ملفى امهات وحوامل مملكه البحرين لشهر رمضان (شهر الخير) لعام 1431ه_2010م..

صباح الخير بنات وجمعة مباركة ان شاء الله على الكل
نايمة عقب القجر وماشفت روحي الا قاعدة الساعة 10 مع انها مو حزتي كلش

ويسلمش ويخليش خلف جبدي انا بعد بعد ارتحت نفسيا عقب ولادتي مع اني كنت منهكة جسديا يالله كل بأجره ان شاء الله

صح كلامش خلف جبدي:thumbs_up:

ويالله صلوا على النبي محمد وال محمد في هذا اليوم الفضيل والشهر الفضيل واحنا ماعدنا فرق بين شيعة وسنة وماليه داعي نتكلم على بعض بهالطريقة ونغلط بعض وكان الله غفورا رحيما

قوة بنات شخباركم
بل بل بل بل مبرزة روحي برد على مواضيعكم تفاجات
اقول اليكم صلوا عالنبي حبايبي ترى الدنيا ما تسوى
خلوني بتكلم معاكم بالحق
اني شيعية و متمسكة بمذهبي و ما ينفع تتكلمون عن مذاهب
ترى ما خربت العراق الا من قصة الشيعه و السنة و المذاهب
العراق نموذج بسيط لكم , ترى امريكا ما ضارتيهم كثر ما هم ضارين انفسهم
بسبب الشيعه و السنةو الطائفية

اخواتي ترى ابوي رجل دين الله يرحمه و اولما بدت المشاكل كان يطلع ليهم
و يقول اليهم يا اولادي روحوا بيوتكم و انتون مو قد الحكومة
و الصراحه حتى اني ما يعجبني ابد و لا يعجب الكثيييييييييير من الناس الي يسووونه
حرايق و خرايب و شوارعنا اختربت من مشاكلهم ,غير عطلونا في الشوارع و خوفوا عيالنا
و اثاروا الذعر , وين عايشين احنا , كنا وين و صرنا وين
اول من فتح الموضوع الشيخ و انتون تعرفونه و بعدين عطوه منصب و سكتوه ,و لكن وش الفايدة
زرع الفكرة في عقول الصغار و الحين هذيلة الجهالو هم الي يسووون المشاكل
بنات صدقوني حاولوا تطالعون في وجوهههم و اشكالهم و الله العظيم جهالو و الي لابس سلسلة و الي مسوي له قصة
قسم بالله و اني صايمة و اقول الحق , صح في ظلم لكن احنا بعد شنسوي ,احنا بشرلازم نساير الحياه و نعيشها
ما عندنا واسطات و لا هالهرار ندرس و نكرف روحنا عشان نعيش, لكن بعد نحمد ربنا احنا احسن من غيرنا ,
اني انقهر لما اشوف واحد من الشباب المخربين صغير لا ملابسه عدلة و لا قصة شعرة قصة اسلامية و اكثرهم طالعين من المدرسة
و يقط حجارة , زوجي و حتى اني اقول بدل ا تتحط راسك براس الحكومة روح ادرس و ثابر و الله ياما اروح مطعم مع زوجي و اشوف طلبة يشتغلون
في المطاعم زام اول ليلل و في النهار يدرسون و هم صغار, مرة من المرات كنت داشة الديرة الا فيها فوضى و وقفت سالت الشغب هل في مشاكل ؟
تدرون زبر علي و خوفني و سيدة مشيت . و من لفت لفة البيت الا واحد من هالجهالوا كاسر دريشتي بفلاتية . مت من الخوف تخيلوا عشان بس سالت الشغب
كسروا جامتي و ظليت في الرطة لتص الليل و في الاخير اني الي صلحت جامة سيارتي و على حسابي , اني اول الى متى يعني بنعيش جدي,و صدقوني يا بنات احنا حياتنا جدي و تعودنا نعيشها , و ان كان على الظلم فمن ظلم فقد ظلم نفسه , و احنا في شهر الله لا تجرحون صيامكم ,ترة ما بتستفيدون شي , و لا احد يقول سنة و شيعه الحمد لله انتوا كلكم دارسين و مثقفين , الي يفرق هو الانسان الجاهل الي ما يعرف شنو الحياة و لا يعرف شنو الدنيا و امورها .كلنا بشر و كلنا محاسبين من قبل رب العالمين .