ربات منزل غير بشهر الخير

صباح الورد
يومياتى امس جلست اكوى الين 3 ونص وجاء زوجى وتسحر مع اهله وبعد الفجر نمت وقمت 12 على ازعاج جوجو وفطرتهم وصليت وغيرت لهم وطلعت دجاج يذوب وصحا زوجى وطلب اطبع له كم ورقه وعلى العصر تحمم وراح وانا بديت اسوى القهوه والصنف اللى كنت ابيه واحس ظهري بينقسم نزلت قبل المغرب بنص ساعه وجلست اقرا قران الين اذن واكلنا تمره وانتظرنا الرجال يجون من المسجد
وافطرنا وطلعت ابي انام بس زوجى اشغلنى يبي اوراق واشياء واخذهم وطلع على صلاه العشاء كنت مرهقه صليت ونومت جوجو ونمت من 9 الين 11 الا ربع قمت وحطيت قناع على وجهى وزيت ونظفت غرفتى وغرفه عيالى والحمام والصاله على 1 خلصت تحممت وجلست شوى وعملت لهم اندومى ومسكت الدجاج واخليته من الجلد والعظم وتبلته ابسوى اسياخ بكره باذن الله وتو كنست الصاله واحس انى تعبانه مالى خلق اى شىء بكره بيروحون اهل زوجى مكه يومين

السلام عليكم حبايبي::
كيفكم فديتكم؟؟

جداويا: ألف مبرووووووووووووووووووووووووووووووووووووووك حبيبتي والله ييسرلك أمرك ويوفقك يارب ، في أي مدينه؟

يومياتي:
أمس واليوم نفس الشي ، أصحى الساعه 2 وربع أصلي الظهر وأطلع عند عمتي،
نبدأ في تجهيز الفطور ليييييييييين المغرب (تخيلوا المطبخ مافيه مكيف ، مو حر موووووووووووووووووووووووووووووووووووووت) ، أفطر وأنزل بيتي أريح ، وبعدين أكمل إذا عندي كنيس أو غسيل أو كوي،
وعلى الساعه 2 أبدأ أسوي السحور ، أمس سويت كبسة دجاج واليوم ماني عارفة إيش بسوي؟
ويجي زوجي من الدوام الساعه 3 ونص ، نتسحر ونصلي الفجر وننام..
وبس.............

اخيييييييييييييييييييييييييييييييرا


خلصت ردودكم


حيا الله الجديدات كلهم

و طيب طيب يا خلود انا صرت رئيس المباحث خخخخخخخ

بس تصدقي لايق اخواتي يطفشون مني يقولوا بس من التحقيق

يا جداويا هههههههههههههه



و بالنسبه لاسئلة انوثه


شعوري بقرب رمضان كنت مشتاقه له مووووووووووووووووووت

و الحمدلله اللي ربي بلغني ايها


و الالوان مافي لون معين محدد حسب اللبس او الغرض

بس بالملابس غالبا افضل الالوان الفرايحيه..

روحي تحبك

الله يبارك فيك يارب و الابتعاث خارجي لامريكا اذا ربي كتب
انا قدمت بالنت باقي اسلم اوراقي و الله يكتب اللي فيه الخير..

مساء الخير

يومياتي
نمت امس بعد الفجر وقمت 12 ونص فطرتهم وزوجى اخيرا جاب سباك :093:فرحت مره
واخيرا صلحت مغسله المطبخ وصارت تصب مويه مضبوط ورتبتت البيت وغيرت لعيالى وجلست ارتب مكياجى وارواجى وحطيت الغسيل وكويت كم قطعه ولبست عيالى وخرجنا مع اخت واخو زوجى رحنا لمطعم نفطر ورجعنا على 8 وصليت ونمت ونوم مقطع مع ازعاج عيالى قمت 10 وجالسه اتقهوى وابقوم رهوفه وولدى وجوجو قامت من اول وعندى كم شغله ابعملها

