بنت عمي .. دمرتني (المستجدات فى ص6)

ما دام تكلمك و هي تضحك،،فهي واحدة ما عندها ذوق،،كمان شكل حد معبي راسها كلاام يا اما امها او خالاتها او غيرهم، بس هي قلبها مو ابيض لان لو نيتها كويسة ما كانت خلت كذه اشياء تاثر عليها و على علاقتها بيكي.

شيليها من دامغك و اذا عطتك من كلامها انتى اعطيها و بنفس الاسلوب و انتي تضحكين كمان.

نجــــد;12786424:
شطووووووووووووووورة

كويس قطعتي علاقتك فيهااامن ناحية انها افضل شخص عندك.. لاانة زي ماقلتي اللي ينكسر مايتصلح

بس طبعاً خليك معها بس بحدووود علشان صلة الرحم


ربي يسعدك

ويسعدج ياروحي

يعطيج الف عافيه الحمدلله ارتاح قلبي الحيين

دام ان معاي حق باللي سويته

دلوعة حنونة;12787285:
شوفي احسن حل لاتعطينة اخبارك ولا تقبلينة كثير ولا تردين علي رقمة والافضل ا بعدي عن الشر غني لة نصيحة ابعدي عنة مثل الاشكال هذي الحقرن يقطع المصران
اذ جت سلمي علية ولا كانك زعلانة ولاتضيقين عمرك ولا شي وش دعوة وحد حقيرة مثل هذي تزعلينا منة

من عيوني يالغلا

ويسلمو على الرد وماتقصرين حبوبتي

الامورة شجن;12787592:

حبيبتي بقولج شي ..

اللي مثل هذه الواحد ما يندم عليها ويعتبرها صفحه ويشقها من الكتاب ويقطها يعني بالمختصر روحه بلا رده ...

الله يحميكم من عيون الحساد ويبعد عنكم كل شر وضر يا رب ..

اميين ان شاء الله يالغلا

وصدقتي بكلامج ربي يعطيج الف عافيه على الرد وماتقصرين

جوهرة قلبي;12787945:
هلا قلبي
وربي صابني هالشي من بنات خالتي
ياعمري نصيحة لوجه الله ومابتندمين عليها طول عمرج
لاتأمني حد من أهلج ولا تصادقيهم ولا تعطيهم أسرارج
الأقارب عقارب وفي أي يوم تحقد عليج توقعي تطلع كل أسرارج
صدقيني ما فيه أقوى وأدنى من غيرة الأهل ياكلونج اكل
أنا تبت ومابرجع أكرر إللي سويته ومب بس أنا أغلب الناس إللي أعرفهم يحاذرون من قرايبهم

حبيبتي لاتعطينها أهمية بتكبرين وبتنسين إنها كانت تعنيلج شي
عليج بإحترامها ك بنت عمج وليس كأختج لانه الاخت تخاف على اختها وهالأشكال مع الاسف مايستحقون لقب أخت لانها الاخت أسمى من إنها تكون بهالصفات

صدقيني الأقارب حقودين إنتي بس عليج بالواجب والإحترام أهم شي عامليهم مثل ماتحبي يعاملونج بس أسرار أحذرج لاتعطيها حد من قرايبج

والله يوفقج غناتي وأي مساعده رسلي ع الخاص
إختج :
جوهرة :) ...

فديييييييت قلبج انا

صدقتي يوم قلتي الاقارب عقاااارب لان انصدمت من اهلنا وااااااااااااااايد مب شوي ..

^^ ويوفقج و يسهل دربج ان شاء الله

يعطيج الف عافيه وماتقصرين ياروحي

SuPeR SuGaR;12792182:
فيني الضحكة مع انه مشكلتج تقهر تدريين ليش؟؟
لانه في وحده تقرب لي نفس بنت عمج عاد هاذي البنية علاقتها معاي عادية يعني مو وايد قوية
كنت تقريبا اكلمها على طول في المسن وسبحان الله قامت ماتتكلم معاي
وبما انا وحده مستحييييل اذل نفسي او اقلل من شاني حقرتها وماكلمها
وعقب فترة اكتشفت انها صاكتني بلوك .....قمت وصكيتها بلووووووووك ودليييييييييييت
واجوفها في الاعراس او في العزايم كانت على طول تسولف بس الحين ولا كانها تجوفني..وطبعا انا لازم اصير احسن منها اسلم مع ابتسامة وثووووووووق وشموووووووووووخ وامشي ولا اكلمها عقب ابد غير السلام واذا اهي تبي تتكلم حياها
وانا بصراحة من اسمع انهم يتكلمون علي اشرشحهم تشرشح حتى انهم يحسبون لي الف حساااب الحين لانه هاذي النوعية مايفيد وياها الا الحديد وياريت ينفع

يبيلي اتعلم منج هالاسلوب ههههه مع ان وربي مااقدر كل الناس يكسرون خاطري والله مرات اتهاوش معاها عقب اقول حرااام انا الغلطانه :'( اهـ ياقلبي شنو اقول بس الا حسبي الله ونعم الوكيل

يسلمو يالغلا وماتقصرين على الرد والنصيحه

أمـ اسحاق ..!;12792321:
موزة حبيبي اللي سويتيه آخر مره هو الصح..
هالنوعيه ما يفيد معاها انج تصارحينها او تبينين لها انج متضايقه من تصرفاتها وان كلامها حاز في خاطرج
كان المفروض من البدايه تردين عليها رد حازم وتردين الكلمه بـ 10 حتى تلزم حدودها زين ..
اعرف انج ما تعودتي على هالشئ بس مع الناس اللي بهالنفسيه لازم تعودين روحج لأنج بجذي تحمين نفسج من جرحهم لج
ولأنج طول ما بتمين ساكته عنها بتتضايقين .. فالحل الوحيد انج تطلعين اللي فخاطرج وتقولينه لها بحزم وصرامه وبكل قوه
منها هي تلزم حدودها ومنها انت ترتاحين
ابتعدي عنها لأن مهما صار صعب الوضع يرجع مثل ما كان .. ولو خليت خربت لازم بتلاقين لج صديقه تحبج وتخاف عليج من قلب ..!

والله يوفقج ،،

فديييت قلبج انا

أهـ ياليتني ألقى انسانه تكون مثل اختي واكثر :'(

يسلمو يالغلا على النصيحه والرد وماتقصرين فديتج

اميرة الحفل;12793168:
حبيبتي خليها الان تهدى بعد كم يوم ترد المياه الى مجاريها
ان شاء الله
على قوله المثل مرد الكلب لقصابه
السموحه طلعت من طوري
الله يهديها

اختي الحين انا متهاوشه معاها مالي نفس حتى اكلمها

بنت_عمان84;12795615:

السالفة كلها سالفة غيرة بنات من بعض

اذا انتي يا عمري تحسي انه كلامك عادي و ما يستدعي الحساسية من صوبها فالتطنيش افضل حل
و ما فيه داعي تذكرين قدامها اني سويت كذا او بسوي كذا
تراه العين حق و مذكورة بالسنة

و الله ايسر لك امورك و يصلح بينكم ان شاء الله

اختي انا ماقول لها والله بس هي تسألني وانا اجاوب عليها .. ومرات اكذب وربي حتى من طبعي ماحب اكذب على حد وفي نهايه اطلع كذابه ... لان مرتين صادتني اني اكذب عليها تقولي انتي وينج اقولها انا في البيت .. وبعد دقايق تتصل اقولها توني داخله محل

اميين وييسر لج امورج يالغلا