محتاجه رايك وادعولي ياقمرات

بصراحة يا يطة انا مش معاكى خالص فى الموضوع ده انت عمرك ما هترتاحى ماشى الناس كويسين بس ده حاجة و الاقامة الكاملة معاهم حاجة تانية خالص انت مش هتحسى نهائى ان ليكى خصوصية و حياتك كلها هتبقى تحت الميكروسكوب دى راحت دى جت دى نامت دى صحيت دى عملت و كمان ده بيت عيلة زى ما بتقولى و اخواته على طول هناك سواء جايين زيارات او افرضى واحدة منهم اتخانقت مع جوزها و جت بعيالها هيبقى ايه الوضع محدش يقدر يعترض لان ده بيت اهلها انت مش هتكونى مرتاحة خالص و لا حاسة ان ليكى خصوصية و بعدين اصبرى لما السنتين يفوتو مش يمكن تفرج و تستلمو الشقة لسه 6شهور بحالهم و ان مكانش ان رايى امشو فى موضوع الايجار انا واحدة صاحبتى كانت فى نفس ظروفك كده و قعدت سنتين و نص على ما استلمت الشقة و اتجوزت فيها الحمد لله يعنى شويه صبر مش اكتر و ربنا يسهللك الامور

و الله يا حبيبتي راح تكون اكبر غلطة ترتكبيها في حياتك هذي نصيحة مجرب و ليس مجرد كلام اعتباطي اصبري ستة شهور او سنة زيادة احسن مه تعيشيهم متنكدة و حتظلي طول عمرك تفتكري النكد الي كنت فيه و حياثر على حياتك صدقيني حتى لو كانو اهل زوجك ملائكة و بيحبوك لكن النكد يجي يجي لان لو تلاحظين في البيت الواحد و مع الاب و الام و فيه مشاكل داخل الاسرة طب ايه الحال و انتي من عيله غير عيلتهم و تفكير ثاني و نمط ثاني يعني مش ممكن تتشابهو و لو شفتي حاجة تزعجك حتسكتي و تكتمي في قلبك عشان الحياة تمشي و بالنهاية النكد حيملى قلبك حتى لو كانت حاجات بسيطة حتكبر في داخلك صدقيني نصيحة من اخت لك في الله عاشت نفس المشكلة و الي كتبته واقع و ليس كلام نظري و اتمنى لك التوفيق

وايدات سكنو بالبداية مع أهل أزواجهم بعدين ربج فرج عليهم
والله يوفقج حبيبة

باختصار انا لو مكانك مش هقبل

وربنا يارب يفك كربك وتتجوزوا ف اقرب وقت :)

ربنا يا قمر يسهلك امورك و يفرجها من عنده
انا لو مكانك مش هقبل خالص حتي لو هما فعلا كويسين كفايه انك مش واخده راحتك انتي وجوزك
ورائي الايجار الجديد حل كويس اوي وفي مساحات بتكون معقوله وايجارها كويس
وكفايه ان الواحده تبقي براحتها في بيتها تلبس اللي تلبسه تنام وقت ما هي عايزه وتعملي اي حاجه براحتك ده بييتك

انا رأيي من رأي البنات اوعي تسكني مع حماتك العشره وحشه وبعد فتره هتبقى ملزمه تطبخي للكل وتنضفي وبدل ماتبقي عروسه هتلاقي نفسك بتخدمي 4 وللا 5 ..اصبري شويه او خدي ايجار وخلاص

اشوف ان البنات عندهم حق
الافضل تدورين على شقه صغيرهـ
وتجهزينها بأثاث بسيط
الى ان تخلص شقتك
لان مهما كانوا أهل زوجك
طيبين بتظلين متكتفه
ومثل الغريبه
يعني يايتأجل الزواج
ياتأخذين شقه بسيطه
متواضعه الى ان تجهز
شقتكم،اتمنى لك التوفيق وراحة البال.