سلام كيفكم؟
مدنونه:
بالله سكنت مرتاخوه معاكم؟ لاتقولين تتكلمين جد :(
آخ بس انقهرت عليك ناقصه يزيدون همك هم:(
حسبي الله ونعم الوكيل بس
كيف الوضع معاها؟عساها حبوبه وتساعدك؟
جداويا:
مبروك الأبتعاث اختي ماطلع اسمها ومره متضايقه ياعمري عليها:( وانا اقول لها خيره لك
باقي البنات بووسه كبيره لكم
==============================
يومياتي:
امس صحيت 1 صليت ولفيت كيس سمبوسه وطلعت كيس ثاني يفك ثلجه عشان الفه بعدين
عجنت لقيمات وصليت العصر وطلعت سمبوسه جبن ولحم واصابع العروس يذوبون
وعلى 5بديت اشتغل ولازم اول يوم من الحوسه اذن وانا بسى مافرشت السفره وانهبلت احس نظامي اتلخبط:(
وماعرفت افطر من ضيقه الصدر ابي كل شي كامل والا بلاش منه:(
المهم صلينا المغرب وحطيت الشوربه وشلت السفره وكومتها وجلست اتسدح لين 11 قمت صليت وانا جالسه:( حتى الوقفه للصلاه ماقدرت:(
غسلت مواعين وياربي منها تروع:(
وزوجي الله يهديه فرش قطعه موكيت 4*4 بالحوش قبل المغرب وربصها بمويه على اساس بيكمل غسلها وطاحت براسي افطر وثقل وتعيجز عنها
طلعت على 12 بتايد ومكنسه طويله وهات يافرك وانجرحت يدي:( اليمين بعد لتزود المأساه نظفنا الفرشه وشطفناها وسحبت المويه بالربله ودخلت البيت
طلعت لحمه للسحور و وزعت مواعيني المكومه بالشبك وعلى الطاوله ومسحت الرفوف والفرن وشطفت ارضيه المطبخ وسحبت مويتها وماخلصت الا وانا هلكانه
على 3الا ربع شبيت على سحوري ونقعت رزي بمويه حاره وعلى 3ونص تسحرنا وشلت السفره وشربت مويه وغسلت المواعين وسكرت الشباك
خفت يغبر الجو ويروح تغسيل المواعين وطي صليت ونمت من التعب حتى ماقدرت اقرى جزء بعد الفجر
================================================================
اليوم:
صحيت 1 من وجع يدي شاده علي مره من عقب الموكيت امس الله يسامح ابو دودي بس:( صليت
غديت ولدي من باقي السحور وجبت شعيريه باكستانيه وكسرتها ناعمه مره وضبطتها لحلى وصفيتها بصينيه وبالثلاجه
عجنت بيتزا ولقيمات وجهزت صينيه القهوه من اكواب وكاسات ووعلى العصر صليت وسويت البيتزا وحمرت السمبوسات وصفيتهم بصحون وعلى الصينيه
يعني كل شي جهز على 5 طلعت باقي الشوربه تدفى واللقيمات ماقليتها الا 5ونص وقهوتي زليتها على 5وربع
وصفيت سفرتي على 6وعشر وجلست استنى دودي وابوه طالعين ولا جو الا على الآذان افطرنا وصلينا ورجعنا نكمل فطور
استغفر الله صايره مااقدر آكل بسرعه تتعبني معدتي يادوب فنجال قهوه وصحن شوربه واجلس متخومه طول اليوم:(
يلا جربت رمضان بكل حالاته عروس وخفيفه ونفاس وحامل خخخخخخخ ماادري ام رغد وش مسويه انا وياها نفس الشهر بنص الثامن الله يهون علينا وعلى كل الحوامل يارب ويفرحنا بشوفه اجنتنا سالمين :)
اكمل جلست اتبطح لين 9 وقمت اكنس غرفه ولدي لأن الموكيت نفش وإن شاءالله الباشا يطلعه لغرفته اليوم مسحت جدرانها والباب بالعملاق ومسحت المكتبه والشباك
وصليت ونزلت اغسل مواعيني وبس هذي يومياتي
طلعت دجاجه للسحور ومدرري وش بصلح مليت من الرز الله يديم النعمه بتسحر باقي الفطور وزوجي لازم اطبخ له:)
سي يو:)

