مواقفكم بالفحص الطبي قبل الزواج ~ :)

مــيــار;12881827:
حبيبتي انا كلللللللللللللللش ما فكرت بالكشخه ... كانو حواجبي شبك كأني شبح ... خبرج مربيتهم حق الخطوبه ... هههههههه
كنت أحاتي النتيجة واااااااااااااايد
كانت أمي وياي وأمه وياي .... صج الوضع كان يضحك لكنه مخييييييييييييييييف
تميت اتراعد واتنافض من النتيجة ... تخيلي الدكتور ينادي بالواحد ايقوله بالنتيجة ... وانا حسيت قلبي بيطيح في بطني كل اقول وي شكلنه ما بناخذ بعض أو يمكن انا مريضة أو هو أو فصايل دمنا ما تصلح أو أو أو .... اقولج من كثر الخوف يوم دشيت على الدكتور والله حسيت بيغمى علي ... والدكتور بروحه يخرع وتم سنه يقرا النتيجة يخلي قلبج يطيح .... سبحان الله راحت عيني على آية كانت معلقة في برواز عنده بالغرفة وكأن شي قالي اقريه ... والله قرريته وصرت أوكي ...

بس ضحكني الدكتور يوم يسألني تعرفين موانع الحمل ... قلت اي ... قالي قولي شنو .... اقولكم تميت ارتعد زود ....

بس صج كانت ذكرى حلوة وااااااااايد والأحلى يوم اطلعت النتيجة .... طرت من الاناسه لأني باخذ حبيبي الي نطرته ونطرني من سنين...

البحـNooRــرين;12881840:

اممممممممممممممم ما عندي خبره بس أحسه بكون عادي هاليوم ويمكن اصيـــــــــــــــــــح من الفرح :lol:

الصغنونه;12882442:
هههههههههههههههه ذكرتيني بالذي مضى
اني وزوجي كنا بعد نحب بعض
بس في الفحص استحيت اروح معاه بروحنا , امي يت معاناا
وكنت حدي خايفه لاني اخاف من سحب الدم مررررررررررررررررره على قولت خواتنا السعوديات
كان يحاول يهديني ودخلنا لغرفة سحب الدم واخدو مني واني مسكره عيوني اخاف اجوف الدم
بس لما خلصت فتحت عيني وجفت غراش الدم
اهني افتر راسي فر فيني ,, ماجفت ولا شي قدامي حسيت كل شي اسود قدامي , ابغي اوقف مو قادره ,, انسدحت على الكراسي وخطيبي راح يجيب السياره يقربها لي لانه حالتي حاله ,, شوي والا اني مفرغه كل اليي في بطني ولعوزت المكان كامل هههههههههههه
بس ماكنت خايفه من النتائج لاني ادري اني سليمة وحبيبي نفس الشي

Zoozi Khan;12883319:

انا توي ع هالسالفة =p

بس ذكرتيني فـ سالفة واحد
كان رايح يخطب وحده وشافها في المقابلة ضعيفة ولما راحو الفحص شافها متييينه =O

يقوول قصوو عليه مسكين متمتمت بس فالاخير ماخذها

كلامك آلم;12884135:
انا الحمد لله يوم خطوبتي
اطلع قرار الفحص

بعد شهر طلع القرار

وتميت اضحك عللا رفيجتي
الانه اهيه عقبي خطوبتها

Miss S.A;12884551:

ما جربت هالموقف لسه

ادعولي بالتوفيق

آهـ ـات;12884623:

ههههههههه عندي سؤال خصوصا لبناتت البحرين


وشو يسال الدكتور؟

سمرة;12884706:

امممم

ذكرتوووني باحلى يوم

بالمعنى ان بعدي ما كملت سنه خطوبه باقي جم يوم

اممم
في الفحص كاااان واااااو عجيب
على خوف على توتر على نظرات من تحت لي تحت ..
وطبعا ما كنت اعرفه
بس كنت احارسه يفتر صوب ثاني واطالعه ..هههههههههه

اممم ويوم دخلنا عند الدكتور
صار موقف والتقت عيوني في عيونه وكان لأول مرة تلتقي العيووون
كان شعور اكثر من رائع ...