بصى يا بطة ان كنتى تعرفى تقنعى باباكى بالانتظار شوية خصوصا لان التاخير مش تقصير من خطيبك لكن ديه ظروف
او تيجى على نفسك شوية و تقبلى بالايجار و ياستى مش لازم تجيبى كل العفش هاتى بس الاوضة بتاعتك و مكان استقبال
انا زيك مبحبش الايجار و انا مش ضد انكى تقيمى مع عيلة جوزك لانى اصلا خطيبى ان ربنا سهل الامور و اتجوزنا و عدينا المحنة اللى احنا فيها ديه هو شقته فى بيت ابوه مع اخواته كلهم وهو بالخصوص عنهم مامته فى جزء من شقته بس مقفول عليها
لكن بصراحة الموضوع بالنسبالك فيه تكتيفة حتى لو هم طيبين انتى هتكونى متكتفة مش عشان امه بس لكن جوز اخته اللى شغلها جنبهم
يعنى مش هتستفيدى ان اخواته بنات جوز اخته هيكتفك فى اللبس ده غير اى مشاكل تانية ممكن تحصل بعد الشر طبعا
فكرى كدة و شوفى
بس لو مش قادرين تصبروا ده حقكم استحملى الفترة ديه معاهم و اهى فترة و هتعدى ان شاء الله و تروحوا بيتكم
متنسيش حكاية جوز اخته ديه اهم حاجة و مشكلة اخته مش هتتحل الا مع مشكلتك لانها هتستلم شقتها معاكم
ربنا يوفقك للخير و يسهل لكى امور زواجك

بطوط يا بطوط
ازيك يا جميله عامله ايه


بصى بقى من الاخر بقى كده بقى يا بنت انتى
لالالالالالالالالالالالالالالالالالالالالالالالالالالالالالالالالالالالالا
اوعى يابنتى

حد يروح النار برجليييييييييه

مهما كانو ناس كويسين العشره بتعمل احتكاكات


وفى حاجه بقى مهمه جداااااا لازم تاخدى بالك منها

ان اول سنه فى الجواز صعبببببببببببه جدااااااااااااا بينك وبين جوزك
كل واحد لسه بيتطبع بالتانى
وكل شويه خناقه تافهه على حاجه
ايوا والله تافهه عبيطه جدااااااا ممكن تكون مثلا ازازه الميه :)
فمش ناقصه كمان تبقى قدام حماتك

وكمان حاجه مهمه اكتر من اللى فاتت
ان اول سنه دى فى نظرى هيا الاساس اللى بتمشى عليه حياتك كلها
بمعنى
ان لسه فى الاول واول الحياه حلوه وعسل بقى وكده ومفيش لسه اطفال وبتخرجى وبتطلعى وبتنزلى
من الاخر بتعرفى الطرف الاخر بجد
وبتعيشى احلى ايام بينك وبين جوزك مهما عملتى مش حتعرفى تعديها مع وجود اطفال

يعنى عارفه
انا بقالى اهو سنه وكام شهر
وجوزى اصلا مسافر نص المده اللى متجوزنها
وحاليا الحمدلله ماشاءالله معايا البيبى
لما جه ايام الولاده وقعد حبه كده معانا هنا فى مصر طبعا الحياه مختلفه كلييييييييا
فى بيبى بقى فى فرد زياده معاكى يعنى حياتك اكيد بتتغير مش زى الاول
بتعيشى بقى على ذكرى السنه الاولى


بجد انا بتكلم بجد مش بهزر
الحياه اصلا صعبه يا بطه متزوديهاش انتى كمان بكده

انا عارفه انك عايزه تسهلى
وعايزه بقى تتجوزو وكده
بس صدقينى فكرى كده بالعقل
حتلاقى ان محدش حيتعب غييييييييرك

هوا مش تعبان فى اى حااااااااااجه خالللللللللللللللللللللللللللللللللللللللللللللللللللللص

وانتى اللى ختتعبى

وامه برده مش حتتعب هيا البيت بيتها خلى بالك

والبيت دايما ملوش غير ست واحده بسسسسسسسس


طب انا اقولك بقى على بنت صاحبه ماما بس صاحبه ماما الانتيم من ايام الجامعه
بنتها اتجوزت ابن عمتها
يعنى حماتها تبقى عمتها
ومش قعدت معاها لا حماتها هيا اللى بقت بتيجى تقعد معاهم
وجوزها انتقل الصعيد فبقت مقيمه معاهم هناك كمان
بعد ما خلفت بقت عادى بتلبس تريننج فى البيت مش حاجه مكشوفه ولا فظيعه ولا دلوعه اصلا حاجه عاديه بنطلون وفوقيه بتاع وخلاص
قعدت تقولها لا انتى تلبسى عبايات فى البيت ومش عارف ايه انتى كبرتى على الحاجات دى وكلام كده عبيط

والبنت تقول لجوزها يقولها ياستى انتى ليكى اوضتك اعملى فيها اللى انتى عايزاااااااااااه

