للمقبلات على الزواج ويريدون يعرفون كل شي بالتفصيل لتجهيزات العرس "بنات الامارات فقط"

مشكوره حبيبتي XxSnow WhitexX

و الله أسعفتينا و ماقصرتي كفيتي و وفيتي وربي يجزيج الخير عيوني

تسلمين و مشكوره والله انتي ماتدرين كيف ساعدتينا و ساعدتي البنات بالمعلومات هذي
:clap::clap::up::up::up:


تحياتي

الغاليات ..

ممكن اطرشون لي ارقام المواطنات اللي ايمكيجن واللي أأجرن فساتين اعراس ..

اترياااكم:pain:

السلام عليكم ورحمة الله وبركاته
خواتي ممكن اتطرشولي أرقام فواز الأميري و هند الأميري و رولا وسعاد لأني أبغي أحجز بسرعة لعرس أخوي

يعطيج ألف عافية أختي .

:up: :up: :up:

السلام عليكم ورحمة الله وبركاته


بصراحة بنات احلى شي في منتدنا روح التعاون والاخوة والكل يفزع للثاني وماانسىفي يوم انخطبت وبالصدفة انضميت لهذا المنتدى الرائع وبصراحة ساعدوني خواتي وانا تجهزت على ايدينهم وكانهم معاي ..... بس لاسف تأجل الزواج وطلبت مني امي اوزع او اتصرف في اللي جهزته لانه فال مهب زين احتفظ بيه ................

وادعوا لي بنات

نرجع لموضوعنا اشكرج اختي الفاضلة سنووايت على هذا الموضوع الرائع جدا .........
حبيت اساعد بنات بالنسبة للمكياج ممكن اقول ريحانه بصراحة انا اعرفها من وقت طويل شخصيا كنت كانوا جيرانا فعلا قبل فترة حضرت زواج بنت اختها وفلا كانت العروس خلال الثلاث حفلات مختلفة عن اليوم اللي قبله وحفلة الزفاف كانت فعلا غير فعلا شاطرة ..............(صالون ايمان)

صالون مشكبار بعد مب شرط مشكبار نفسها في خالدة .. وياسمين .. بعد بس لاتخلينهم يحطون لج البيز وايد علشان ما يتغير لونج وبصراحة للشعر تتطورت تسريحاتها كثير......:smile:

وفي صالون في العين اسمه ظبية الدار (شارع خليفة) وصاحبته مواطنة وبعد مكياجها قمة بصراحة وما يتفوت .....وهي ممكن ساعد العروس في زهبتها بعد وتجيب كل شي (اقصد تشترين ) وحتى الدخون

بصراحة انا حجزت عند وحدة قطرية اسمها خلود بس بصراحة قمة ... العين والجفن ترسمهم وتخلي الجفن لوحة فعلا مكياجها غير وهي تجي الامارات بعد ...... وفي وحدة اسمها عاشة بحرينية وبعد مكياجها حلو وايد

وبالنسبة للحناء عندنا في دبي صالون صغير ومب معروف وايد للاسفف بس وبكل صراحة نقوشه تقولن يابنات كأنها بالماكينه مرسومةوانا اتعامل معاهم في الحمرية اسمه صالون حفصة هذا بالنسبة للحناء اما للاشياء الثانية بعد اوكيه ومضمون .......... اسعارهم في متناولالجميع جربوهم بنات وماراح تندمون بتدعون لي على فكرة الحناية اسمها زبيدة واختها سميرة(بنغاليات) بس شو نقش على كيفج وابتكارت احسن من هما اناماعجبتني لانها شايفة نفسها وبعد ماتسير الاا للناس اللي الكبارية :down:

وبعد صالون مادام حبيبة اللي في السطوة (مقابل لالس) والفرع الثاني في الشارجة صالون الاحلام (السوق الجديم , والشهباء ) بصراحة الحنا مايحتاج يصبغ وبعد الرسمات ولااحلى .. والمراسم في الشاجة (السوق الجديم)......

عن المصميين اللي تبا انا شخصيا اتعامل مع جاويد في سكة الخيايط في بردبي وتفصليه مضبوط في اللبس وعلى حسب ميزانيتج وفي واحد نفس السيد اسمه ميس الريم بعد روعة ...........((المحلين المصممين فيهم فلبينيين)):cool2:

وعن الدخون والعطور العربية تراى سوق مرررشد مايقول شي كل الاسامي اللي انذكرت ه فعلا الاولى في العطورات ...
ولا تنسون بنات ام سلطان القبيسي بصراحة محترفة عطور ودخون ........(أبوظبي)...


