ابتسامة طفل;13009455:
ترا خذيت مرضعتين وحده صغنونه ووحده اكبر شوي
وخذيت مناشف واسفنجات وفوط صغار وصدريات
باقي الشامبو والكريمات وهاي السوالف باخذها جريب الولاده
كنت باخذ معقمة المراضع جان يقول ريلي ان ربيعه لما عرف اني حامل قاله انا بييب لك الالكترونيان هديه المولود
والبارحه تقولي اختي باخذ لج الترولي مال البيبي هديه مني وربيعتها تسالني شو ابا هديه بس بعدني ما رديت عليها
انا قلت ما باستحي من الناس القريبه مني بدال ما اييبون اشيا ما احتاجها او مكرره وهم الي يسالوني شو ابا موب انا الي رزيت بويهي ;)
بالنسبة للمراضع قريت وبحثت وايد وطلع إن مراضع دكتور براون ممتازة وحاصلة على براءة إختراع لأنها مزودة بتقنية تمنع تسرب الغازات وبالتالي يخف ألم البطن عند المواليد
بس الظاهر إن رج الحليب فيها صعب لأنها تسرب يعني لازم ترجين الحليب وبعدين تصبينه في المرضعة وتنظيفها شوي معقد مب سهل
لكن قريت وااااااااايد يمدحونها ومن بعدها مراضع أيفنت وليلحين جاري التفكير
بالنسبة للهدايا بالعكس طريقتج حلوة ومثل طريقتي أحسن من ييبون لج أشياء مكررة ماتحتاجينها ولا تستفيدين منها
جهاز التعقيم الأفضل هو أيفنت ومن بعده شيكو هذلين أكثر النوعيات رواجاً
منتجات النظافة شكلي مستقرة على سيباميد لأنها معروفة وطبية وخالية من العطور وآمنة ووايد مرتاحين منها