لحظة امل;12988432:
بنات ميته من العطش اليوم
أجر وعافية إن شاء الله ..
زهرة السعادة;12988443:
صباح الخير يا بنات
كنت اتفرفر في المنتدى
و امس بعد ما داومت و لا دخلت
الله يعين على الواجب =)
صباحج عسل يا عسل ...
ام حممودي;12988453:
صباحكم عسل حبايبي
اليوم داومت بس كلش دايخة من الزكام
ما عليج شر حبابة وأجر وعافية إن شاء الله
الوردة المستحية;12988497:
الله يسلمج شجونة
ويسلمو على التقييم
وصباحش عسل
ويسلم غاليج يالبدرة .. حاضرون للطيبون .. وصباحج قيمر بالعسل يا عسل
ام حممودي;12988528:
خيشة : هلا عمري الحمد لله اليوم احسن من امس بس الصوت out
نور : حبابة الشر ما يجيش
خيو بخصوص الشقق الحين يعطون عمري حتى الي مقدم قبل سنة او سنتين
بيت جيراننا صغار توهم متزوجين الي اللعام و الي قبل سنة حصلوا بس عاد تمليك , يعني بعدين ماكو بيت , الي يبي بيت ينطر طعش سنة ;)
:lol::lol:
حلوة طعش سنه .. اي الحين الشقق التمليك بسرعه يحصلها الواحد
نور الصـباح;12988607:
النوده واصله 6000
عاد نطري اشوي علشان لا تجينا احنا بعد <<<خوب ما يعوق وحده تبدأ والباقيين وراها :lol:
miss designer;12988600:
الله يجييش ان شاء الله ومشكووورة حبيبتي F:
هلا حبيبتي ... الله يبارك في حياتش يارب ;)
طلبنا الله يسلمش قريب بكمل سنتين .... واني متزوجه توني من كم شهر
بس هذلين شقق تمليك وكلش كلش قريبين من بيت عمي :thumbs_up: احسن من الشنططه في شقق الايجار
ان شاء الله ياربييي والله يسمع منش :D ومشكورة عمري عالدعوة الحلوة
صح كلامش .. الحين شقق التمليك ناس واجد بدت تفكر فيهم لان هم الحل الانسب الي ماعنده مكان في بيت عمه واللي مايقدر يبني :'( وبصراحه الايجارات الحين نار مايسوى اقط كم مئة عليه كل شهر تروح جذي ... على الاقل هذي بتصير ملكنا ونقدر نتصرف فيها بعدين
الحين انا ساكنه في بيت عمي ( غرفه + حمام + ممر فيه كبت للمطبخ :lol: ) المكان كلش ضيق ومافي سبيس في بيت عمي للبنيان والشقق اقل شي 200 دينار على الاقل عصفور في الايد ولا عشرة على الشجرة
الله يسمع منش ان شاء الله يارب :biggrin:
الله يعين الشباب مساكين على المصاريف .. الواحد اذا بروحه على عمري ايعور القلب .. وإذا المراة تشتغل بعد اتعور القلب
الله كريم وربي يفرجها عليكم وعلى المؤمنين والمؤمنات وإن شاء الله ببركات هذا الشهر الفضيل تتحولين شقتش وتحملين بتوائم يا رب :D
++++
بنات بقول اليكم سالفة ..
تذكرون سالفة الترجيع وظهري كله ايعورني والحاله قايمة عندي ..