السلام عليكم ورحمة الله وبر كاته
كيف حال جميع البنات وحشوني ادخل واخرج عالسريع تعبانة يابنات احس اني حامل فالشهر ال55 الي ايعيني بس وسلخير ربي ايعينيك انا من اول ماتزوجت واول رمضان جربته وانا حامل لكن كنت حاسة نفسي خفيفة لكن حملي هذا غير حتى الي يشوفوني يشفق على حالي من مجرد مايشوف طريقة مشي الغريبة رجل نحو اليمين ورجل رايحة للشمال والكرشة الي احسها بدل ماتنزل ترقي فوق شي غريب حتى الاستحمام لما استحم اعاني كاءني رايحة للجهاد>>هذا كله عشان ساءلتي كتبت قصة معاناتي ماني مصدقة اني اشكي لاحد
يومياتي
امس فطرنا عند اهل زوجي والجو العام كان جيد مع قليل من التلبدات الجوية فالافق وبعد مارجعنا من الفطور شطفت الممرات والحمام المطبخ وزوجي اخذ البنات وراح ايجيب الطلبات لان اغلبها ماجابها مايقدر يطلع من الدوام فالصبح وبعد مايرجع ينام بعدها ايكسل ورجع وتسحرنا ودخلنا للنوم عل اساس باءنام لكن كالمعتاد من غرفة لغرفة لحد الصبح رايحة اتضايق ومااقدر انام واليوم صحيت على الساعة 9 لكن قلت مااقوم الا لما يصحنا البنات وبعدها اجتني الصغيرة وصحينا عطيتهن عصير برتقال وسندويشات وصليت وقراءيت قران ال ان اذن الظهر وبعدها صليت والفطور كان عبارة عن شوربة وابراك <محشي بورق السلق. وكيمياء <لحم مفروم مع بيض. وسلطة وعصير لوز مع الحليب وكفتة مع اصابع بطاطا فالكوشة على حسب طلب بنتي الكبيرةوالكميات لم اكثرها كل شي عملت من اشوية واتصلت على امي على اساس باءروح الهم بعد الصلاة التروايح لقيتهم فاطرين برة البيت اليوم قاللولي تعالي بس ماعندي مزاج للطلعات مع ان بناتي زعلو حاولت اني اتسطح وانام لكن ماصار شي بنتي اصغيرة اليوم جننتي مفيش شي ايعصب ماسوته لدرجة انها قاللتي ان هذا بيتي موبيتك وزوجي رجع من الصلاة وراح اجيبلنا حلويات
ووووووووووسلامتكم

ممكن ياوفاء ليش لا!!
يمكن ربي يكتب لها الهدايه على يدك:)
رتبي امورك وكلامك وتشجعي واتصلي وربي بيكون بعونك خصوصاً بهالشهر الفضيل:)
سي يو

انثى ذوق
الف مبروك السباك المطبخ و الحمام مشاكلهم معاناه



سلخير
الله يبارك فيكي و اختك لا تفقد امل التدقيق ينتهي
على 20 رمضان و في ناس ما يرسلوا لهم الا قبل موعد
التدقيق بيومين و الله يختار لها مافيه الخير انا بصراحه
على قد ماني فرحانه على قد ماني خايفه


فوفو
الله يبارك فيكي و صاحبتك كلميها ما بتخسرين لك الاجر
سواء تأثرت بكلامك او لا..

صباح الخير:::

سلخير: الله يكون في عونك حبيبتي ويهون عليك إنتي وأم رغد ، ويعطيكم الصحه والعافيه.
وفاء: الله يعطيك العافيه ياقلبي والله يخليلك نجومي فديته.
كوامن الليل: الله يهنيك ويسعدك يارب ، دوم السعاده هذه ان شاء الله.

يومياتي:
بعد آخر رد ، قمت مسكت المطبخ من إلى ، طلعت المواعين وكنست الدواليب ومسحتهم بديتول،
وحطيت دفعة ملابس بيضا في الغسيل ، وسويت للسحور إيدام خضار بالدجاج.
وقاعده أستنى زوجي يجي من الدوام ، وسلامتكم...........

جدوايا ربي ايوفقك فالدراسة
ووفاء شفته اللقاء ولوعندك معاها صراحة كلميها مع اني اشك انها تتاءثر وربي يهدينا اجمعين وسؤال فضولي نجومي يشبه من انتي ولا ابوه؟
ورحي تحبك ودانة الم مشكورات عالدعوات الحلوة وربي يعطيكن الي فالبال
وباقي البنات ان شاء الله اخباركم تمام

جداويا
ألف ألف ألف مبـــــــــــروووووووك

دانه
الله يسلمك ياقلبي ويومياتك حلوة

وفا
ماشاء الله عالقمر الله يحفظه لكم

كوب نسكافه مدنونه مهاوي شذى هموسه
وينكم طلوا علينا

البقيه تحياتي لكم

يسعد مساكم،،
كيفكم يابعد قلبي؟؟

يومياتي:
اليوم صحيت الساعه 3 ، ما عليا صلاة ، اليوم ان شاء الله بنروح نفطر عند أهلي،
سويت خلية النحل بالمارس والقرفة ، وبعدين أصب عليها نستله مع كيري ، وهيرشي،
يعني صارت خلية نحل وسينابون في نفس الوقت خخخخخخخخخخخخخخخخخ
ودوبي خلصتها،
والحين بروح أتجهز وأصحي زوجي عشان نروح.....