الولادة في المستشفيات الخاصة في البحرين

جوهره المنانعه;12711252:

انه ماجربت التخصصي بس اسمع ناس ماتمدح دكتوره فرح وناس تمدح ... بس ترا بتعبين اذا سألتي الناس لان كل واحد بيقول لج كلام وبيشوشونج لان كل شخص له راي في الدكتوره

وبخصوص المستشفيات الخاصه ..

أنا ولدت في مشتشفى (عوالي) وكانت اول ولاده لي بولدي( سلمان ) ... الصراحه ماعرف ابتدي من وين .. رعايه ولا كل الرعايات من ناحيه الدكتورة لي العاملات والممرضات قمه الاتيكيت والرعايه وطبعا الانجليز معروفين برعايتهم ويخصصون حق كل وحده والده ممرضه وحده لها اهيا بس تراعيها ، وكل وحده والده لها ممرضه خاصه لها ... الصراحه المستشفى من ناحيه مبنى عادي لكن الوحده لين بتولد هناك تنسى ان اهيا في مستشفى
ولي درجه ان يوم اللي ترخصت ممرضتي شالت عني ولدي ووصلتني لي السياره ( تخيلي ولا مستشفى يسون جذي ) وقبل لاتمشي السيارة باستني و باست ولدي ورحنا ..
هذي اللي قلته لج بإختصااااار غير الاكل و التنظيف الشخصي و الهدوء و النظافه ويعاملونج شيخه و و و ........

وسلامتج

هلا حبابه

انا كنت اتابع عند دكتوره فرح

وكانت من اروع الدكاتره وولدت عنها

وبتسمعين ناس واايد بيقولون لج ان تتسرع على ولاده الوده وسيده تسويها عمليه قيصريه انا كنت اصيح اقول لها سوي لي عمليه ما رضت قالت لي كل شي فيش طبيعي والبيبي طبيعي وبتولدين طبيعي

والحمدالله كانت هادئه وقت الولاده وتقرأ قرآن عليج والله بسهل لج ان شاء الله

انا من ناحيتي تعجبني ومره ثانيه بعد افكر اولد عندها

وانتي كيفج حبيبتي بس هذا رايي وانا مجربتها :)

اي ونسيت ما قلت لج ترى جت النرس وخذت ولدي ووصلتني فيه الى السياره مو بس عوالي حتى التخصصي سوا لي هالحركه

تذكر يوم;12711440:

وجم اسعار الولاده في عوالي ؟!

ثانكس تهاني و جوهرة .

تهاني شلون معاملت المستشفى للمريضة خلال الولادة ؟ و بعد الولادة ؟
و كم طلع عليش ؟

انا ولدي الاول ولدته في التخصصي عند كيران

المستشفى من ناحيه العنايه و الخدمات وايد تمااام بس لاني ما تعجبني فرح من جذي ماقدرت اروح بولادتي الثانيه

ولدي الثاني ولدته في ابن النفيس عند كيران بعد و بعد المستشفى وايد تمام من حيث العنايه و النظافة و كل شي

بس غرفهم اصغر من التخصصي و اسعارهم بعد اغلى بسلاني ابي اولد عند كيران فرحت لهم

انا ولدت في التخصصي عند فرح وطبيعي والحمد الله الدكتورة راائعه وهادئه وماتتسرع وطول الوقت الي يسوي لي مساج والي يعطيني عصير وحطوني في الجاكوزي الدافي .
خدمه وعنايه ونظافه لا يعلى عليها
والدكتورة اعجز عن شكرها انسانه رائعه ومحترمه
وهالمره ان شاء الله ناويه اولد عندها بعد

وقت الي بطلع ووصلتني النيرس لحد السياره مع البيبي :thumbs_up:

انتي لاتسمعين كلام الناس وسوي الي انتي مرتاحه منه ومو الي الناس ترتاح منه انا ماسمعت كلام احد كنت مرتاحه من اختياري للمستشفى لانه اذا بتسمعين بتتعبين .

وبالنسبه لابن النفيس مستشفى كلش ضيق وغرفه ضيقه
وبالنسبه للدكتورة كيران سمعت ناس تمدحها بس عني انا شخصيا ما ارتحت لها كلش .

شوفي الي يريحج اختي وسويه . F:

مرحبا اختي انا بعد بالمرتين تابعت وولدت عند فرح بالتخصصي

لو بتكلم عنها ما بوفيها حقها محترمة بكل ما للكلمة من معنى ودايم ترفع المعنويات وتمزح وتضحك وابتسامتها دايم تسبقها حتى وقت الولادة ما شاء الله عليها تكون هادية وما تتسرع وكل خطواتها محسوبة ومتزنة

المستشفى مريح جدا ونظيف والغرف واسعة والحمامات هم حلوة ونظيفة وكل فترة والثانية يجون ينظفون ويعقمون المكان

الاهتمام بالبيبي ممتاز ويكون عندهم على طول يجيبونه وقت ما يحسون انه محتاج للرضاعة ويستأذنون قبل لا يجيبونه لج الغرفة يعني يتصلون يسألون اذا كنتي تقدرين ترضعينه والا لأ

