تجمع بنات مصر منتظرات الحمل بإذن الله الجزء " 8 "

magda 1;12808391:
يلا بقي تصبحو علي خير هنام بقي عشان الشغل

وانتى من اهله يا قمر

ازيكم ياحبابيبى وحشتونى بقالى يوم بحاله سايباكم
اهلا ببيكى يافلاور وريرى معانا
بصى يامنيه ياحبيبتى
هدى اللى هى اجمل ايام العمر لو تسمح بعداذنها هحكيلك قصتها وهى اللى عرفتنى على دكتور محمد عثمان
هى كانت حملت حمل عنقودى برده وكان اول حمل لها
والهرمون كان عالى جداااااااااااااااااااااااااااااااااااااااااااااااااااااا عندها اكتر منك كمان
المهم لما راحت للدكتور شخص حالتها وعارفه العلاج كان سهل جداااااااااااااااااااااااااااااااااااااااااااا اخدت حبوب منع الحمل لمده شهرين تقريبا
تصورى هو ده العلاج لغايه موصل الهرمون زيرو وبعدها الدكتور قلها وقفى
حملت بعدها ماشاء الله علطول وعندها بنوته زى القمر دلوقتى
فامتشيليش هم الحمل العنقودى ده الص حتى لا قدر الله بعد الشر لو الهرمون منزلش فاعلاجه سهل اوى وبسيط ومش بياخد وقت ان شاء الله

magda 1;12808190:
بقولكم يا بنات انا عايزه اعمل سويت بس خايفه يكون في حاجه يعني والبيرود معادها بكره استني ولا اعمل واتوكل علي الله

متقلقيش يا حبيبتى واعملى السويت مش بتاثر على اى حاجة

صباح الفل يا بنات


انا شايفه رغي كتير هقراهم و اجي

بسكوتة تو;12804022:
انا اول مرة ادخل التجمع هنا يااجمل بنات ويارب يارب يكون فال خير علينا جميعا ويرزقنا جميعا بالذرية الصالحه يارب

ويثبت كل اللي حاملوا


ويرضينا جميعا

اللهم امين يارب

بسكوته اهلا بيكى معانا ياقمر

دينا حمدى;12804692:
طيب يا امنية انتى عملتيه سونار مهبلى ولا على البطن وكنتى فى الاسبوع الكام

مانيا انتى روحتى لدكتور مين لما جيتى مصر


نيسو فين ياجماعة



ريرى وفلاور نورتو التجمع ياقمرات

دينا يا قمر عامله ايه طمنينا عليكى.......
انا حاسه فى كلامك كده نوع من الياس ...انا مش عاوزاكى نبقى يائسه كده خليكى متفائله دايما واملك فى ربن كبير وبعددين احنا ممكن نحسدك بقى لانك على الاقل يا ستى حسيتى باحساس الحمل:):)ربنا يكرمك باذن الله المره اللى جايه ويعوضك خير
فرفش يا قمر واول حاجه لازم تعمليها انك تشيلى صورة البنت اللى بتعيط وحزينه دى .............قضاء ربنا كله خيييييييير لينا بس احنا بنظرتنا القصيره مش بنوصل طبعا للغرض الاسمى من الابتلاء مش كده برده

paradise rose;12807439:
[QUOTE=دينا حمدى;12804692]طيب يا امنية انتى عملتيه سونار مهبلى ولا على البطن وكنتى فى الاسبوع الكام

مانيا انتى روحتى لدكتور مين لما جيتى مصر


نيسو فين ياجماعة



ريرى وفلاور نورتو التجمع ياقمرات[/
QUOTE]
ازيك يا دوندون بصى يا حبيبتى انا عملته على البطن ومهبلى اول مره كنت فى لااسبوع الخامس او السادس بس كانت الدكتوره الله يسامحها عاملها كدا مش بضمير محركتش السونار خالص عليا ةقالتلى ان الكيس فااااضى مع ان كان فيه جنين
تانى مره عملته كنت ف الاسبوع ال11 بقى لما الدكتور بتاع الاشعه قالى ان كان فى جنين بس ضمر وكان سونار بطن عادى حتى وقتها ماما قالتله هتعمل مهبلى قالها لا مش لازم هو باين انه ضمر خلاص



