الامورة شجن;13029015:
العفو حبابة وإن شاء الله تستفيدين منهم
عمري بقولج شي.. صح الشغل تعب× تعب لكن منه متعه وفايدة وإن شاء الله إذا واصلتين تقدرين تفتحين لج مشروعج الخاص فيج يا رب ..
بقولج شي وطبعاً هذه تجربتي في الشغل ..
آنا كنت في المدرسة وأشتغل يعني بالصبح اتشوفيني في المدرسة والعصر اشتغل مو حق الفلوس لا والله الحمدالله ابوي ما يقصر علينا لكن على قولتهم آنا دون إخواني شاقة الارض وطالعه :o وايام الصيف اتشوفيني اشتغل صبح وعصر وحتى يوم دشيت الجامعه كنت ادرس واشتغل ودشيت في وايد شركات وتعلمت صج انه كان شي مرهق ومتعب لكن بقولج حصيله شغلي :
اولاً إكتسبت الحمدالله خبرة
ثانياً اتعرفت على ناس وايد وصار عندي معارف
ثالثاً صرت اعرف اميز الناس من التعامل معاهم
رابعاً الحمدالله إبتديت بمعاش والله لو اقولج كم كان معاشي بتضحكين علي كان معاشي 50 دينار والحين الحمدالله معاشي أضعاف أضعاف هالمعاش ..
وغير هذا وهذا تعرفين شنو اللي تحتاجينه يعني عقب لما اتفكرين اتسوين لج بزنز خاص فيج تقدرين تفتحين البزنز وانتي بكل ثقة يعني اتكونين لامة دراسة البزنز من كل النواحي سواء من ناحية المادة او المكان او الناس اللي راح تشتغل معاج ..
والحمدالله هذاني أشتغل والحين توني راح ابدأ برسالة الماستر وإن شاء الله من عقب الماستر راح افتح مشروعي الخاص فيني معنى كنت ابي افتحه الحين بس قلت لا بكمل أول ماشتر وعقبها بإذن الله راح افتح المشروع منها يقوى عودي ومنها اشوف السوق صح ..
فلا تخلين الاحباط ايكون له درب عندج بالعكس حتى لو عطوج شغل بتقولين وحياتي لو قدرتي اتقسمين وتنظمين حياتج صح واشتغلتي على الأشغال اللي يعطونج إياها صدقيني راح تتعلمين وبسرعه بعد خصوصاً إن ما شاء الله ايبين عليج من الناس الذكية اللهم صلِ على محمد وآل محمد .. وإخذيها من مجرب ..
أتعبي الحين واشتغلي وايد لكن عقب بترتاحين
شجونه شخبارج
الصراحة الله يوفقج ان شا ءالله
وتفتحين مشروعج ان شا ءالله نكون اول ناس نبارك لج فيه :thumbs_up:
