأشوف أتعدل أكلها قامت تاكل شوي انشالله هالمرة وزنها ارتفع

بالنسبة للأكل : حاولي تأكلينها بسكوت مذوب في حليب
زبادي فواكه
سوي لها فواكه مهروسة

شوربه خفيفه على شوفان ( الجهال يحبون الشوربات )
سوي لها كسترر أو كريم كراميل

عيش أبيض لين خلطي مع البطاطس المهروس أو مع قررع

خذي لها سيريلاك

انا مثلج اعاني من بنتي عمرها سنه و 9 اشر ما ترضي تاكل و وزنها خفيف

حاولت معاها ما في فايده ما تاكل الا تفاح و موز و اشوية رز او خبز وديتها المستشفى وصفوا لهافيتامينات بس ما شربتهم

الله يعينا نحن الامهات

عطيها منقوع تمررر
وعطيها منقوع الرز المصرررري
بسرعه تسمن


الله يحفظها ويسمنها :)

ام علووي

هلا خيووو يا الله يعني مو بس اني اعاني :( وش هالحالة



ان شاء الله يرتفع هالمرة وزنها

زبادي الفواكه ما ناسبها

وبسكوت اسوي لها ساعات في الريوق

انوع مرة بسكوت ومرة كورن فليكس

لاحظت لها تحب شوربة اللي تسويها حماتي

بس ماعرف اسويها خخخ صعبة شوي

وتحب الكستر بس ما جربت لها كريم كراميل

بنتي تحب الاجبان و البطاطا والزبادي لاحظت لها هذا اللي حبته

احاول ااكلها تمر وشوفان سااعات وساعات تاكل مو على طول




ام هند الله يهديييييييهم بسسس متعبينا




نجد اسوي لها منقوع تمر

بس شنو منقوع الرز المصري ما فهمت ؟

سلاااام
عزيزتي لاتخافين كثير هم الأطفال كذا يتعبون في البداية بنتك لسه صغيرة لكن حاولي تهتمين في أكلها بالعناصر الأساسية
نبدأ ومعلوماتي جربتها مع بنتي عمرها11شهر وسمعتها من مختصين
1-السيريلاك جدا ممتاز في ناس يقولون مامنة فائدة بالعكس دكتور أطفال يقول ممتاز ويمد الطفل بالعناصر الأساسية ومن الضروري تغيير نكهاتة وعمر بنتك يناسبها القمح مع جميع النكهات
2-الخضار البطاطس والجزر والكوسة تسلقيها وتخلطيها في الخلاط سوا وبدون ملح أو سكر
3-الأفوكادو مفيد جداجدا ويمد الطفل بالدهون الضرورية
4- الفاكهة بجميع أنواعها وبدون اضافة سكر اهرسيها في الخلاط وأعطي طفلتك ولا تكثرين من الموز عشان لايسبب امساك
5- الزبادي
طريقة اعطاء الطفل
مثلا الفطور السيريلاك مع الحليب
الغدا اما خضار مسلوقة أو الفاكهة أالزبادي مع رز أبيض مع شوية دجاج مسلوق
العشا زبادي مع الرضعة
حاولي تسوين لها رضعة كل ساعتين وأعطيها حتى لو ماتشرب منها الا قليل
وأبعديها عن الحلويات والشوكولاتة والشيبس
أنا استخدمت هذا الأسلوب مع بنتي والحمدللة

جربي معاها السيريلاك

انا لين الحين اعطي ولدي سيريلاك رز
احيانا اعطيه ويا حليب واحيانا ويا ماي
بس اكثر شي ويا الماي

وبعد باجر عنده موعد بشوف وزنه اذا شفته زايد بقولج نظامي

الله يهديها ان شاء الله وتاكل \\ الجهال كل جدي الله يعينا :D ..
اني ما عندي اولاد بس اعرف وش يأكلون الجهال هههه
الا عرفته ان الجهال يحبون الشوبات وهالسوالف
سوي اليها شوربة مفيده في نفس الوقت
فوحي اليها خضروات \\ مثل (الو ) بطاطس , وجزر وكوسا وهالسوالف يعني
وبعدين حطيهم في الخلاط وخلطيهم بتصير شوربا وجربي عطيها وان شاء الله تاكل :D ..