ازيك يا ماجده اخبارك ايه


ماشاء الله الله اكبر مبروك ياحبيبتى
ناويه تسميها ايه بقى ان شاء الله




انا يابنات رحت النهارده للدكتور حسب معادى معاه وقالى ان الحمل كان عنقودى وقعد بقى شرحلى الموضوع قالى انه بيبقى عيب فى المشيمه بتعمل حبات زى حبات العنب كدا ومش بتوصل بقى دم للبيبى لان فيها العيب دا وبالتالى البيبى بيموت
وورهالى فى الاشعه حاجات كدا عامله زى الفقاقيع صغيره خالص خالص
وعملى تحليل حمل بول لقاه لسه فى حمل طلع خطين واضحين
فقالى لازم نعمل تحليل حمل لان لازم هرمون الحمل ينزل عن اخر مره اتعمل
وانا اخر مره كنت عملاه كان 108 الف
قالى لان لا قدر الله لو مقلش هيدينى علاج وهيبقى حوار تانى ربنا يستر

ااانا هاروح اعمل تحليل الحمل بكره ادعولى ان النسبه تكون قلت
وقالى انه هيفضل متابعنى شهر كامل او اكتر لحد ما الجسم يتخلص خالص من اثار الحمل والهرمون دا يكون زيرووووووو


ادعولى بالله عليكو اما اعمل التحليل الاقى النسبه قلت لان خلاااص الواحد مابقاش حمل حوارات تانى الحمد لله على كل حال
سبحان الله يارب الناس كلها بتفرح لما تلاقى تحليل البول خطين وانا دلوقتى بقى قالقنى انه خطين
اللهم اجرنى فى مصيبتى واخلفلى خيرا منها يااااااااااااااااارب يارب يارب

الف سلامه عليكى يا قمر وان شاء الله تطمنينا

Dr.Flowers;12807649:
ان شاء الله خييييييييير ياقمر


انا برضه لسه عندى نغز ووجع زى البيريود بس خفيف خاااااالص

وطول النهار النهارده عندى غثيان بس من غير ترجيع

ماما بتقولى برد عشان التكييف :|

بتحبطنى الست دى ههههههههههههه:D

على فكره يا فلور الاعراض دى طالما ان الدوره متاخره وما فيش حمل بيبقى من تاخيرها...انتى احسن روحى للدكتور عشان تطمنى

محبة_الرسول;12807724:
فلااور
ازيك يا جميل عاملة ايه

انا تماااام الحمد لله



بقولكو يا بنات صحيح

روحت للدكتورة النهاردة والالتهابات لسة موجودة

الحمد لله على كل حاال

زودتلى فى الدوا مرهم عشان الالتهابات


بس ده الجديد عندى


وهروحلها تانى الشهر الجاى ان شاء الله :)

محبه الف سلامه عليكى يا حبيبتى...........بصى يا محبه انا هاقولك على حاجه حلوه اوى ممكن تريحك شويه مع العلاج.......استخدمى الماء الفااااااااااااااااااتر فى التشطيف بدل من الماء الساقع هاتحسى بفرق كبيير اوى

nemonamanemo;12811576:
صباح الفل يا بنات


انا شايفه رغي كتير هقراهم و اجي

نيمو اخيرا ظهرتى ازيك يا جميا عامله ايه

صباح الخييييييييييير

صباح الفل يا عيال عاملين ايييييييييييييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟

محبة_الرسول;12807724:
فلااور
ازيك يا جميل عاملة ايه

انا تماااام الحمد لله



بقولكو يا بنات صحيح

روحت للدكتورة النهاردة والالتهابات لسة موجودة

الحمد لله على كل حاال

زودتلى فى الدوا مرهم عشان الالتهابات


بس ده الجديد عندى


وهروحلها تانى الشهر الجاى ان شاء الله :)

