ج2 من تجهيزات ومشتروات اطفالنا لعيد الفطر السعيد

لبسات عيالي اعرضهم للمره الثانيه للي ما شافوهم وزعلت لأن اللي ردن علي 3 او 4 :'(
وحبيت اعرف رايكن في تطقيمات عمر اتنساب ولا لا ؟



ماشاء الله تبارك الله كل ثياب الكتاكيت روعه من غير استثناء عليهم بالعافيه يارب

وأنا دووووم امتابعه هالقسم وخاطري أنزل صور مشترياتي لبنتي مريم و ولدي عمر بس انشغل ويا العيال وألحين قلت لازم أشارك وياكم

نبتدي بملابس البطل عمر ربي يحفظه وبعد كم يوم بيكمل 3شهور بإذن الله ... لا تنسون تدعون له بالهدايه :)

*هديه من يدته اللي هي أم زوجي



*إختيار زوجي من محل BHS الصوره من الأمام



*وهاي من الخلف



*هديه من مصر من زوجة عمه بدله من مذر كير + بروش من الفضه بإسمه



*التيشيرت من ماركة كارترز هديه من اختي وطقمته مع بنطلون مذركير...حلو؟



*وبعد هذا التيشيرت من ماركة كارترز وهديه من اختي...شو رايكم حلو معاه البنطلون ولا يناسبه شورت أبيض؟



*هديه من اختي



*هديه من اختي القميص والجوتي...وانا ركبت معاه البنطلون بس ما أعرف يناسبه ولا لا؟




وفي باقي المشتريات والكماليات للبطل عمر ماصورتهم راح أصورهم مره ثانيه ان شاء الله

وان شاء الله راح أنزل صور مشتريات الأميره مريم :thumbs_up:

وهاذي مشتريات الأميره مريم وعمرها سنتين وسبع شهور ... ربي يحفظها ولا تنسون تدعون لها بالهدايه :)

*قطعتين اشتريتهم من محل في أبوظبي



وبسوي فيهن هذا الموديل بس بخلي له كم صغير لأني ما أحب ألبس بنتي جذي...شو رايكم حلو؟





*فستانها لعيد الفطر اللي طاف وفصلته عند مصممه فلبينيه بس من تصميمي وهاذي صورته من الأمام



صورته من الخلف



صورة الشنطه والقبعه الاستايل الانجليزي ولبستها وياه جوتي أبيض من سنتر بوينت بس ماعندي ألحين صورته



*فستان عيد الأضحى اللي طاف من الأمام وفصلته عند نفس المصممه ومن تصميمي وكنت قايله لها اتسوي له كم صغير بس نست فإضطريت ألبسها تحته تيشيرت من نفس لون الفستان الفوشي وبعد وياه شنطه بس نسيت أصورها وعليها نفس الشغل اللي بالفستان



صورته من الخلف ومن قريب



*فساتين ناعمه من تصميم وتنفيذ صديقتي أول واحد قصير لين تحت الركبه بشوي والفساتين الباقيه طوال



وهاذيل طوال







*وهذا الطقم طلبته لها لأيام العيد هذا من موقع جمبوري وهاذي صورته من الأمام وراح يفتح المحل عدنا بدبي ع الاسبوي الياي بتاريخ5/8



صورته من الخلف



وفي وقت ثاني راح أعرض المشتريات والكماليات الباقيه وفستان العيد :L:


ويارييييييييت اتقيموني