الأسعار 520 دينار للولادة الطبيعية غرفة ديلوكس لمدة ليلتين وهالسعر قابل للزيادة على حسب احتياج الأم والبيبي

و1020 دينار للولادة القيصرية لأربع ليالي هم قابلة للزيادة على حسب احتياج الام والبيبي من ادوية وعناية خاصة وساعات بوصفار بعد يضطرون يخلون الياهل فترة اكثر واذا كان وضعه يسمح بانه يطلع طبعا بس كل يوم يسوون له فحص لين يصير وضعه طبيعي

هذا كل شي عندي الحين واي استفسار انا حاضرة :)

مشكوورة ع الموضوع اختي كنت محتاجتنه

من ردودكم كنسلت ابن النفيس

بس بنات التخصصي سمعت ما يمدحون الخياط ما بعد الولادة يقولون ما يعرفون له !!

وبعد سؤالي الثاني لو كنت اتابع في مستشفى ثاني و بعدين بغيت اولد في مستشفى مثلا البحرين التخصصي وش اجراءاتهم؟ عادي!

او لازم زيارة قبل لو اشلون :)

candoola;12717738:
مشكوورة ع الموضوع اختي كنت محتاجتنه

من ردودكم كنسلت ابن النفيس

بس بنات التخصصي سمعت ما يمدحون الخياط ما بعد الولادة يقولون ما يعرفون له !!

وبعد سؤالي الثاني لو كنت اتابع في مستشفى ثاني و بعدين بغيت اولد في مستشفى مثلا البحرين التخصصي وش اجراءاتهم؟ عادي!

او لازم زيارة قبل لو اشلون :)

هلا اختي لازم يكون ملف عندج في التخصصي لو تروحين زياره وحده عندهم عشان وقت الولاده يكون عندج فايل وثاني شي تابعي عندهم احسن اول بأول

ومثل ما قالوا لج البنات اختاري المكان الي يريحج وانا بصراحه ما خليت مستشفى ما رحت بولادته بأحمد رحت عوالي ورحت ابن النفيس عند كيران وايد عصبيه الى درجه اختي ولدت عندها تدرين وايد عصبيه وخلت اختي تولد على الارض:-o

وبخصوص دكتورة فرح وايد حبوبة وواثقه من نفسها وتعجبني وعن الخياط انا 12 يوم ما فيني شي الخياط كل طاح والحمدالله ما صار فيني اي شي من جانب الخياط كنت مرتاحه منه ;)

دهـن العـود;12249620:

كروشات

:063:
بكتب لكم عن تجربتي مع التخصصي

صراحة وايد ارتحت من دخلت المستشفى

لحد ماوصلوني انا وبنتي لحد السيارة

:092:

الممرضات خدمتهم حلوة وما يكنفشون والا يبوزون بالويه

وطلباتي اوامر طبعا
ومن اطق لهم الجرس ركيض يجون الغرفة
كلش ما يتأخرون

:038:

ووقت الطلق كانت قاعدة معاي ممرضة على طول

تسجل تخطيط الطلق

كانت وايد وايد طيبه وحبوبه وعلمتني شلون اتنفس عدل وقت الطلق
وكانت حاطة بالها على
:06:
قبل ما احس بالألم تقولي بسرعة اخذي نفس عشان ما تحسين بالألم وايد

:024:

وفعلا لما كنت آخذ النفس قبل الطلقة وايد اهون

:badly:

النظافة 10 على 10
المكان اصلا وايد راقي والواحد يرتاح نفسيا وما يوسوس

:068:
بالنسبه للنظافة عندهم عاملات يداومون على طول 24 ساعة
ولازم مو أقل من مرتين باليوم تدش الحجرة و تنظف

:thumbs_up:

حضانه الأطفال

كانوا ماسكين بنتي على طول

:062:
عندهم نظام اذا صاح البيبي يتصلون على تيلفون غرفة الأم

اذا الأم تقدر ترضع البيبي يجيبون لها البيبي واذا ما تبي

بس خلاص
و
لازم يستأذنون قبل ما يجيبون البيبي غرفة الأم لأن عندهم ممنوع

لأن في وايد امهات ما يحبون وقت اللي عندهم ناس

يجيبون لهم البيبي

انا عن نفسي قلت لهم من تصيح بنتي في أي وقت جيبوها لي :009:

بالنسبه للأكل
:079:
صراحة ما كنت احس انه أكل مستشفى

مرتب وفي صنيه والطعم حلو ومب ماصخ

والحلو بالموضوع ان الأكل يتم ساخن مدة طويله لأن
تحت الصحن نفس الحجر الحار اللي يحطونه بالمطاعم عشان يتم الأكل ساخن وما يبرد بسرعة

:thumbs_up:

وكل يوم تجيني مسؤوله تسألني شنو ابي وجبتي
وشنو نوع العصير ونوع السلطة
ونوع الحلاوة

وأدق التفاصيل

وبعد يجيبون مرتين باليوم صينيه مرتبه

فيها دله ماي ساخن و2 ليبتون عشان تسوين لج شاي

:C:

عاد قلت بصور لكم صينيه الأكل يومها كنت طالبه بيبر ستيك وفتوش وسلطة فواكه وشوربه مشروم
وعصير برتقال فريش

وبهالصورة

كنت طالبه باستا مع جبن ومكس صوص :thumbs_up:

candoola;12717738:
مشكوورة ع الموضوع اختي كنت محتاجتنه

من ردودكم كنسلت ابن النفيس

بس بنات التخصصي سمعت ما يمدحون الخياط ما بعد الولادة يقولون ما يعرفون له !!