ده انا اطقققققققق

بصى يعنى انا اهو قاعده فى بيت اهلى وامى واخواتى بنات وطبعا مش واخده راحتى فى البيت وبتمنى كل يوم وكل ساعه انى اروح بيتى

مش حتلاقى راحتك فى حته
ومش حتحسى ان ليكى بيت

وليه تبوظى على نفسك فرحتك بشقتك وبعفشك واحساسك انك فى بيتك مع زوجك وبسسسسسسسسسسسسس


حاجات كتيره حتفقديها صدقينى

بلاش احسن
وصدقنى ممكن مع اول خناقه تقولى لنفسك انا اللى عملت كده وعملت كده ليه وعشان مين محدش يستاهلللللل

:)

انا غمقتها اوى صح


طب افتحالك شويه :)
انا واحده صحبتى كانت فى نفس الظروف بالظظظظظظظظظظظظظظظبط وفضلو يقولولهم شهرين لا تلاته لا اربعه على الشقه فى الاخر قالت اتجوز مع حماتى
وقعدنا نقنعها كلنا
ولما استخارت ربنا , ربنا بعتلها شقه فى التجمع التالت او الاول حاجه زى كده وايجار ب 400 جنيه فقط فى الشهر
وشقه اوضتين وصاله وزى الفل مااشاءالله
والراجل صاحب الشقه دهنهالهم وهيا ركبت مشمع تقريبا فى الارضيات حاجه يعنى مش مكلفه وخلاص وفرشت وعملت وبقت فى بيتها وهيا دلوقتى لما بتروح تبات عند مامتها ولا عند حماتها بتقولى انا الحمدلله انى متجوزتش مع اى حد من الاتنين

فدورى على حاجه زى كده 400 جنيه مش حتعضل اوى يعنى وربنا يوفقك يارب يا جميله وسورى علشان طولت :) وغمقتها :)