التصوير ازيد على خواتي بالاضافة الى الاسماء الي ذكرواها استديو كابي في المطينة بس ..... شو غالي بس عجيبة صورهم
:o
طولت عليكن منكن السموحة :o :o واللي تبنه انا حاظرة والارقام بعد (على الخاص) واي سؤال استفسروا :up:

تحياتي

:up:مرحبا بنات انا اليوم

حضرت عرس بس بصراحة مكياج قمة كان للعروس يجنن وايد حلو عند ايمان ونيدو بصراحة بدعت كانت العروس غير والبنات كل وحدة مختلفة عن الثانية بصراحة مكياجها قمة ما يتفوت...........


تحياتي

تسلمين

هلا بنات ..بصراحه ما قريت الموضوع كله ...لكن بحط الي اعرفه و ما ادري اذا البنات ذاكرينه من قبل و لا لأ


الصالونات...بصراحه ما اروح غير صالون جانيت و هدى ...و حتى في عرسي رحت عندهم ..عن نفسي يعجبني شغلهم ...بس مثلا اختي ما يعيبها كل انسان و ذوقه.. وبعد على حسب ما تطلبين يعني اذكر اول مره رحت شفت بنات كانوا قبلي ما عيبني المكياج ابدا و حتى خفت اتمكيج ...بس بعد ما سوت لي شفته حلوا و قلت لها الي قبلي ما كان حلو قالت هم طالبين جذي ...انا ما احب اتدخل بالمكياج بس اقول لها الالوان و هي على كيفها و باي طريقه ...الاسبشل مالها وايد حلو و العادي بعد حلو

و الحين عندها وحده تساعدها ما اذكر اسمها بعد مكياجها حلو سوت لي مره طلع شكلي غير عن دايما

اختي مثلا تحب ممم ما اذكر اسمها بس صالونها جريب من لامسي ... و تطلع الحينه في برنامج اسرارها في تلفزيون دبي ...مكياجها وايد خفيف الي يحب المكياج الخفيف يروح لها

و ليندا خليفا طبعا الكل يعرفها شفت شغلها على ربيعتي و كان حلووو


الكوش ...

اذا الميزاينه فوووووووق الريح عندج ...البتله.. يعني ارخض كوشه عندهم 70 الف و تكون تعيسه ...لكن الي 200 و الي 150 الف روعه

اذا ميزانيتج زينه و حترمه ممكن تروحين لاس فلور في شارع الضيافه في دبي ..اسعارهم من 12 الف لين 60 و 70 الف ...في كم كوشه ب7 او 8 الاف ..


و اذا الميزانيه ما تسمع في محل في الشارجه اسمه منال لخدمات الافراح ..كوشهم زينه شغلهم مرتب و شكله راقي شفت كم عرس هم مسوينه و اسعارهم رخيصه على 2 و 3 لييييييييين 17 او 16 الف


و مبروك لكل عروس و الله يتمم لها على خير

:cool2:ممكن اسال عن مكياج ندى حد شافه عالطبيعة

بارك الله فيك كفيتي و وفيتي

انا بعد ابا اسأل عن مكياج ندى حد مجرب عندها :o

مرحبا بنات... اسمحوووولي عاد أنا داشه عرض و بماانكم منكم وااااايدات جربوا صالون إيمان... بسألكم سؤال؟؟؟

نيـــــــــــــدو مب موجوده في الصالون..:down: دقيت مره و قالولي انها في الفلبين في إجازه و يمكن اترد و يمكن لاء... و اختي كانت متصلة و قالولها انها أحين طلعت من الصالون و تشتغل لحسابها..

بنااااات منتدى عروووووس فديت روحكم إللي عندها أي معلومة عن نيدو الله يخليها اتخبرني لانه العرس جريب ونحن مانرتاح إلا ويا نيدو ..:confused:

اسمحولي طولت عليكم و انشالله ماتردوني.....


فلووووووووووونه

حبيبتي سنو وايت...... سامحيني نسيت أشكرج عالموضوع الأكثر من رووووووعة... الله يعطيج العافية و انشالله بستفيد منه حق عرسي...:clap:

مشكورة علي الموضوع
التمساحة ممكن تطرشين الأرقام علي الخاص

سلام يعطيكم العافيه على هالمواضيع الحلوة مع انكم اهملتم بنات بوظبي.....ملاك الامارات ابا اسألج منو سوى كةشة احلام والهندباء بغيت رقم فاطمة للبطايق.........والسموحة

:clap::clap::clap::clap:

:up::clap::clap::up:

:clap:











:up:

:confused:محد رد علىاستفساراتي؟؟؟؟؟؟؟؟؟؟؟؟

:smile: