قصة ولادتي باحلى فطومة

السلام عليكمـ ورحمه الله وبركاتهـ:


شخبــاركن خوات،ـــي,,,عساكن مرتاحات ,,

اليـــوم بعد ما تفيجــت يايــبه لكم قصة ولادتي ببنوتتي الثانية .. فطوم،،،ـــــه(((ربي يحفظ عيالي وعيالكن يااااااارب...


انا الله يسلمكن عاطيني موعد 11-7 وانا كنت خايفة اني اعدي موعدي وما اربي .. مثل بجري .. بس الحمدلله...

يوم الاربعاااء تاريخ 7-7 الصبح الساعه 8 كالعادة قمت اروح الحمام تكرمون .. حسيت بشيء ينزل لي .. يوم رحت شيكت شفت دم،،، هنا حسيت بفرحه بنفس الوقت خوووف ان خلاص هذا العلامه ظهرت يعني اليوم يا باجر بنتي بتكون فحضني ان شاء الله ...

ظهرت من الحمام تبطحت ما قدرت احس الالام تزيد شرات الدورة قلت باخذ لي غفوة اشوي بس ما قدرت الالام تزيد .. ورحت الحمام اشيك بعده الدم مووجوود ...قمت الساعه 11 رحت خذت لي شور دافي قلت يمكن يخف ... بس الالام مثل ما هيه تروح وترجع بس كل نص سااااعه هنا قلت لا السالفة صدق يعني ولاده ولاده لا مفر ..خخخخخخ

طلعت من الغرفة قعدت عند اهلي والالام نفس ما هيه مستمرة .. وماكان لي بارض اتغدى ولا شيء غديت بنتي ... ورحت غرفتي امشي لانه الجو حار ما قدرت اطلع برع ....

تميت امشي وامشي امي سوت لي حليب حااار مع لوووز ... عقب يابولي زعفران وماي ورد ... تميت امشي فالغرفة .. والالم يزيد عالساعه 6 ظهرت فالحوي امشي تقريبا 10 دقايق ما قدرت اكمل الويع زاد عن حده بس للحين محتمل الحمدلله ...

دخلت الحمام اسبح عسب اذا رحت المستشفى ما فيني ريحه عرق من الجو الارف اللي مشيت فيه هههههههههههههه .....


قعدت عند بنتي .. عالساعه 8 خلاص حسيت الالم ما محتمل .. قلت لامي يلا عالمستشفى ...جهزت اغراضي واغراض البيبي وانطلاق .. اخوي وامي معاااي ...

ريلي كان فبوظبي عسب الدوام ... دقوله وخبروه يمكن مرتك تولد الليلة .. مسكين ما قدر يظهر من الدوام ..


المهم وصلت المستشفى .. والويع نفسه يعني محتمل اشوي ... دخلت عند الدكتورة فحصتني وقالت 2,5 ,,, 3 ... على طول غرفة ما قبل الولاده ...

وهنا عاد بدا الاكشن ... بدلت ثيابي ولبست مالهم اللي من ورا طالع خخخخ ...

وتميت اتويع .. وكل ماله يزيد ,, كل 5 دقايق ... تميت اون واون .. بس الحمدلله اني ما صرخت نفس بجري شليت المستشفى فوق راسهم ...ههههههههههههه...


يت الساعه 11 شيكت الدكتورة ... 5 سانتي ...

كل هالويع 5 سم والله قهر ... قلت يلا ما عليه هانت ... ما باجي شيء..

بس القهر ان الدكتورة يت ويايبة معاها اوراق اونه البيبي حجمه كبير ويمكن تحتاج قيصري فلازم زوجها يكون موجود عسب يوقع ويعرف عن حاله زوجته ... امي قالت ان زوجها ما يقدر ايي .. المهم جقوله وخبروه ...والله الدكتورة ما عندها اسلوب فالرمسة ... تكلمه بدفاااشة .. وهو عصب .. المهم هو قال انه امي اللي بتوقع بدله ... ووقعت الوالده


هيه نسيت اخبركن انا كل ما اسالها جم وزن البيبي اتقول لي ما اعرف بس كبير .. كيف ما تعرفين وتقولين كبير انا بجري كانت 3.900 جم ... يعني ما شاء الله جريب ال4 ويبتها طبيعي ...

اتقول لي لا يمكن راسه سظهر وكتوفه لا ويصير شيءلا سمح الله .. الله يخسها خوفتني .. قلت لها اهم شيء سلامه البيبي خلاص سوي لي عملية ...وامي هنا تقول انتي خبلة الرحم فاتح عندج ويت شيكت الدكتورة قالت 7 سم والحين انا مب قادرة اتحمل الويع اون بصوت مسموع ... بس مب صريخ ...الحمدلله ..


بوش وهاااااااااااااااااااااااااااااااااااااااااااااااا ا .. تميت جي اسوي 5 مرات تقريبا لين ما تزحلقت فطومه ونورت الدنيااااا بطلتها فديت روووحهااا ... واول ما طلعت انا طحت بكبري .. بدون حركة ... وحطولي اكسجين .. وتمت الدكتورة اتخيط لي وانا ولا حاسة بشيء واقول لهم ابغي اشوف البيبي و,,,هم صبري صبري .. لين خلصو الخياااطة يابو لي بنتي فديتهاااا ربي يحفظهاااا وقعد اخوي يوزع بيزات عالممرضات والكلينرااات ,,, من الفرحه الحمدلله اني ربيت طبيعي .. وقومني انا وبنتي بالسلااااامه الحمدلله لك مليون مرة ...


ادعولي ربي يحفظ بناتي .. وعايلتي وبيتي ,,,,
راحت الدكتورة الغبية اتصلت لاستشارية هندية والله انها حبووووووووووووبة ووايد شجعتني ...

يت اتشيك قالت منو قال ان البيبي كبير .. حجمه زين .. من دخلت ايدها انبط كيس الماي عايدها قالو يلا عغرفة الولاده تمت اتشجعني واتشجع امي الخوافة ان الحين يعتم
ون علي انا لازم اشد حيلي بالبوووش عسب البيبي يظهر ...



وفغرفة الولاده يلا انا هاااااااااااااااااااااااااااااااااااا وهم بووووووووووووووووووش وانا هااااااااااااااااااااااااااا

تدرون اللي يضحك اني انا اسوي بوش واسال الدكتورة دويو سي ذا بيبي ... هيه تقول يس يلاااا بووووووووووووووش .. والثانية تقول ... تبيني اقص شعرها عشان تشوفينه ...