مدامهم كويسين عيشي معاهم اللين ماتخلص الشقه
الله يوفقك ويعدك

بصي بجد وعن خبره كبيره


مش هترتاحي خالص


انا افضل ان تاجري شقه


احسن الف مره



حبيبتي العشره هيه اللي بتبين الناس


انا مش بقول انهم وحشين


بس الناس طباع وممكن طبعكم ميجيش علي بعض


وكمان عمرك مهتخدي حريتك الافي بيت لوحدك

بطة ياقمر ازيك يارب تكوني بخير
بصي ياجميل انا رايي بصراحة ومن واقع خبرة يعني لاني متجوزة ، قعدتك في شقة لوحدك ولو مساحتها ضيقة ومكانها مش اد كده احلي الفين مرة من العيشة المشتركة مع حد
بصي ياجميل الحياة بعد الجواز بتختلف عن تصوراتك وتوقعاتك، بمعنى ان انتي جاية من بيئة وجوزك من بيئة، فقطعا هتحصل دروبات ومشاكل كده في البداية زي ما بنوتة هنا قالت من شوية ، مشاكل عادية مش عشان حد فيكو وحش لا عشان اختلاف العادات والطباع بحكم اختلاف البيئات، ومهما كنتى انتي وخطيبك متفاهمين وعارفين بعض كويس اوي، الا انك برضو هتلمسي فيه جوانب جديدة كونكوا مش عايشين مع بعض دلوقتي مداكيش الفرصة انك تلمسيها
طبعا المشاكل دي هتحلوها سوا وتتفاهموا فيها براحتكوا ازاي وانتوا في حد عايش معاكو مطلع على كل تصرفاتكوا وهيحس باي حد فيكو لو زعلان او مضايق؟!!
ثانيا احلى احلى فترة هتعيشيها في حياتك كلها هيه فترة اول الجواز عشان بتباه كلها دلع وحب ورومانسية وحرية، لو قررتي تعيشي مع مامته ، هتفقدي اكتر من 50% من جمال الفترة دي، وهتحسي ان في حاجة نقصاكي ، زي مثلا بنوتة اتجوزت من غير فرح او بعيد عن اهلها، حاجات شكلية بس اساسية ومهمة جدا وبتخخزن جوانا، والفترة الاولي دي على فكرة هيه اللي بيعيش على ذكراها الزوجين بعد كده ، لان حتى لو حصلت بينهم مشاكل بسبب العيال وضغوط الحياة بيرجعوا يفتكروا فترة جوازهم الاولي اللي كانت زي العسل وايام جميلة ويحسوا ان الظروف بس هيه اللي لخبطتت حياتهم دلوقتي.
ثالثا وزي ما مشيمارو قالت بالضبط البيت مالوش غير ست واحدة ، انتي عايزه تغسلي عايزه تنامي عايزه تطبخي متاخر او مش عايزه تطبخي اصلا عايزه تروقي عايزه وعايزه وعايزه، طالما في ست معاكي في البيت لازم هتضطري تراعيها وتعملي حسابها ومش دايما كل اللي هتعوزيه هيكون في الوقت اللي يناسبها، في البداية انتي بتباي مش متعوده عالمسئولية فممكن يحصل منك تقصير او دلع في بعض جوانب البيت، جوزك طبعا ممكن يعديها او مياخدش باله اصلا، لكن حماتك صعب جدا تعديها والجوانب دي تمس بيتها، مش قسوة او صرامة منها لكن هيه مع بنتها اصلا ممكن تكون برضو حازمة معاها كده وتعاتبها لو حاجة في بيتها قصرت فيها، لكن دي حاجة كلنا كعرايس حصلتلنا ومرت بسلام لانها مستنا احنا بس
بالنسبة لنقطة ان اهله كويسين وبيحبوكي، ربنا يديمها نعمة ، بس عايزه الفت نظرك لحاجة ان العيشة المشتركة حاجة مرهقة جدا لكل الناس كويسين كانوا او وحشين، لان ببساطة مش هيه الوضع الطبيعي، الوضع الطبيعي ان كل اسرة ليها بيتها المستقل بمشاكلها بهمومها وبافراحها بنظامها بكل حاجة، والناس اللي بتعيش مع بعض بتيجي على نفسها وتتحمل عشان المركب تمشي، لكن بيفضل جواهم احساس كبير بانهم مش عايشين بشكل طبيعي وان حاجات اساسية نقصاهم ، بالتالي زي ما انتي مش هترتاحي حماتك مش هترتاح واخوات زوجك كمان مش هيرتاحوا والكل هييجي على نفسه عشان الظروف الصعبة وكده ، لكن الكل هيباه متنشن وحاسس انه بيضحي وهكذا عشان خاطر الناس التانية، وطبعا اكتر حد مجنى عليه هنا هوه انتي لان كلهم عندهم بيوتهم الا انتي اللى معندكيش شقتك، لكن محدش هيبصلك من المنطلق ده انما هيبصولك ان مطلوب منك زي ما مطلوب منهم مرونة عشان الحياة تمشي بينكوا كعائلة.
ده بافتراض ان بعد الجواز هيفضلوا برضو يحبوكي ويعاملوكي كويس
لكن لو العشرة ما بينكوا سببت مشاكل عشان مثلا حد عصبي محتاج اللي حوالية يتحملوه او حد حريص في مصاريفه شوية او حد متردد في قراراته او حد متسرع فيها او اجتماعي اوي وزياراته كتير او او او ، ساعتها العيشة هتباه مش بس ناقصها حاجة كبيرة لكن هيباه غالب عليها طبع النكد والضيق والخلاف باستمرار وكده،
يعني انتي خطيبك ده عارفاه ودارساه وكده عشان كده وافقتي تتجوزيه ، الناس اللي هتعيشي معاهم وكانك مطلوب منك برضو تدرسيهم وتعرفيهم زي ماعرفتي جوزك عشان تقرري تعيشي معاهم ولا لا، وده طبعا مستحيل عمليا انك تدرسيهم وتوافقي او لا، الواحد بيبذل مجهود كبيييير عشان يتكيف مع واحد بس، هيتكيف مع 2 او تلاتة؟!!
خلاصة القول قدامك اختيارين شقة ايجار جديد ايجارها هيقتص جزء من مرتب خطيبك ويمكن تكون مش شقة احلامك اللي فيها عفشك بالمقاس واللي بتتمنيه ومخططاله، او تعيشي مع حماتك وقد تنجحي او لا وفي كل الاحوال نسبة النجاح مش هتوصل ابدا للامتياز واختيارك التاني في مجازفة لان لا يعلم الغيب الا الله، والناس اصلا بتباه متزوجة ومركزة في اختيارها وكل حاجة زي الفل وبعد الزواج للاسف يحصل فشل، فالجواز مش مضمون اصلا حتى لو دققنا الاختيار فمابالنا لو جازفنا واتجوزنا في ظروف استثنائية
انا رايي طبعا تستحملي زي ما ناس كتير اوي بتعمل وتلجاوا لاختيار الايجار الجديد ، وقدامكوا بدائل شقة مساحة كويسة وفي مكان كويس بايجار عالي تعيشوا بالفائض من المرتب على ادكوا، او شقة في مكان كويس بس مساحة صغيرة على ادكوا ايجارها حنين حبه ، او شقة في مكان مش اوي بمساحة كويسة بايجار حنين برضو، والعفش فصليه ياستي بحيث يكون حجمه وسط ينفع في اكتر من مكان ، او متفصليهوش غير ما بعد ما تاجروا الشقة، او اشتريه جاهز ومش مشكله ، العفش طالما جديد سواء جاهز او تفصيل كبير او صغير بيباه شكله جميل، وانا اختى شقتها عفشها كبييير جدا ماشاء الله مع انها ايجار جديد ، وعادي مش شايله همه ولا حاجة ربنا هيعدلها ساعه ما تنقل وتلاقي حاجة مناسبة
يعني ياحبيبتي مش عشان العفش اللي هوه حاجة فرعية او عشان نعيش مرتاحين اللي هيه برضو بقت حاليا حاجة فرعيه لان الكل الناس في الاول بتتعب شوية؛ نختار اختيار صعب زي انك تعيشي مع حماتك
وعلى فكرة لو انتي باصة لتجارب ناس تانيين عايشين مع اهالي اجوازاتهم وكويسين ومفيش حاجه، فالقياس مختلف هنا، الناس دي دايما بتكون ظروفهم اصعب من ظروفكوا وعشان كده زي ما بيقولوا الحاجة ام التنازل، يعني لو واحد متجوز من زمان وزوجته مثلا قريبته او من ارياف او انسانة بسيطة اوي فرضيت تتجوز معاه بالظروف دي، او مثلا ناس كان ليهم شقتهم ايجار وتراكم عليهم الايجار لحد ما اضطروا يسيبوها هيقعدوا فين في الشارع؟بيرضوا باي حاجة، او ناس كانت ساكنة في ايجار جديد وعندهم عيال وبتاع وظروفهم المادية متدهورة ومش قادرين ياخدوا حاجة تانية، وهكذا يعني
ربنا يقدملك اللي فيه الخير

