اهل ريلي وطبعهم الخايس ومشاكلهم(المستجدات ص5)

اختي .... لابد من المشاكل في كل بيت ... لكن تذكري رضا زوجج هو أهم شي ... لكن فكري مثلا اشلون تغيرين تعاملهم وياج صدقيني راح تكبرين في عينهم أدري انج مو مقصره ... لكن أهم شي أم الزوج اذا خذيتي قلبها صدقيني راح اتدافع عنج في كل شي .... والله يوفقج

ضمة طفل;12857629:
الله يعينك يا اختي ويصبرك واعرفي انه دوام الحال من المحال ومسير الحال يتغير وبالنسبة لولدك زوريهم ولاتقطعين صلة الرحم وكوني رسمية معاهم واذا غلطوا عليك ردي بأدب عليهم يعني لاتسكتين وتبينين ضعيفة قدامهم ولاشرسة بس وقفيهم عند حدهم بس بأدب في الزمن هذا ماتنفع الطيبة مع احد لانهم يستغلونها ويعتبرون الواحد ساذج والله يفرج عليك وعلي.

weeb;12858349:
الشموخيه والله قصه حياتج نفس قصه حياتي ضبط عند اهل ريلي وكانت عندي اختي والله كنا نتسلى ونضحك ونخفف ع بعض بس بسبب المشاكل وتدخلات خوات ريلي خربن علينا كل شئ وكان هدفهم انهم يفرقونا وفعلا انا ما استحملت العيشه عندهم وطلعت واختي لان زوجها شاريها طلعها بيبت بس اللي عندي خواته لعبن في مخه وقعدن يزنن عشان يطلقني والحين عشان يقهرني زوجنه والله والله كل هذا القهر والتعب ترا من صحتج وانا اقولج لا تتنازلين عن حق من حقوقج والله المستعان اختج ويب

بثينة قطر;12858759:
حياتي ..مالج غير انج تقعدين مع زوجك وتقولين له ان باب اهله ومشاكلهم تبين تسكرينه هم اهله على العين والراس بس انهم يتدخلون في كل صغيرة وكبيره ..هاي لاء..انتي ماراح تسمحين لايء انسان انه يخرب بيتج ...انتي تحبين زوجك وما تبين تستغنين عنه ...وانتي ما راح تقولين له لا تحب اهلك ولا تكلم خواتك ...بس لا خواته له خص فيكم ولا اهم لهم خص فيكم ...انتي وزجك موحد له خص...

ان شاءالله هذا اللي راح يستوي باذن الله تعالى ..

اما عن الصور مب 100% انتي معاج حق إلا مليون % انج مش غلطانة ...

هم يعرفون هالشي بس جي اونهم لازم يدافعون عنهم باي طريقه..ايخسي الا هم مابخليهم عراحتهم ..

و مقولة تعلمتها (( الحقران يقطع المصران )) هم يشوفون انج دخيلة يعني حرام في جبدج كل درهم يصرفة ريلج عليج ..لانه ما كان يصرف شيء لهم والحين يبون بس يجننونج ..او اهم يبون يقارنون نفسهم فيكم ف لا تعورين راسج معاهم لو شنو تقولين ما راح يفهمون ولا يسمعون ..و إذا الله كتب لكم انكم تطلعون من البيت ..لا تقطعينهم ..زوريهم (( عشان ما يقولون ما تجي ..ما تخلي ولدنا يجينا ...هاي الساحرة دخلت بيتنا وشيشت عقل ولدنا من هاي الحجي السخيف ....

بالعكس ريلي يصرف لهم ولحد اللحين يصرف لهم ومدلعنهم على حسابي وانا متفهمه هالشي واللحين ابا افكر بمشروع عشان اقدر اخذ اللي فخاطري واي شي اباه اقدر على طول اخذه ..الله يرحم ايام العزوبيه والله اي شي اباه واللله على طول يوصلني ..الحمدلله على كل حال ..

اما عن البلاوي الي اخت زوجك سوتهم ..كان من المفروض تبلغين امها عنها لانج انتي مش وليه امرها ..وما يحق لج انج تخشين عنها شيء..

مايخصنيه فيها حتى عادي يقولون انتي تبليتي عليها مع انهم يعرفون انهم مسويه هالشي ومشبعينها ضرب وطراقات بس جي جدامي اونه يطلعونها بريئه .. لا تستغربووون هههههههه ..والله كل شي جايز فبيتهم ..

وعلى قولة ماما عائشة ...محبة الولد من محبة ابوه ..ومن يحب ابوه يحب كل من يحبه... ولا تحرمينهم من شوفته ...وإذا شفتيها جيبي ولدج وقولي له جدامها هاي امك العوده بكره لما تكبر تجي وتبوسها على راسها واسمع كلامها عشان لما تكبر تصير ريال مثل ابوك....وترى ام الزوج بسرعة تنحط في المخبة اذا عرفتي لها ...

هيه اكييييد اذا حرمت ولدي منها باجر الزمن بيدور وحرمت ولدي بتحرمنيه من ولدها ...المدلله بعدني صاحيه وافكر مب عشانهم ببلي عمري وبغضب ربي عليه ..