ويوم النتائج كنت مستانسة حدي بالمعنى ان متوترة شوي
بس الحمد لله كنت ضامنه النتايج

ودعواتكم ان الله يوفقنا ويخلينا لبعض

بقايا ألم;12884739:

الله يوفقكم جميع

دعواتكم لنا يابنات

تم التقييم عزيزتي

حزينة وايد;12885105:
شعور عجيب

انيي الحمدالله خذوا من عندي مره وحده
خطيبي مسكين خذوا من عنده وبعد ما رجعنا البيت اتصلوا فيه قالوا ليه تعال بناخذ من عندك مره ثانيه (رجع البيت ما يقدر يحرك ايده ) وطردنيي ما يبيني اجوف يقول ليي ما خلتنيي اجوفج واهم ياخذون من عندج ما ابييج تجوفيينيي ... اصلا اهو يخاف خخخخخخخ


احلا شيي قياس الوزن وطول عجيب


ويوم رحنا نستلم النتيجه
كنت انيي واهو وبس
وكنت ادري انه انيي سليم من جذي ما كنت خايفه

بس يوم الدكتوره قالت لييي قومي تبيي تكشف عليي دقات القلب ما ادري البطن ( اهنيي قلبي قام يدق وقعدت اطالع خطيبي وانيي متفشله واهو يقول لييي قوميي وانيي مب راضيه ) خخخخخخخخخخ

Z&M;12885499:
ههههههههه ذكرتونا بالذي مضى

أني كنت حديييي متوتره

هو صج شعور حلو وعجيب بس بعد ربكه
أول ماوصلنا المستشفى كنت اني وامي وحبيبيي

كنت امشي وراهم واهم جدامي استحي حتى اطالعه

هع يوم اخذو مني الدم غمضت ولا طالعت وقعدت انطره في الحجره ع ماياخذون منه

خذو منا كل واحد 4 غراش

بس صج هاليوم ماينسى

وذكرى حلووه


يسلمووز

Z&M;12885552:
ههههههههههه فضول لاه

كان فيني هالفضول قبل لا اسوي الفحص

بس الدكتوره سألتنا جم سؤال خفيف

جم اخو عندج وشنو ترتيبج بينهم
اول مره تسوين فحص وشنو تشتغلين
فيج مرض مزمن او احد في العايله عنده مرض مزمن

بس هاي الي اذكره

اما الاسئله الي سألتها خطيبي

تدخن . او مره تخطب وتسوي فحص . مارست الجنس من قبل . شنو ترتيبه بين اخوانه وجم اخو عنده وشنو الامراض المزمنه الي عندهم في عايلتهم ووين يشتغل وبس
هاي اليي اذكره :cool:

:hysterical:

مسك 2020;12885574:

الله يوفقكم جميع إن شاء الله

ماكان فية فحص ماقبل الزوااج على ايامي

Z&M;12885552:
ههههههههههه فضول لاه

كان فيني هالفضول قبل لا اسوي الفحص

بس الدكتوره سألتنا جم سؤال خفيف

جم اخو عندج وشنو ترتيبج بينهم
اول مره تسوين فحص وشنو تشتغلين
فيج مرض مزمن او احد في العايله عنده مرض مزمن

بس هاي الي اذكره

اما الاسئله الي سألتها خطيبي

تدخن . او مره تخطب وتسوي فحص . مارست الجنس من قبل . شنو ترتيبه بين اخوانه وجم اخو عنده وشنو الامراض المزمنه الي عندهم في عايلتهم ووين يشتغل وبس
هاي اليي اذكره :cool:

:hysterical:

هههههههههههه اتخيل , بلاااوي !! :lol:
شكرا جااوبتيني :p

ههههه والله حبيت هالموضوع عدل
يوم الفحص كنت انا وزوجي واخته
كانت اخته قاعده صوبي قال لها قومي
وقعد صوبي حسيت قلبي بوقف من الخوف والتوتر كان قريب مني عدل عدل وقاعد ويتغزل فيني

