السلام عليكم ورحمه الله وبركاته
اللهم صلِ على محمد وآل محمد ..
شخباركم حبيبات قلبي
اليوم جاية لكم بطبخه مفيده وصحية ولذيذة وما تاخذ وقت وايد ... بشاميل السليس
المقادير :
فلفل أخضر , أصفر, أحمر بارد حبة وحده لكل منهم واتكون متوسطه الحجم
مشروم
صدر دجاج صحن واحد
جزرة وحده متوسطه الحجم
بصل أخضر عودين او ثلاثة
صويا صوص
طحين جميع الاستعمالات
جبن سليس او جبن قلاصات
حليب
ماي بارد/حار
زيت
سندويش السليس (للامانه هذه الصورة منقولة من النت لأن يمكن فيه ناس يسمونه شي ثاني )
بهارات مشكله :فلفل اسود , فلفل أحمر , كمون , كركم , ملح ........ على حسب الرغبة
بهارات مشكله :فلفل اسود , فلفل أحمر , كمون , كركم , ملح ........ على حسب الرغبة
الطريقة :
بعد ما الصدر الدجاج ينفج من الثلج نقطعه الى قطع طويله ونقسمها بالنص وبعدين نغسل و نقطع الفلفل الأخضر , الأصفر, الأحمر الى شرائح طويله ونقطع الجزر بعد إلى شرائح طويله ونقطع البصل الأخضر الى دوائر (حلقات) ونخليهم على جنب..
وبعدين نشيل اطراف السليس (الجوانب ) على شكل مربع نفس اللي في الصورة فوق ..
وبعدين ناخذ المقاير كامله ونخلطها مع بعضها البعض ونحطها في الزيت انخليها تستوي لحد ما تنضج وبعدين انحط عليها المشروم +البهارات وبعدين انضيف الصويا صوص بمقدار 2ملعقة طعام ونتم نقلب في الخلطه لحد ما تصير ناضجه بالكامل ..
وعلى ما تنضج الخضره مع الدجاج انسوي خلطه الباشميل وناس اتفضل الجاهزة وناس اتفضل العادية وآنا افضل العادية لأنها احلى بالطعم....
اخذت مقدار 4 ملاعق طعام طحين جميع الاستعمالات وأضفت عليه كوب حليب بار وتميت احرك في الخليط حتى يذوب الطحين في الحليب واضفت عليه اشويه ماي بارد وخليت الحليب الباقي يصير حار على ما بال اذوب الطحين وبعدين حطيت جبن سليس في الحليب الحار وتميت احرك بسرعه متوسطه لحد ما تاكدت من ذوبان الجبن فيه واضفت عليه خليط الطحين مع الحليب البارد وتميت احركهم لحد ما صار الخليط شبه غليظ واضفت عليه ماي حار اشوي علشان ايصير شبه سائل وتميت احرك فيه لمده 3 دقايق وبعدين اطفات النار وبعدين رجعت الى خليط الدجاج بالخضرة وتميت احركه اشويه وبعدين اطفأت النار من تحته وجبت بايركس وحطيت خليط الدجاج تحت بعدين وبعدين صبيت عليه اشوية من البشاميل وبعدين غطيته بالكامل بالسليس وصبيت البشاميل فوق السليس وبعدين جبت الجبن السليس وقطعته قطع صغيرة وحطيته فوق الباشميل وبعدين دخلت البايركس في المايكرويف لمده 5 دقايق وبس خلاص ..
بالهناء والعافية ..
بعدين بحط لكم الصور لأن آنا حالياً بالشغل والصور عندي في البيت ..
اشكرك يا الاخت الامورة شجن 