شات جميلات ام الدنيا لشهر شعبان1431 part 2

خلاص ياشيري اللى رقص رقص من زمان مابقاش في وقت نلحق ولا مانلحقش كلها محصله بعضها

ميرسي ياقمر
قوليلي يا شيري عندى فراخ بانيه ؟؟

وعندك خضار مشكل او بسله وجزر ولا دى سهله من السوبرماركت كيس بسمه على السريع

لأ ما أنا لسة سالقة فرختين
ومعنديش بانيه
ومكنتش عايزة أعمل خضار فى أول يوم
:(

قوليلى ايه يا مرايتى
قوليلى ايه حكايتى

أنا ممكن أبعت أجيب ملوخية وأشتغل بالشوربة إللى طلعت
حتى عمورى بيحب الملوخية

sherrykitty;12899915:
لأ ما أنا لسة سالقة فرختين
ومعنديش بانيه
ومكنتش عايزة أعمل خضار فى أول يوم
:(

اعملى كنتاكى وبطاطس وجلاش باللحمه المفرومه وسلطه وبس

بسبس إنتى كل ما تكلمى المراية أفتكر مراة بابا سنو وايت

أم يـاسـيـن العسل;12899921:
اعملى كنتاكى وبطاطس وجلاش باللحمه المفرومه وسلطه وبس

معنديش لحمة مفرومة
:'(:'(:'(

هههههههههههههههههههههه


لا اصلى كل ما اشوف الاغنيه فى التى فى تعجبنى ههههههههههههههه

sherrykitty;12899927:
معنديش لحمة مفرومة
:'(:'(:'(

اعمليها بالجبنه والزتون او بالخضار او بحشوات البيتزا


او اعمليه جلاش بالمكسرات واهو صنف حلو كفاااااءه

أنا مش عارفة الأغنية والحمدلله
أنا خايفة أجيب لحمة فروزن من السوبر ماركت لا يطلع فيها دهن أرميها

انت يابت ردى عليا

أنا شكلى حدخل جوا الفريزر أطلع أى حاجة وخلاص

أصلا هوة جوزى مش أكيل يعنى
أو ممكن أعمله هوة فاهيتا وسوتيه وأكل أنا وعمر فراخ وشوربة

yomizo;12899939:
انت يابت ردى عليا

ما أنا رديت ولا أنتى بتكلمى مين؟

لا باشيري اوعى تجيبي المفروم الا من الجززار يعنى مش يبتقى حلوة بيبقى كلها دهن وشغت وحاجت استغفر الله العظيم تقرف وتمرض

استنى لما تشتري لحمتك وهاتى المفروم معاها

الا صحيح انت ساكنه فين وبتجيبي الللحمه بكام

لا بكلمك انتا بس النت تقيل فعلى ماحمل الجمله كنت ت انت رديتي :)
هو عامل ريجيم
طيب هاتى الفراخ وقشريها من الجلد والعظم وافرميها واعمليها كفته بانيه وممكن تعملى حاجه تانيه كمان
نسليها نسايل رفيعه ولو ليكي في ابشاميل والكوسه
هاتى كوسه وقطعيها بالورب واخلطي معاها نسايل الفراخ وحطي عليهم بشاميل ودخليهم الفرن بس تكونى سلقه الكوسه نص سلقه بحيث تدخل الفرن بسش يادوب تاخد باقي طعم الباشاميل والفراخ على بعض وابقي حطيلهم مكعب ماجى
ادى حاجه جديده وحلوة وتلكم العفريت :)

وممكن تنسليها وتعمليها شوربه كريمه بالفراخ والمشروم
او تعملى شوربه مشروم وتسقطى الفراخ فيها
او لو عندك سمبوسك ممكن تعملى نسايل فراخ وخضار مشكل او تشاينيز تشيكن ووتحشي بيها السبموسك او تعملى طبق جانبي او حتى رئيسي او لو عندك مكرونه نودلز اعمليها واعملى جمبها التشاينيز تشيكن واهى تبقى حاحه جديده وسهله وسريعه بما ان الفراخ تاصلا مستويه وعلى سوا باقي الخضار في السريع

دة أنتى شطورة فى المطبخ ما شاء الله عليكى
أنا ساكنة فى مدينة نصر
وعمرى ما إتعاملت مع الجزار
جوزى إلألى بيجيب
وأنا بحرج عليه
بقولة تقف قدامة تشوف اللحمة حمرا وبعدين يفرمهالك
الكيلو ب 60 جنيه

أنا حعمل إن شاء الله شوربة البصل الفرنسية لأنه بيحبها أوى
بس إللى بتقولى عليه يا يميم كله تقيل أوى
ونا ناوية أعمل أكل خفيف خفيف علشان التراويح