عاد يوم النتيجه رحنا بروحنا للدكتور والحمدلله ان الدكتور تأخر
خخخ عشان ناخذ راحتنا في السوالف
تمينا نسولف ونضحك ونخطط للمستقبل شعور عججججيب
بعدين الدكتور قال لنا النتيجه والحمدلله رب العالمين كلشي تمام
وسألنا جم سؤال عدد الاخوان والخوات والامراض الوراثية
طبعا عطونا كتيب عن الزواج
وبعد ماطلعنا من عند الدكتور عيني تدمع من الفرحه واخير باخذ حبيبي الا انتظرته 5 سنوات

دعواتكم لنا بحياة زوجيه سعيده

الله ييسر اموورنا يارب انا بعدني نفس الشئ الله يستر اخاااف

وناسه خخخخخ

احنا عندنا في السعوديه كل شخص يروح لحاله بس اهم شي مستشفى حكومي مو لازم الطرفين نفس المشفى

و النتيجه تطلع بعد اسبوع او 10 ايام

يروح الزوج يقول لقسم المختبر ارسلو نتيجة فلانه لمشفى كذا
وريعطيهم رقم تحليله ويطابقو

ويشوفو نصلح لبعض اولا

وبعدها نروح نستلم الشهاده وبس

يعني مانحس بشي ابددددددد

للاسف ماعندنا ها الشي والا هي المفروض تكون ذكريات حلووه

الله يوفقنا مع ازواجنا جميعا و يرزق العزابيات

يوم الحيا اللي مو طبيعي
راحت وياي خالتي ووياه اخته .. طول الوقت منزله راسي وبس ارفعه ابي اطالعه اشوفه يطالعني:$

خلصنا وطلعنا .. ويوم النتيجة كنت خايفة حدي وهو عادي لان اخته دكتورة وخبرته بالنتيجة قبلي وماخبرني .. دخلنا على الدكتور الايقول وين المعاريس قلنا احنا الا يقول لا مو انتون انتون صغار حدهم وبالغصب وافق ان نكون احنا المعاريس خخ

وقال لنا اوكييه النتائج وفصائل دمكم حدها اوكييه .. وقام يقول لنا نصائح حق مااحمل واتغربل .. يقول لي احملي اذا وصلتين 22 والحين اني 18 ..


وبث

ههههههههههههههههههههه ونااسه صج برناامج ..
اذكر اني رحت معمل الخليج .. مختبر خاص للدم .. عشان ابي النتيجه اسرع ..
رحت انه وهوه بس .. اتمخطر وعايشه الدور من قلب .. المهم من دشيت الا اجوف هندي سيده بطلت حلجي وقلت له انت الي تاخذ الدم .. قال لي اي ..
جان ابطل عيوني .. ولتفت عليه وقول له لالا مابي خلاص هذي شكله الي يغسل سيارتي يم بيتنا هذي مايعرف . . وتم ريلي يضحك ههههههههه وقعدت يمكن ربع ساعه يقنع فيني ..

المهم قعد ريلي وقال اذا عورني باقول لج وانتي لا تسوين .. المهم وقفت جدامه واهمه يسحبون منه .. جان اول مايحطون الابره انقز وصرخ عورك صح عورك انه ادري ههههههههههههههه المهم قال لي والله مايعور ويحلف .. وجان يصير دوري وقعد ..

تمين اتناافض .. جان يلف يدي بالسير مادري شنو ذي ومديت يدي توه بيحط لاابره وصرخ لالالا مابي خلااااص ..
يا مره مايصير صلي على النبي .. المهم مني مناااك قص علي .. وتوه بيعطيني الابره جان اصرخ على ريلي هههههههههههههههههههههههه قلت له عطني يدك لا برووحي اخااف ..

جان يبطل ريلي عينه هههههههههه قال لي شنو تقولين .. صرخت وقلت له يعني ماتسمع عطني يدك .. مد يده مسكين وهوس عليها وستغل الهندي الفرصه وسحب مني الدم .. لين خلص .. عقب يوم جفت السالفه عادي ماتخرع وحط لي اللزقه .. قلت له ترى عادي مايخرع ..

حسيته شوي وبيذبحني على الحفله الي سويتها هههههههههه ومن يومج وهو يعايرني على الدم هههههههههههه
وعقب رحنا عياده دار الفؤاد عشان الدكتور والحمدالله كل شي تمام .. بس صج اياام ماتنسى