الله يسهلكو امروكو

ويعجل بزواجكم ويرزقكم

نفس مشكلتى بالظبط

حتى خطيبى قال لو ماجتش هاخد شقه ايجار جديد بس مش هاجل ميعاد فرحنا وكدة
برلاغم انه معاه شقه عايش فيها لوحده بس فى منطقه مش حلوة وهو كمان مش عايزنا نتجوز فيها
عشان كدة بيقول احنا هنستنا لو ماجتش هاخد شقه ايجار جديد لمده سنه عشان خطيبى حجز شقه فى سته اكتوبر وواحده تانيه الى المفروض نتجوز فيها وفعلا يوم الحكوومه بمية سنه وملهمش كلمه حتى عملنا الخشب وكل حاجه مش فاضل غير على الشقه وكان المفروض نستلمها من زمان بس هيهااات

وربنا سهل علينا الحال ويفرج كربتنا ياااااااااااااااارب

اللهم امييييييين

والله انا بحذرك ممكن جدا حماتك واهل جوزك يتغيرو معاكي بعد الزواج وبعدين حتي لو حماتك بتشتغل ماهي هترجع تلاقي الشقه متنضفه والاكل جاهز والمواعين مغسوله وكله تمام يعني حضرتك هتبقي شغاله :o:o:oمعلش انا حاده معاكي بس احنا ولاد بلد واحده ولازم انصحك بامانه وصدقيني العلاقه بينك وبين الخطيب غير بينك وبين الزوج تماما يعني مش ممكن هتاخدي راحتك صدقيني والله علي الاقل لو في مشكله بينك وبين جوزك هتفضلي مستنيه لما حماتك تنام وبعدين تناقشوها ولما تكون صاحيه توطي صوتك ومتقدريش تهرجي معاه ادامها لالالالا انا ضد الفكره دي تماما

والله يا بطه حكايتك تقريبا نفس حكايتى باظبط بس انا اصلا رافضه الموضوع ده لانى عارفه ان العشره غير لما تشوفيهم وتقعدى معاهم ساعه ولا ساعتين ومهما كانو ناس كويسين بتحصل مشاكل وكمان مش بتعرفى تاخدى راحتك زى ما يكون فى بيتك ربنا ييسرلك وييسرلى شق ولجميع بنات المسلمين