100000 سلامه عليكي يا محبة بس متقلقيش انا الدكتور التالت هههههههههههههكتبلي المرهم ده في الحمل كاجراء وقائي ضد الالتهابات

استرخي خالص و حطيه هما 3 مرات بس و خلاص

magda 1;12807842:
انا بقي نفسي جوزي يسافر عشان ارتاح منه شويه ههههههه مين شرير زي كده ونفسه جوزه يسافر فضفضوا ‏‎
‎

هههههههههههههه يا خراشي علي الشر ايه ده ههههههههههههه

magda 1;12808190:
بقولكم يا بنات انا عايزه اعمل سويت بس خايفه يكون في حاجه يعني والبيرود معادها بكره استني ولا اعمل واتوكل علي الله

هو ملهوش علاقه محنا بنعمل في الحمل عادي بس زي ما البنات قالتلك استني شويه في حمل ابقي اعملي مفيش يبقي بعد البريود

محبة_الرسول;12808381:
ايوة يا ماجدة
ما هى فعلا عرفت من الاشعة

بتقولى فى مكان كده مسدود ده من الالتهابات

هى دكتورة عجووزة كده بس فاهمة يعنى

ربنا يجعل على ايديها الشفا

وكمان بتقولى ان عندى الرحم مش ف مكانه

ناحية الشمال شوية

ووهعمل عملية المرة الجاية هتحركه من مكااانه

خاايفة اوووى ادعوووووووووولى

ده ايه ده ديه هتعمل زي الراخه بتاعه الخليج ما بتعمل ولا ايه

فجر1975;12811854:

ودى الكفته عشان خاطركم
لحمه مفرومه
ملح
فلفل
بهارات
تفل بصل
نتبلها كويس ونسيبها بالتلاجه شويه
وبعدين طلعيها من التلاجه وابداى انك تصبعيها على حرف معلقه وانتى بتصبعيها تجيبى ماية البصل وتحطى ايدك فى ماية البصل وتصبعى وهكذا لحد ما تخلصى الكميه

وبعدين حطى قطعة زبده صغيره وعليها شوية زيت زيتون صغير برده عشان الزبده مش تتحرق فى طاسه على النار وبعد ما تسخن كويس حطى صوابع الكفته وقلبيها على كل جانب
وبعدين حطيها فى صينيه تكون سخنه برده اوى ودخليها الفرن
وبالهنا والشفا

تسلم ايديك يا احلي فجر :L:

نيمووو عاملة ايه يا قمر؟؟

ماجدة ايه اخبارك؟؟ظ

معلش يا بنات انا كنت عامله تقتباسات كتير بس ضاعت مني انا هرد علي اللي فكراه


اولا اهلا بيكي يا ريري انتي و فلاور و بسكوته منورين يا بنات مع اني مبحبش العرايس الجداد الحلوين يجوا هنا بسرعه كده


انتوا لازم تهدوا اعصابكوا و متبدئوش تتوتروا من دلوقتي لسه بدري و التوتر بيأثر و بالنسبه للاعراض ديه ممكن قووي قووي تكون من تأخير البريود لان اعراض الحمل هي اعراض البريود

ربنا يطمنكوا يارب يرزوقكوا الذريه الصالحه

صباح الخير يا بوسي صباح الخير يا ماجده عاملين ايه يا بنات


انا يوم الجمعه ببقي عند حماتي و يوم السبت عند ماما

امنيه........... الف سلامه عليكي بس لو عايزه خلاصه حوار الحمل العنقودي يبقي عليكي وو علي هدي (أجمل أيام العمر) هي بنت زوق جدا و هترد علي اي استفسار ليكي هي حصلها حمل كده و راحت لعثمان شخصها و عالجها

ربنا يطمنك يارب



دينا ............. التحاليل اللي دكتور عثمان كتبهالي غير بتاعه نور طبعا في حاجات مشتركه اللي هي خاصه بالسيوله و كده لان احنا الاتنين كنا رايحنله اساسا عشان الحوار ده فهو هيكتبلك تحاليل تناسب حالتك

مانيا ............ عامله ايه يا جميل ربنا معاكي ان شاء الله و تبشرينا بحملك الشهر ده


سمسمه ............ الف مبروك علي البنوته هتسميها ايه ان شاء الله


محبة.............. نيسو في مارينا عقبال عندنا ان شاء الله ههههههههههههههههههههههه و بعد كده نازله القاهره لمامتها

صحيح عملتي ايه في الفرح

اسكتوا يا عيال رحت حته فرح في جراند حياة يهبل .......... واااااااااااااااااااااااااااااااااااااو اخر حاجه


ادخلوا بقي عشان احكيلكوا عليه

لحظةحب;12807834:

ما شاء الله يا سمسمه ربنا يكملك على خير ويجعلها ذريه صالحه ان شاء الله انتى ناويه تولدى فين فى الكويت وله هتنزلى تولدى فى مصر.. ومتابعه عندك مع مين ؟؟

تسلمى يا لحظه وعقبالك ان شاء الله
ان شاء الله هولد هنا عشان الشغل مش هقدر اخد منه اجازه غير بعد الولاده
انا بتابع مع دكتور مصرى انا طبعا مكنتش اعرف اى حد خالص بس انا ليا خالى هنا من زمااااااااااااااااااااان دكتور صيدلى وهو اللى قالى عليه روحت له دكتور كويس ومش معقد :) والحمدلله ماشى الحال

nemonamanemo;12812182:
سمسمه ............ الف مبروك علي البنوته هتسميها ايه ان شاء الله

لسه والله يا نيمو مفكرتش فى اسم
اصل البنات اساميها مش حلوه :) انا كنت حاسه انه ولد وكنت مظبطه نفسى على كده ههههههههههههههه وكنت هاسميه على اسم بابا :D بس الدكتور قالى انها بنت بقى قولت له مش هتقلب يعنى اخر كلام انها بنت هههههههههههههههه

سمسمة مبرووك علي البنوتة يا قمر عقبالي لما اعرف ان شاء الله


نيمووو احكيلنا علي الفرح

هههههههههههههههه البنات بالذات ساعات بتقلب انا بعد ما الدكتور قالي بنت رجع في كلامه و قالي مش واضح قووي و بعد كده الحمد لله ثبت و قالي بنت

فكري في اسم كده و قوليلي يمكن اغشه منك

بيني و بينك اسامي البناات صعبة اوي غير اسامي الولاد سهلة اوي اوي

كان حلو قووي اي بوسي اول ما دخلت القاعه اتوهمت شيك بشكل رهيب و كان الديكور بتاعها علي البيض و كريستالات كده شكله عريسي قوووي ههههههههههههه

و الزفه تهبل الزفه عندهم جوا القاعه يعني العروسه تدخل هي و باباها من باب و العريس من باب و بعد كده يرفه طرحتها و يبوسها بقي (بس في راسها متفهموش غلط ههههههههههههههه) بس و يقطعوا التورته و يغيروا الدب و يرقصوا رقصه عند البست بتاع التورته هو كان عالي كده بيطلعله بسلالم و بعد كده الزفه تيجي بقي تزفهم من عند التورته لحد البست و يرقصوا رقصه سلو بس بقي و بعد كده الفرح يبتدي

بس الزفه بقي كانت بالدوف و دخلت فرقه بنات كده بالشمعدان علي راسهم و بدل رقص بقي و عملو شو حلو قوووي

اه و قبل ما العروسه تدخل كده كان في شو بردوا لذيذ تسليه يعني عقبال ما الفرح يبدأ


اول ما الفرح بدأ بدأ بقي با احمد عدويه و بعد ما خلص دخل العسيلي انا الصراحه شوفت لحد كده مكملتش الفرح لاني كنت تعبت بس احنا مشينا علي 2 كده بس الفرح كمل لحد 4 يعني اكيد كان في فقرات تانيه

ولا السرفيس يا جماعه حاجه خيال انا حضرت افراح فخمه كتير بس ده كان حاجه تانيه خالص