تجمع بنات مصر منتظرات الحمل بإذن الله الجزء " 8 "

ريرى حبيبتى
ازيك عامله ايه كل سنة وانتى طيبه
وحبيبتى متزعليش قدر الله وما شاء فعل معلش
والبنات طمنوكى ان تاخيرها ده شئ عادى متقلقيش
وانتى توكلى على الله و روحى لدكتور
وابقى طمنينا عليكى

وقوليلنا بقى انتى ساكنه فين و عندك كام سنة

رمضان جانا وفرحنا به بعد غيابه اهلا رمضان
رمضان جانا اهلا رمضان

miramiro;12892827:
ازيك يا لواحظ
اهلا بيكى انت ياحبيبتى
هتروحى امتى للدكتور ان شاء الله

باذن الله لما الدوره تيجى يعنى اول اسبوع من رمضان كده ربنا يسهل

دينا حمدى;12892908:
رمضان جانا وفرحنا به بعد غيابه اهلا رمضان
رمضان جانا اهلا رمضان

اهو جيه يا ولاد اهو جيه يا ولاد لولولولى

اهوه جه يا ولاد ههههه
ربنا معاكى يا لواحظ يارب

وان شاء الله خير و تبشرينا باذن الله

دينا حبيبتى
ربنا معاكى ان شاء الله خير وتاخدى نتيجه التحليل وتطلع سليمه
و ربنا يعوضك بحمل معافى وسليم و ثابت يارب
و بدون منشطات كمان ان شاء الله
و ربنا قادر على كل شئ

بنات
بليز محدش يعرف دكتورة نسا فى مصر الجديده؟ او حته قريبه منها
مش مهم دكتورة معروفه ولا لا
المهم يكون عندها سونااااار مهبلى
بليز اللى يعرف يقولى ضرورى النهارده
و ميرسى لكن

بنات هو رمضان هيبقى يوم الاربعاء فى كل البلدان زينا و لا رمضان بكرة عند حد؟

دينا حبيبتى
ربنا معاكى ان شاء الله خير وتاخدى نتيجه التحليل وتطلع سليمه
و ربنا يعوضك بحمل معافى وسليم و ثابت يارب
و بدون منشطات كمان ان شاء الله
و ربنا قادر على كل شئ

كل سنة وانتو طيبييييييييييييييييين يابناوييييييييييييت

ربنا يكرمنا ببركة الشهر الفضيل ده باذن الله

الو حد هنا؟؟

يتصفح الموضوع حالياً: 4 (4 من الأعضاء و 0 من الزوار) ‏لحظةحب, ‏magda 1, ‏paradise rose
مين الرابعه اللى مختفيه

و انتى طيبه يا فلورز
اللهم امين يارب العالمين
ربنا يرزقنا جميعاااا باذن الله

على فكرة يا بنات
انا بدخل متخفيه علشان عند حماتى و معظم الوقت بدخل من الموبيل فى السريع و متخفيه علشان مفيش حد يكلمنى او يطلب حاجه وانا ماخدش بالى واطلع و يزعل منى
اوكيه فغالبا المختفى بيبقى العابدة لله ههه ماشى يا امهات المستقبل ان شاء الله

miramiro;12894541:
على فكرة يا بنات
انا بدخل متخفيه علشان عند حماتى و معظم الوقت بدخل من الموبيل فى السريع و متخفيه علشان مفيش حد يكلمنى او يطلب حاجه وانا ماخدش بالى واطلع و يزعل منى
اوكيه فغالبا المختفى بيبقى العابدة لله ههه ماشى يا امهات المستقبل ان شاء الله

اخيررررررررررررررررا عرفت مين اللى مستخبيه اظهرى وبانى هههههههههههههههههههههههه

حالو ياحالو ياحلويييييييييين
ورمضان كريم عليكوا يارب
كل سنه وانتو طيبين ويارب رمضان السنه دى يبقى وشه حلو علينا وربنا يتقبل دعانا فيها والسنه الجايه يبقى كلنا مع نوناتنا
التلفزيون شادد حيله اوى كدا ليه يابنات ايه كميت الحاجات الهابله اللى هتتعرض دى والله ماشفت اعلان لبرنامج دينى خالص
هى شياطين الجن هتتسلسل وهيطلعونا بتوع الانس مكانهم
ربنا يسترها معانا