وبعد سؤالي الثاني لو كنت اتابع في مستشفى ثاني و بعدين بغيت اولد في مستشفى مثلا البحرين التخصصي وش اجراءاتهم؟ عادي!

او لازم زيارة قبل لو اشلون :)

منو قال انا بالمرتين الحمد لله الخياط يفك بسرعة ويطيح وكنت حتى بالخياط اقعد عادي صح شوي يعور بس مو ذاك العوار اللي يأذي وبالعناية والكريمات والتجفيف المستمر بسرعة ان شاء الله يخف

ويكون عندج فايل هناك احسن يعني حتى لو كل شهر مرة تروحين او قد اللي تقدرين لوقت الولادة يكون كل شي عندهم وما يتعطلون على معلومة او حاجة يكونون محتاجينها وقتها

والله يوفقج

ماادري ليش احس السلمانيه اضمن مهما يكون حتى لو معاملتهم زفت
بس عندهم خبره اكثر
اني مقررة اولد هناك مع انه زوجي يقولي اذا تبين بوديج الخاص بس مو مرتاحه

candoola;12717738:
مشكوورة ع الموضوع اختي كنت محتاجتنه

من ردودكم كنسلت ابن النفيس

بس بنات التخصصي سمعت ما يمدحون الخياط ما بعد الولادة يقولون ما يعرفون له !!

وبعد سؤالي الثاني لو كنت اتابع في مستشفى ثاني و بعدين بغيت اولد في مستشفى مثلا البحرين التخصصي وش اجراءاتهم؟ عادي!

او لازم زيارة قبل لو اشلون :)

لازم يكون عندج فايل هناك افضل وتابعين معاهم اكثر من مره عشان الدكتورة تكون على اطلاع لحالتج الصحيه كامل .
وبالنسبه للخياط قلت لج لاتسمعين كلام احد :D اكو المجربات حطو تجاربهم
وانا عن نفسي مااحتجت خياط كلش الحمد الله مع انه ولدي كان وزنه كبير ماشاء الله وكنت بجر بس لاني تابعت معاهم طرق التنفس وهذي ساعدتني واايد .

انا كنت بروح التخصصي بس بعدين قررت ابن النفيس مع اني اتابع فترة طويلة قبل الحمل عند فرح

بس لما استفسرت عن الولادة قالو ان فرح ماتكون على الكول - يعني وقت الولاده مايتصلون لها عشان تييج - فيخلون اي وحده تولدج على حسب الشفت

وكيران اتييج باي وقت حتى لو نص الليل

وانا مابي اولد الا مع دكتورة اعرفها

bahrainia sweet;12898771:
انا كنت بروح التخصصي بس بعدين قررت ابن النفيس مع اني اتابع فترة طويلة قبل الحمل عند فرح

بس لما استفسرت عن الولادة قالو ان فرح ماتكون على الكول - يعني وقت الولاده مايتصلون لها عشان تييج - فيخلون اي وحده تولدج على حسب الشفت

وكيران اتييج باي وقت حتى لو نص الليل

وانا مابي اولد الا مع دكتورة اعرفها

bahrainia sweet;12898771:
انا كنت بروح التخصصي بس بعدين قررت ابن النفيس مع اني اتابع فترة طويلة قبل الحمل عند فرح

بس لما استفسرت عن الولادة قالو ان فرح ماتكون على الكول - يعني وقت الولاده مايتصلون لها عشان تييج - فيخلون اي وحده تولدج على حسب الشفت

وكيران اتييج باي وقت حتى لو نص الليل

وانا مابي اولد الا مع دكتورة اعرفها

من قا لهالكلام ..
انا يوم ولادتي اتصلت فيها الساعه 1 الفجر وردت على التليفون ونصحتني شنو اسوي والساعه 2ونص الفجر رحت واتصلو فيها
10 دقايق وهي واصله .

وتوها وحده من اهلنا والده انا وديتها الفجر المستشفى وعلى طول اتصلو فيها :thumbs_up:

انا ولدت الساعه 12 في الليل وما كانت فرح عالزام اتصلوا فيها اقل من 10 دقايق ووصلت وهي الي ولدتني الحمدالله


لا تسمعين كلام الناس انتي سألي ترى احنا مجربين المستشفى والدكتورة :thumbs_up::thumbs_up:

بسألكم بنات
حزة الخياط في التخصصي أو ابن النفيس كنتوا تحت تأثير بنج والا بدون؟
أنا خايفة أكثر شي من الخياط
ياربي وايد خايفة