هلا أختي الله يعينج ويصبرج عليهم ، بس بأنصحج وباقولج على شغلة وأدري ءلي يده في النار مو مثل ءلي يده في الماي ، دوووووووووووووووووووم ردي السيئة بالحسنة وترى كوني متأكدة في الأقوى منهم ومردهم بيونج إذا عاملتيهم بالطيب وبيعتذرون منج وإذا تبين تكسبينهم ليش ما تشترين لهم هدايا وتقربي منهم وسوي لهم مفاجآت أدري فيج حرة عليهم بس هل في أيدج شي لأ طبعاً العناد ما بيفيد ويمكن توصل للطلاق بسم الله عليج والله يبعد عنج مثلاً خوات ريلج ( رقية وسبيجة) وديهم السينما وديهم وعشيهم وبتشوف عمتج أشلون أنتي تهتمين فيهم وهم أشلون يجازونج وبتوقف معاج بإذن الله والله يريحج وتكون حياتج سعيدة يالغلا

وكلمة أخيرة طنش تعش والحقران يبط المصران وعلقيها على باب حجرتج هههههه.

فطومة الحبوبة;12859774:
صدق صدق الله يفرج همج يارب ... سبحان الله ربيعتي اتعاني مثلج اهل ريلها دوم ينصرون عيالهم ولو كانوا غلطانين ..
واتخيلي ربيعتي واختها مخاذينهم اخوان !!!!!!!! انزين وبناتهم والله بعد يواشون إيبون رمسه ويودون رمسه ولا يزيدون من عمارهم الرمسة ..
تدرين إن ربيعتي حليلها كانت إتعاني من اهل ريلها 7 سنوات من تحكم ومشاكل صبرت عليهم والحين ريلها تزوج عليها وحده من دوامه !!!!!!!
تدرين إن ربيعتي كانت ساكنه في بيت بروحها وأذية اهل ريلها يوصلها !!!!!!!!
وإختها اللي ماخذنها الأخو الثاني البخيل اللي ما يصرف على إختها ..

الله المستعان ,.... وربي يصبرج عليهم ...

أريج المحرق;12860623:
هلا أختي الله يعينج ويصبرج عليهم ، بس بأنصحج وباقولج على شغلة وأدري ءلي يده في النار مو مثل ءلي يده في الماي ، دوووووووووووووووووووم ردي السيئة بالحسنة وترى كوني متأكدة في الأقوى منهم ومردهم بيونج إذا عاملتيهم بالطيب وبيعتذرون منج وإذا تبين تكسبينهم ليش ما تشترين لهم هدايا وتقربي منهم وسوي لهم مفاجآت أدري فيج حرة عليهم بس هل في أيدج شي لأ طبعاً العناد ما بيفيد ويمكن توصل للطلاق بسم الله عليج والله يبعد عنج مثلاً خوات ريلج ( رقية وسبيجة) وديهم السينما وديهم وعشيهم وبتشوف عمتج أشلون أنتي تهتمين فيهم وهم أشلون يجازونج وبتوقف معاج بإذن الله والله يريحج وتكون حياتج سعيدة يالغلا

وكلمة أخيرة طنش تعش والحقران يبط المصران وعلقيها على باب حجرتج هههههه.

منآيـر بنت حمرآن النواظر~;12860590:

يااااااااااااااااااقلبي فديت قلبك

الله يكووون بعووونك وعووون اختك اللي تعااني اكثرررر
انتي احمدي ربك ان زوووجك معااك

وحااولي تطلعيين في بيت بررووحك اريح لك واتمنى افيدك اكثرررر

مــيــار;12860423:
اختي .... لابد من المشاكل في كل بيت ... لكن تذكري رضا زوجج هو أهم شي ... لكن فكري مثلا اشلون تغيرين تعاملهم وياج صدقيني راح تكبرين في عينهم أدري انج مو مقصره ... لكن أهم شي أم الزوج اذا خذيتي قلبها صدقيني راح اتدافع عنج في كل شي .... والله يوفقج

*فاتي*;12859813:
اختي كما تدين تدان وماعليه اصبري بتجوفين شلون الزمن بيدور ترى الدنيا دوارة يوماً لك ويوما عليك وهو صح مو حلوة الشماتة بس اللي سووه فيج مو سهل ولا شوي لكن الله يمهل ولا يهمل بتجوفين!!
ما اقول الا الله يساعدج ويصبرج على بيت عمج

غربه احساس;12860191:
اختي اولا قولي الحمدلله وارضي بقسمتك
ثانيا اخاف لو دخلتي امك بالموضوع يغلطون عليها ويتلفظون بالفاظ تقلل من قدر امك
تدرين اختي انا مثلك بس عانيت امررر منك والشي اللي كان كاسر ضهري ان زوجي ضعيف شخصيه يحاول يرضي امه وخواته على حسابي
وصلت ان خواته يدخلونه على البنات (صديقاتهم)بالغلط عشان يتعلق بوحده منهن وكان زوجي وقتها يضربني لحد التكسير لانه كان يصدقهم
والادهى ان ام زوجي تربط سحر زوجي قعد مايجيني 8 شهور وحبسني كثير تعذبت بس اخذت حقي وانا ساكته تدرين شلون
كنت اصلي الليل وابكي واشكي لربي واخبره كل اللي بخاطري والله ثم والله اسبوعين حتى صب الله على بيتهم المصايب
لدرجه ان عمي حلف ليطلقها ويرميها بالشارع قال لها نفس الكلام اللي كانت تقوله لي (والله لخلي ولدي يرميك ودوري احد يلمك)
نصرني الله لان صفحتي بيضاء ومضلومه بس نصيحه لاتغلطي عليهم بس دافعي عن نفسك عشان اذا رفعت يدك لله وانت صافيه من الغلط واصبررررررري اذا تطلقتي بيعذبونك بولدك عسى الله ان رزقك راحه البال ويسخر لك زوجك وينصرك قادر وكريم