يارب اشفي اخويه ويحي عظامه
بسم الله الرحمن الرحيم
السلام عليكم ورحمة الله وبركاته
اليوم عرفت موضوع واكتشاف او ختراع ما قدرت اصبر قلت لازم افرحكم معاي
وهو جهاز جديد يخلينا نستطيع المشي بأذن الله من غير الحاجة الى مساعدة احد
طبعا الجهاز مازال جديد وغير موجود بالاسواق واحتمال ينزل مع بداية عام 2009
المعلومات اللي عندي احتمال يكون فيها نقص وعلى هالاساس راح اذكرها
واي واحد منكم يقدر يضيف او يصحح عليها يتفضل مشكورا والله يجزاه كل خير عنا
الجهاز من صنع معهد اسرائيلي
يعتمد على كبيوتر صغير وجهاز استشعار
1- يساعد على المشي بواسطة العكاز
2- يساعد في تحويل الوضع من الجلوس الى الوقف
3- يساعد في تحويل الوضع من الوقوف الى الجلوس
4- يساعد على قيادة السيارة
5- يساعد على صعود الدرج ( السلالم ) والنزول منها
ايضا يغنينا عن بعض التمارين والعلاجات الطبيعية
اذا خمس حركات او ضعيات يساعدنا فيها الجهاز لممارسة حياتنا اليومية
طبعا على حسب فهمت هو ينفع لاصابات الشلل النصفي ولكن غير متأكد
اذا كان ينفع لا صابات الشلل الرباعي او اللي عندهم شلل اطفال وضعف بالاطراف السفلية
لان يجب على اللي يستخدمه ان يكون لديه القدرة على استخدام
اليدين والتحكم بالاكتاف لانه مثل ما وضحت لكم نحتاج للعكاز للمشي
وايضا يجب ان تكون الدورة الدموية
والاوعية الدموية والقلب وكثافة العظام مافيهم اي مشكلة
راح ارفق رابط للموقع الخاص بالجهاز وايضا فيه فلمين مصورين فيديو
الاول يوضح طريقة المشي فيه والثاني فيه شرح عن الجهاز
وللاسف اللغة المانية وانجليزية
وصديقي الالماني هو اللي عطاني الخبر ويقول انه تم عرضه في المانيا
وان سعره تقريبا راح يكون 20000 دولار وانه ايران تحاول تعمل نفس الجهاز
كوبي بست منه وراح يكون سعره تقريبا 7000 دولار
والله اعلم طبعا مثل ماذكرت انه اي واحد منكم عنده معلومات اضافية
يزودنا بها او يصحح اي خطاء في كلامي حتى تعم الفائدة اكثر علينا
ReWalk
والجهاز اسمه يدل على اعادة المشي او بهذا المعنى يعني
والله الموفق
للامانة منقول
ارسلوا الخبر لكل الاي عندكم في الايميل
يااااااااااااااااااااااارب ما يحرم احد من نعمة المشي والحركة
ويشفي اخويه ويشرح صدره ويصبره