طـالبتكم بحـلول

شتاء ساخن;12881449:
حاولين بين فترة والثانية تعزمينه على غدا او عشا في مطعم
او فلم في سينما
سوي له حفلات في بيتكم
حطي لكم دفتر وكتبي له الي بقلبج
طرشي له مسجات
وانتي وياه قولي له كلام حلو

حاولي بين فترة والثانية تغيرين من اللوك تبعج

**جودي**;12881461:
شلون يبيك تبينين له الحب

انتي قارني بين نفسك اول والحين

اذا حسيتي فيه شي تغير ارجعي سويه

هو شنو يبيك تسوين بالضبط

احس الكلام مو واضح ياريت لو توضحين اكثر

dala hawwa;12881480:
حبوبه اهنيك عالزوج الذوق ربي يتمم لك علئ خير

شوفي يااقلبي ابدي معه بدايه جديده سوي حفله بسيطه له
واعتذري له عن تقصيرك معه وراح ينبسط لانك حسيتي فيه
وخلاص انتبهي لنفسك لاتندمي بعدين بعيد الشرررر

ترا اكبر نعمه انو عندك زوج يصااارحك

موفقه قلبــــــــــــــــــــــــــــــي

عروس الوجد;12881530:
حبيبتي زوجج مفتقد للمسة من اهتمامج.. مفتقد للمشاعر الدافية.. مفتقد لانوثتج وقت الليل.. شوفي يالغالية يبي لج تحاولين ترجعين مثل ما كنتي بس حاسبي اقولج من شغله... انج تبيني له مشاعر مصطنعة لانه هو يبي يحس بالحب وبكلمات الحب من قلبج من احساسج ..

كتبي له رسايل حب .. تقربي منه وسأليه شنو تحب اسوي لك وخلي يقولج الي بخاطره.. وربي يوفقج ويسهل عليج امورج

مــيــار;12881691:
أختي دامج خذيتيه عن حب و هو بنفسه قالج تغيرتي ... يعني كنتي انسانه رومانسية وما يحتاي أعلمج اشلون ترجعبن مثل فيل ... انتي ماشاء الله عليج فاهمه وتعرفين .. حاولي تقعدين وياه بس مو قعدة عتب لا ... قعدة كلها حب وحتى حاولي ولدج الله يخليه ان ما يكون بالجو ... وصدقيني راح ترجع حياتكم مثل قبل ...


والله الموفق ....

عروس الوجد;12881749:

هلا عمري جود .. على سالفه الوظيفة انا بعد متخرجة بس ما صرت أحاتي شي لأنه كل شي في وقته وإلي الله كاتبنه بصير وتوكلي على الله وكل الأمور بتتيسر أن شاء الله :thumbs_up: ....

حبيبتي يمكن من خلال كلامج عرفت أن زوجج محتاج (( للأهتمام )) مثلاً لما يوصل من الشغل أستقبليه يعني هالوقت وايد مهم يحسسة بأنج صج مهتمه فيه.. ولما بترقدين الليل قولي له تصبح على خير وبوسيه.. ولما تكوني معاه في البيت جلسي جنبه وأمسكي أيده أو حطي راسك على صدره وقولي له الله لا يحرمني منك يا بو عبادي.. وما فيه أحراج تطلبين منه أنه يضمج.. مثلاً وأنتوا طالعين من البيت قولي له ما بطلع ألا لما تضمني وتكسر ضلوعي <<<<< :lol: هههههه

ودي ولدج جم ساعة بيت ابوج وحاولي تنفردين معاه في جو كلاسيك رومنسي.. تعشوا برى أو في البيت على ضوء الشموع.. وقولي له أنا أبد ما نسيتك وأنت بقلبي ومهما الظروف تكون قاسية أبيك توقف جنبي وتخبرني بكل شي في بالك وأنا أحييك على صراحتك وأشد بيدك على هذا الموقف وأتمنى حياتنا تكون حلوة طول العمر ويارب نسعد بعض وما يفرقنا أحد :L::adore::o..

الدلع حبيبتي.. الرجال يحب البنت الي تدلع عليه.. تكلمي معاه بكل انوثة يعني غيري من اسلوبج المعتاد.. مثلا اذا يتصل مو كل مرة تكلمينه مثل الشي .. مرة حطيله موسيقى قبل لا تقولين أي حرف وبعدين قولي له أحبك.. وشوفي رده فعله شنو بتكون :thumbs_up:.. مرة اتقشمري معاه سوي روحج أنتي موظفة أستقبال ومرة غيري صوتج ودخلي المرح بينكم هالشي يكسر الروتين.. ولا تنسين المسجات .. طرشي له مسج فاضي ولما يطرش لج ويقول لج مافيه كلام في المسج قولي له عمرك شفت المشاعر تنقاس بالكلمات .. حبي لك اكبر من كل كلمات الكون كلها.. :o وهيك يعني;)

أتمنى أفدتج ولو بشي بسيط وتقبلي مروري وأي شي تبينه خبريني يالغالية:cool:

فجر عمان;12881776:
اختي ريلج ينحط على الجرح يبري
والله في حريم اول ما الريال يفتقد الشي على طول الخيانه
وكم وحده من المنتدى تتمنى ان زوجها يصارحها لكن لا حياه لمن تنادي

انا بقولج شو تسوين
انتي عمرج 23 يعني صغيره بس بروحج مسويه عمرج كبيره
مثلا اختي اذا كنتي ساكنه في بيت بروحج تكشخي البسي حطي مكان خفيف
حاولي تنومين ولدج من وقت وتسوين ليالي رومنسيه
وخاصه الليالي الرومنسيه كثري منه
وكل مره بلبس يديد
بما انج ما تشتغلين
اول ما يرجع من الداوم بخري البيت وعطريه
واول ما يفتح الباب قولي له اشتقت لك حبيبي
وروحي وسوي له عصير ليمون يريح اعصابه لوقت الغداء
اعزميه على العشاء برع
طلعوا البحر او الحديقه على بعض
وانتو في السياره قولي له ما تتصور انا اشكثر احبك
اختي في وايد اشياء تقدرين تسوينها وتسعد زوجك