شوشو القصه اللى كتبتيها مؤثره اوى اوى ربنا العاطى الوهاب
ريرى ولا تزعلى نفسك ياحبيبتى الواحده بعد الجواز بتتلغبط الدوره عندها واكيد من القلق اللى عندك اتاخرت معلش كله خير ان شاء الله

دينا عامله ايه ياجميله والله مش فاكره يادينا ادانى مضاد حيوى ولا لا ومدنيش ميزو تاك ولا حاجه
انا الدكتور قالى لازم هرمون الحمل يقل يبقى زيرووو ومفيش حمل لمده اقل حاجه 5 شهور عشن انا حملى عنقودى
عشان مايتكررش تانى

بس انا بأذن الله هاروح على دكتور فى مصر بقى اتابع معاه بس لسه محددش هاروح امتى لما الهرمون يقل ان شاء الله
بس قوليلى هو قالك مفترض الدوره تنزل امتى

فجر حلوه اوى الحاجات اللى بتحطيها واقتراحك حلو انا معاكو بس قولوا هنبقى فين

ياسمينا وماجده ازيكو يا حلوين ..حالو يا حالو

وميرااا المستخبيه ازيك يا جميله

امنيه عامله ايه يا قمر اخبارك.. يا بنتى التليفزيون بجد حاجه بشعه مش ممكن المسلسلات بالهبل مين الناس الفاضيه اللى عندها وقت تتابع المسلسلات ديه كلها..بجد عايزين يضيعوا على الناس رمضان باى طريقه
ربنا يعينا على رمضان السنه ديه ويفرح قلوبنا كلنا ويكون شهر خير علينا كلنا وربنا يرزقنا بالذريه الصالحه عاجلا غير اجلا

نسيت اقولكوا جرالى ايييييييييييييييييييييييييييييييه

المفروض انى باخد برشام عشان ينشف اللبن اكيد عارفينو هو اصلا بيعمل غثيان وقىء فى الطبيعى
فانا باخد دوا قبله وباخده هوا بعده
قوم انا بذكائى بقى صحيت متاخر عن معاده رحت اخداه على الريق ماكلتش حاجه قبله
ولازم اكل حاجه قبله عشان ميتعبنيش
قووووووووووووم اييييييييييييه

جالى قىء متواصل وكنت حاسه انى هاموت والله العظيم من كتر الوجع وودونى المستشفى والدكتور قالى ايه اللى عملتيه قلتله معرفش دا تسمم ولا ايه بس انا اخدت الدوا دا على الريق
واصلااا مش جايلى نفس لا اكل ولا اشرب فاخدته كدا

راح مدينى حقنه بقى معرفش دى ايه حسيت بحراره كدااااااا وادانى مضاد للقىء وقعدت شويه فى الطارىء وبعدين روحت

انا معدتى لحد دلوقتى تعبانى حاسه انها مجروحه كدا وباكل غصب عنى مش عارفه اعمل ايه

وقالى متخديش الدوا النهارده وبكره خديه بس بعد ماتاكلى
بس المشكله ان اصلا الدوا بيخلى الواحد مالوش نفس ياكل خاااااااااااالص مش عارفه اعمل ايه
ادعولى يابنات ربنا يسترها انا مروحه يوم الاربع معرفش مع احساس الدوخه المتواصل دا اعمل ايه

ادعولى يا بنات هيخدوا عينه بكره من عمر عشان يشوفوا نسبه الصفرا بقت طبيعيه ولالا ادعوله انه يرجع بالسلامه البيت ملوش حس من غيره

يا مجنونه يا امنيه فى حد يعمل كده يا بنتى انا اسمع الدواء بتاع اللبن ده بالذات المصرى اصلا بيعمل قى وعثيان فما بالك بقا وانتى واخداه على الريق .. الحمد لله انها جت على قد كده خد بالك بعد كده يا منمونه

لحظةحب;12894685:
امنيه عامله ايه يا قمر اخبارك.. يا بنتى التليفزيون بجد حاجه بشعه مش ممكن المسلسلات بالهبل مين الناس الفاضيه اللى عندها وقت تتابع المسلسلات ديه كلها..بجد عايزين يضيعوا على الناس رمضان باى طريقه
ربنا يعينا على رمضان السنه ديه ويفرح قلوبنا كلنا ويكون شهر خير علينا كلنا وربنا يرزقنا بالذريه الصالحه عاجلا غير اجلا

انا مش بحب المسلسلات اصلا وكلها ضرب وعنف وقتل وحشه اوى
ربنا يعينا يارب اللهم امين يتقبل دعاكى يا ياسمينا يارب