اسمعوا السالفة
الله يسلمكم ويطول في أعماركم توه بيت ابوي واصلتنهم خدامه مؤقته لحد ما توصل الخدامة الاساسية لأن خدامتنا القبلية سافرت المهم الخدامه اللي جايبينها من اندونيسيا وطلعت امسوية الي شي وما ادري شنو واستغفر الله احنا كنا على نياتنا عاد امس مرت اخوي كانت وي امي في المطبخ الا اللي ما تستحي راحت وقعدت تلمس مرت اخوي في ظهرها وجذي ومرت اخوي سيده قامت وزفتها وعطتها العين الحمرة .. المهم آني هالفترة كنت اروح تقريباً يوميا بيت ابوي والله يا بنات من اول ما جت وآني تقريباً يوميا اتهاوش وي زوجي وصاير بعيد عني الا ما قل ورحم ربي لين احنا بروحنا يعني مثلاً ينزل بيت عمي ويتفطر ودايركت يطلع وما يرجع الا على الساعه 2 واني اكون قاعده انتظره ومن ايجي كانه احد قايله قوليها اليها روحي نامي .. المهم هذه العلة اللي جاية مسوية الي الظااهر عمل او شي لأن الالم اللي جاني مو طبيعي وغير حاله الترجيع والحالة لله من غير اي سبب وحتى الفحصوصات طلعت ولله الحمدالله ما فيها شي المهم أمس جاية بيتنا مرة كبيرة في السن واحنا نعتبرها جدتنا عاد الا شافتني منبطحه واتالم الا اتقولي يا بتي انتين بعدج شباب وجذي عجل لين عجزتين شنو بتسوين الا قلت اليها يمه آنا من بس اسبوعين تقريبا من عقب الدورة الله يعز السامع والقارئ صادني جذي ومو بالعادة الا اتقول الي تعالي بشوفش اول شي استحيت وبعدين الا اتقولي تعالي أني مربية امش مو انتين يا النتفه :lol::o عاد رحت اليها وقالت الي وين الالم وشنو اتحسين الا قلت اليها كيت وكيت وكيت قالت الي انزين وبعدين قامت تسال رحتين عرس او مكان هالفترة قلت اليها لاا يعني آخرة مرة قبل رمضان بفترة الا اتقول لاء من عقب الدورة قلت اليها لاء قالت في احد جديد في بيتكم قلت اليها الخدامه مالت بيت ابوي الا اتقول عجل وصلنا خير وبعدين قامت وقرأت علي اشوي وقالت الي جيبي ورقة وقلم وكبريت وكتبي اسمها وحرقيه وسويت اللي قالته وآنا جذي :!!:
وقالت الي كتبي اسمها ثلاث مرات وحرقيه وبس حرقت الاسم ما حسيت بروحي الا الالم اللي فيني كله راح وحسيت روحي ابي ارجع الله يعزكم وبعدين مرة وحدة طلعت اللي في جبدي وكان شي مو طبيعي حتى من كثر ما كان شي مو طبيعي حسيت جبدي طلعت وردت رجعت مكانها (سوري مو قصدي الوع جبدكم ) وتخيلو اللي طلع كانه حبر مال قلم ازرق وحدي انصدمت :-o:-o وبعدين الا اتقول هذه فلانة كانت حاطه البال عليج ومسوية لج شي من جذي صار فيج هذا كله .. وبعدين قالت الي في الفجر اتسبحي واتؤضي وصلي وإقرئي سورة البقرة إذا قدرتين كامله وتميت قاعده للفجر وصج تسبحت وتؤضت وصليت على النبي محمد وآله وقريت الي سورة البقرة ما تدرون شنو صار فيني والله يا بنات حسيت عظامي كلها كانها كانت مكسورة ورجعت طبيعية وحسيت كان حجرة من على قلبي وطاحت ..
ونسيت اقوليكم بعد امس تهاوشت وي زوجي بسبب هالسالفة وهو تم في الشقة وآنا في بيت ابوي وتميت استغفر الله لاني مو مقتنعه باللي صاير كله اقول ليش تهاوشت وياه حق شنو ؟؟ وبعدين طرش لي مسج يعتذر وآنا نفس الشي ومن عقب ما صليت وجذي الحمدالله اتصل فيني وتعذر لي وآنا بعد تعذرت له لأني اصلن ما ادري ليش بس اتهاوش وياه على اتفه الاسباب وما تستاهل الزعل والهواش وبعد غير هذا وهذا الحين مزاجي زين ومرة وحده ما يشوفني الا منقلبه وحده غير :confused:
استغفر الله حسيت ما ابغي اقعد في بيت ابوي .. وبعدين يوم يتصل فيني جى واخذني ورحت الشقة واليوم من صباح الله خير امي قالت ما تقعد في البيت بس المشكله ان المكتب حاطين في العقد المؤقت انها تقعد لعقب العيد وبعدين برجعونها اول مرة بعد اسمع بالشروط الغبية :thumbs_down::thumbs_down:
وبعدين من اشوي اتصل ابوي & زوجي على مكتب ابو تهاني الله يجزاها الف خير وان شاء الله بناخذ 2 حق بيت ابوي وحق شقتي
وبس خلصت السالفة عورني قلبي:'( وآنا اكتب من الحرة اللي فيني وآنا اكتب اليكم واني اصيح :'(