نفس مشكلتي مع بنتي دخلت الشهر العاشر ومش عارفه انوع لها في الأكل
بنات ياريت حد يقول لنا على طريقة شوربة الشوفان

{ أسالي الطبيبة المختصة بالاطفال اذا كان يصير تسوين لها حليب دافئ مع ملعقة أكل دبس (عصارة التمر)....~
كثير مفيد يساعدها ع توفير كل ماتقدر تستفيد منه بالاكل

يغطي كل نقص تعاني منه
ويقوي الدم
وبدنها ويخليها تمتن

فيه موضوع لأم المهند عن هالموضوع وايد حلو

بحاول اشوفلك الموضوع ان شاء الله القاه

يعني من اول ما نحمل
معاناه الين نولد معاناه
والين نطعم الاطفال معاناه
والين ناكلهم معاناه ياااربي
وبعد كل يوم اكتشف شئ جديد
كنت مستسهله بالموضوع و عبالي
انه سهل ومافي اروع منه ولا اسهل
ولما تكونين بالامر الواقع تنصدمين ان
كل شئ يبي له

الله يقدرنا ياااارب

القمر يارا كلامها سليم مية بالمية ومعظم اللي قالته أكلته بنتي وجسمها زين ماشالله . .

اهليين ام مريوووم

جوفي خيو انتي جربي معاه شي شي

مثلا احين مريوم تاكل الو صح .. خلطي لها مع الو كوسا لمدة يومين
جوفي جسمها يتحسس منه لو لا ؟؟

بعدين ضيفي بوبر و جربيه لمدة يومين و جوفي تحسس منه لو لا ؟؟

جربي معاها التفاح و جربي معاها الموز

بعد ما تكملي تجربي لكل نوع بعدين تقدرين تخلتطين الاشياء مع بعض

مثلا انا حاليا اعطي برهوم عيش + الوا + بوبر + كوسا + جزر >> كلهم مفيوحين مع بعض = بعدين احطهم في الخلاط و اكله اياه

احيانا اسوي له تفاحة في الخلاط مع سيرلاك يعني انوع

و في النهاية ترى الوراثة تلعب دور .. يعني انا اكلت ولدي من عمر 4 شهور و وزنه مازال ناقص و ما اعتقد يرتفع خخخ !

أم علاوي حلو لدش على الموضوع . . مهضوووووووم

[SIZE=4]القمر يارا عليكم السلام حبيبتي

اممممم هيك تشوفين يعني ؟!.

اييييي ناس واجد تقول السيريلاك مو مفيد وجذي قمت وقطعته

ومن يومها مو عارفة شنو ااكلها ما صار منتظم اكلها

كنت على طول ااكلها سيريلاك وكانت تحبه وترغب له

جربت لها الخضار الوحيد اليقطين اللي ما ناسبها يجيب لها اسهال

وقمت الحين اسوي لها شوربة احط فيها بطاطا و شوفان وشوية ماجي

والحمد لله حبته ساعات اضيف كوسا او قرع وساعات ارز و نوع من السمك او الدجاج

معلومة الافوكادو جديدة علي يسلموو حووبي

والفواكه اعطيها كل يوم نوع اهرس ليها واعطيها بس ماعتربها وجبه رئيسية

يعني بين الوجبات

اما الزبادي مو مقصرة يوميا اعطيها تموت عليه خخخ

مشكووووووورة وما قصرتي

اني قمت اسوي الحين جذي

الريوق .. كورن فليكس وحليب

الغدا .. شوربة خضار

العشا .. سيريلاك وراه رضعة

و العصر زبادي



[/SIZE]جود .. كنت ااكلها وقطعته عشان اعطيها اشياء طبيعية احسن

بس رديت الحين رجعت له واضفت ليه الوجبات الطبيعية

ان شاء الله زاد وزن عبادي وبالانتظااار



الفرقد ان شاااااااء الله هههه صدقتي


تحب شي اسمه شوربه :lol: توني اكتشفت


زوزو خيوو شوربة الشوفان ماي وشوفان وشوية ملح

وطبعا اذا تبين تحطين اضافات حطي خضار مع دجاج او خضار بدون دجاج او العكس



نور العرب صدق والله ؟؟؟! توني ادري

يبي لي عجل اسأل ضروري خخخ اسهل لان من سالفة

التمر والشوفان



يا قلب لا تحزن بانتظار الموضوع حبيبتي



زهووور هلا ام برهومي

سويت مثل ما قلتي وجربت لها كل شي الحين

و من سالفة الوراثه كلنا يوم يجيبونا دباديب اهلي واهل زوجي ههههههه :lol: