سؤاال للفتيات فقط ؟؟ الرجاء من الكل المشاركة..

على حسب الضروف اهم شي اخذاحد احبه مومهم زوااج

انا من وجهه نظري .. في الخطبه يخلونها ملجه وبس.. والزواج يسوون حفلة صغيره والعروس تلبس فستان ابيض وخلاص.
اخوي بيخطب بعد فتره وجدتي مب راضيه تسوي له عرس تقول نطلع للعروس سياره بدل حفلة الخطوبه وناخدها شهر العسل بره بدل حفلة العرس.. تطلع بسياره جديده وسفرة العمر بدل حفلة تعزم فيها الحساد وتضيع الفلوس على حفلة الكل بعدين بعيب عليها.
ومن تجربة شخصيه .. صديقتي سوت حفلة خطوبه كبيره لاصارت ولا استوت.. ثلاث ليالي كلها حفلات.. والحين بصير لها سنتين من انخطبت ما عندها فلس عشان تتزوج به.
بس بالنسبه لي انا مابي سياره ولا سفر بدل الحفله.. ابوي من اسبوعين طلع لي سياره جديده ( ما باركتو لي عليها) وانا ماحب السفر.. ابي بس فلة فيها حديقة وحوض سباحه (وايد قنوعه)
;)

zishoto ألف مبروووووووووك على السيارة والله يعطيك خيرها ويكفيك شرها .........والله يخليلك الوالد.

مررررررررحبا..انا البس الفستان الابيض يوم ..وبعدين اموووووت أهون علي اني ما البس فستان أبيض بالمرررره..

وما في اي شئ بالدنيا ممكن يخليني اتنازل عن الفستنا الابيض..

هو صحيح انه محد يدري بالدنيا..غداره تضّحك الانسان وتبكيه في وقت واحد..لكن يارب الله يعطيني أمنيتي وما يخيّبيني..

تحياتي للجمييييييع..

انا خطيبي طلب مني مانسوي حفله على طول نسير شهر العسل وانا يالسه افكر شسوي اوافق ولا لأ ؟
ظروفه ماتسمح له بس مثل ماتعرفون حلم كل بنيه
يقول لي بسوي لج حفله في البحرين لان هو من البحرين بس انا ماوافقت طلب مني افكر وارد عليه بشو تنصحوني
مستحيل ماقدر استغنى عن الحفلة
ابا ها تكون في دبي


ابا تساعدوني شسوي اوافق ولا لأ ؟؟؟؟

والله انا استغنيت عن حفل زواج كبير واكتفينا بذبيحتين فى مجلس اهلى
وتنازلت عن الثوب الفخم للعروس ولبست ثوب ابيض نااااعم
<<< بس طلعت اهبل
وهذا كله علشان الظروف وعلشان زوجى مايقدر يأجل الزواج

والحين انا سعيده ولله الحمد ومانى ندمانه على شى من اللى راح

انابرايى حفله صفيره يحضروها الاهل احسن من عرس كبير وفشخره مالها داعي.

هذااخوي سوى عرس وطقطقه وشهر عسل وتكلف وتدين ولا هو قادر يسدد ديونه وبالتالي مو قادر يفتح بيت ويخذ زوجته واخرتها هو بديره وهي بديره ..حتي اخواني الباقين مو راضين يتزوجو ويعيدوا اللي صار مع اخوهم ..اين احسن نوفر ولا !!!!!!!!!!!!!!

مرحبا
انا عني ماراح استغني عن هذا اليله الى في الشديد القوي
لانها ليله ماراح تتعوض مهما صار

عن نفسي مستحيل، هذه ليلة في العمر من حق كل بنت تفرح فيها بعدين الفستان الابيض هذا حلم كل بنت كيف تستغني عن حفلته اللي تلبسه فيها!!!! و بالنسبة لحفلة العرس، كل وحدة تسويها حسب امكانيات زوجها و ظروفه، لكن في أسوأ الظروف ممكن تستغني عن العرس بحفلة صغيرة، لكن بعد مستحيل خاصة عدنا في الامارات عمره محد سواها لين الحين!!!!! المهم انشاءالله ما تحتاج أي وحدة فيكم انها تستغنى عن حفلة عرسها، لووووول

انا بصراحة ممكن استغنى عن هالحفلة
ممكن الانسان اللي ارتبط فيه .. نملك في الديرة وعقبها نسافر انا وهو نحتفل فيه بروحنا في اي مكان برة .. عشا رومانسي سهرة حلوة .. كلمتين وكم شمعة ورقص سلو
يااااااااا ويلي ... والله احلى حفلة
لكن اذا اهله عزموا طبعا ماباليد حيلة

لكن انا من رايي انه كل وحده تحتفل فيه مع زوجها بالطريقة اللي تعجبهم هم .. لانه هالايام مايعجب الناس شي .. الواحد يكت فلوس اليييييين ما الله يشوفله ويحاول يخلي كل شي بيرفكت بس بعد من دون فايدة .. 10 يطلعون يمدحون و10 يذمون
وتشتغل التعليقــــــــــــــــــــــــات

وبعدين هاذي مناسبة خاصة للولد والبنت ... المفروض تكون لهم الحرية يحتفلون فيه بالطريقة اللي تناسبهم ,, وبدل الفلوس اللي راح تنصرف ( واغلبها بس مظاهر علشان الناس ) وبعد ماراح يعجبهم ... يقدرون يسافرون بها اكثر من دولة وفي كل دولة يسوون لهم عرس صغيرون
له ولها بسس

واذا ردت البنت تسوي حفل استقبال حق اهلها وربعها .. والريال يقدر يسوي عشا


ومشكوريييييييين

مشكورة اختي على الموضوع الحلو:) :)

بالنسبة لي مستحيل استغني عن حفل الزفاف

ولو كان في ظرف يخلي الوحدة تستغنى عن الحفلة

انا عندي انها تأجل الحفلة ولو كانت بعد سنين ولا انها تستغني عن الحفلة

هذه ليلة العمر وكل بنت تتمناها..:D :D :D

أولاً:تسلمين عيوني على هالموضوووووووووووووع :smile:
ثانياً: طبعاً عن نفسي..مستحيل أتخلى عن ليلة زفافي؟
هذي الليلة الخاصة المتميزة غير عن كل شيء..سبيشل يعني :o
ليلة فرحي..
ولو كان ظروووووووووووووووووووف رح اجل الزفاف لبعدين ..
الين تتحسن الظروف.. (a)

تحياتي،،،،،
سحـــــــاب

صراحة ما اعرف شو يصير بس أكييد والدتي تبااا عرس عن نفسي عادي أهم شي البركة في الزواج

ويسلموووو

ممكن
بس المهم ان يكون الزواج عن تراضي و البركه في هذا الزواج
ياما شوفنا زواجات عملت في افخم الفنادق و تعتبر زواجات اسطوريه و تنتهي بالطلاق و العياذ بالله
اهم شئ الرضا و البركه

أدعي لربي إنه يسعدج ويهنيج إنتي وريلج إختي نوسا وإنشاء الله تكتمل فرحتكم بالذريه الصالحه ..
أما عن نفسي أنا كنت أفكر إني ما أسوي حفل زفاف علشان أخفف المصاريف علي وعلى إلي الله راح يكتب لي النصيب معاه :D
:confused: لكن بنات عايلتي يكسرون خاطري الكل يبي يفرح والصراحه حتى أنا لأننا ما حضرنا عرس أحد من أهلنا وكان أخر عرس عرس إختي سنة 1997

ومشكوره والله يعطيج العافيه على السؤال الحلو

انا ممكن استغني عن العرس لكن لازم اسوي شي على الأقل حفلة خطوبة او استقبال...يعيني ما يصير اتزوج جذي سكيتي:pain:

انا ممكن استغى عن الحفله اذا كانت الظروف ماتسمح وانا اصلا ما ابي اسوي حفله لان فلوس الحفله حق اشياء اهم لان المقبلين على زواج يحتاجون هالفلوس بس على الاقل البس فستان ابيض هالشي تتمناه كل وحده :shy::shy:

:D2

سبحان الله اليوم انا واخواتي كنا نتكلم بها الموضووووع وكلنا كان لنا نفس الرأي 000 احنا من شهر بس مزوجين اخوي هيصة وصالة وطق ووووووو لكن ما انبسطنا لانه زي ما قالت وحدة من الاخوات ويانا معظم المعازيم من الحساد من وين ياجي الفرح والمشكلة اذا كنت مجبورة فيهم :pain:


لذا كلنا اتفقنا على انه لالالالا والف لالالا لها الكلام الفاضي غداء وحفل استقبال بسيط بالعصرية ومع الف مليوووون سلامة الله يحفظهم ويسعدهم 000 واذا اهل العريس حابين يساااااوووون فرح بالعافية لكن ببيتنا لالا مش لازم بدلة بيضاء وتسريحة حلوة والحبايب حوالي ياااااسلام هذا اللي اتمناه اما افرح العالم على حسابي 00فمعصي !!

لا و ألف لا
انا عن نفسي متزوجة ولكن قبل زواجي بفترة بسيطة صارت شوية مشاكل من اهل زوجي وخربوا علينا العرس (الله يسامحهم) بس للحين انا وزوجي زعلانين على ليلة عمرنا اللي خربت بعد 4 سنين:down::down:

الله لا يغير عليك إن شاء الله وتضلي سعيدة معاه على طووووول ويحميك من العين ...


بالنسبة لسؤالك .. أنا عن نفسي إذا الله كتب لي وإتخطبت ما راح أسوي حفلة إن شاء الله ((إشفيه الزواج العائلي البسيط اللي مافيه الا اقرب الأقربين ومختصر جداً وما تجي الساعه 12 إلا وكلن رايح بيته)) .. ما أشوف أي أهميه للحفلة والزحمة والقلق اللي يصير عادة مع حفلات الزواج والفلوس اللي حضيعها وبرضو ما راح يعجب الكل أنا أولى فيها :shy: