تقرير سفرتي الى الهند بالصور 3-7-2010

الف الحمدلله على السلامه
والصور وايد روووعه والاحلى ان الجو كان ممطر

تقرير جميل بانتظار البقية

والحمد لله على سلامتكم

ماشاااااااااء حلوة بمبي

وين الجزء 4

انتظر؟؟

سويت كيك;12702307:
واوووو روعه

طلعت الهند كشخه ههههههه

تسلمين يالغاليه وبإنتظار التكمله

بيني وبينج هي حلوه للتسوق
اما سياحه ما انصحج اختي
يالله انتظري الجزء الرابع الي بتكلم فيه عن السوق

عصفورة الرحمن;12704323:
تقرير رائع ..
تسلمين خيو ع التصوير

اممممممممم خطيبي يبانا نروح في شهر العسل غوا بس بعدين سمعنا عنها اشياء مو زينة و كنسلنا

قالو لنا انه هناك كله بنات مفصخين و لبسهم عاري!

و اني صراحة مو خاطري اروح اهناك بس خطيبي يبي يروح ...

و بالنسبة للاسعار يعني اهناك فنادقهم و اكلهم غالية ؟

شوفي حبيبتي شهر العسل ما انصحج تروحين الهند روح ماليزيا او سنغافوره واذا بتروحين الهند روحي بنغلور حلوه ونظيفه
بالنسبه ل JUHU صدقيني اختي ما شفنا شي من هالقبيل محد لابس لبس عاري وبالعكس منطقه حلوه ونظيفه وتعتبر من ارقى مناطق بومباي
بس يمكن هم قصدهم انهم يلبسون ساري فبطنهم يكون طالع:biggrin:

Blossoms;12705541:
تقرير جميل بانتظار البقية

والحمد لله على سلامتكم

الله يسلمج حبيبتي يالله انتظري الجزء الرابع فيه مغامرات وايده

ام نيلا;12708479:
ماشاااااااااء حلوة بمبي

وين الجزء 4

انتظر؟؟

شكلج مستعجله اختي بس دقايق احمل الصور ع النت ويكون الجزء جاهز

بحرينيه وافتخر;12704488:
الف الحمدلله على السلامه
والصور وايد روووعه والاحلى ان الجو كان ممطر

الله يسلمج اختي صح والله احلى شي امطار بومباي

حلوو التقرير

واهم شي الونااسه

يعطيج الله العاافيه

والله حلوة الهند ما تصورتها جذي تفتح النفس انشالله مرة ثانية اروح واحط لكم صور
قولوا انشالله :)

الحمدلله على سلامتك

الله يهنيك يا فجــــــــــــــــر عمان

الجزء الرابع بتكلم فيه كولابا واسووواقهااا
اسواق كولابا بروحها تكفي
الشارع كله اسواق وكل شي متوفر فيهااا



هذي صوره التقطتها ونحن راكبين على الحصان او الحنطور
واحلى ما فيها الحنطور يمشيك منطقه كولابا كلها



هالصورتين يمكن مب واضحين لان صورتهم ونحن راكبين الحنطور



هذي صوره الحنطور على شاطى كولابا



شوفوا البحر والجوو كيف صااااااااااااااير وسبحان وانت راكب على الحصان تحب بشعور حلو وغريب كانك في قمه السعاده


هذي صوره ثانيه من شاطى كولابا الجميل




هذي صوره لبوابه الهند وهو موقعه مقابل فندق تاج محل
ونفس الوقت يكون على شاطى كولابا ومكان حلوووووووووووووو واحلى مافيه البحر والصور الي شفتوها فوووق


هذا صوره فندق تاج محل ويعتبر من احلى واحسن الفنادق عالميا ومثل ما انتو شايفين فندق كبير وحلوووو
ومطل على البحر
وطبعا داخل فيه محلات وايده واغلب المحلات الي فيه يبعون فيه ماركات عالميه
والماركات العالميه الي يبيعونها هناك تكون ارخص من اسعارها الي في الخليج
والفندق الي كنا ساكنين منه تقريبا قريب من تاج محل يكون خلفه اذا ما خاب ظني


هالصوره تكون مقابل فندق تاج محل شوفوا الناس كيف ونحن شواطئنا شبه خاليه ههه
الحين بخبركم عن احلى مطعم دخلته في سفرتي
وهو مطعم دلهي دل بار بصراحه كلمت حلو شويه عليه اكلهم لذيد تاكل منه وما تشبع
بس سعرهم كان شوي مرتفع بس يتساهل كنا نتغدا ونتعشى في هالمطعم واحلى شي كان نودلز مالهم عجيب



وموقعه مقابل فندقنا تقريبا نروح له مشي ياخذ منا دقيقتين وعدالنا بعد كان فون ان بس بصراحه ما عجبنا اكلهم اكل دلهي لبار احلى بوايد وما في وجهه للمقارنه

الحين بخبركم عن الاسواق
اسواق كولابا تمشي طول الشارع راح وراد كله محلات
بس محلات العطور تبدا من فندق الخليج الي في كولابا ويكون مقابل هريش هذا محل يبيع الملابس
ومن احلى محلات العطور عندهم
عطار محمد ايوب ( انسان تعالمه حلو مع الناس بس بيني وبينكم احسه يبغي يكسب الزبون باي طريقه وخاصه واذا كسب الزبون ما ينزل في السعر الا شي بسيط وفوق هذا كله هو كسبان)
عطار بن حر ( بصراحه ما جربت من عندهم الا العطور العربيه بروائح فرنسيه وعجبوني وخذيت مجموعه)
اجمل هذا غني عن التعريف
والكل يعرفه وعندهم مخلطات حلوووووووه
بس السنه رافعين الاسعار دبل




وطول هالشارع كله محلات وكلهم يتكلمون عربي احسن منا والشي الحلو فيهم انهم يكرموا الزبون
يعطونه ماي وشاي وعطائر مجانا بمجرد ما انت تجلس عندهم

في نفس المكان يبعون بعد جلابيات وشيل مال البيت
بس بينكم وبينكم احسن ان اسعارهم وايد مرتفعه السنه
عكس السنوات الي قبل
والشي الحلو في الهند ان محلات مال بيع الملابس يخلونك تجلس على الارض ويجي البائع ويطلع لك كل الجلابيات والشيل الموجوده وانت ما عليك الا تختار
وهذا نموذج للجلسه




----------------------
انتظروني في الجزء الخامس الي بحط لكم فيه مشترياتي من بومباي بالاسعاااااااار

الحمدلله على السلامه وبالإنتظاار

:)

العَيـينة;12709423:

خووووش شي و الله

و المطر ااااااااخ
الله يرزقنا و يخف الحر عنا شوي

عليج بالعافية السفرة و تسلم ايدج على التقرير

امين يارب صح كلامج اختي تصدقين اختي هناك احلى شي الامطارررر:)

مس نور القمر;12709622:
حلوو التقرير

واهم شي الونااسه

يعطيج الله العاافيه

الله يعافيج اختي وان شاء الله تزورين الهند وتشوفينها كيفF:

دم دمعتي;12709652:
والله حلوة الهند ما تصورتها جذي تفتح النفس انشالله مرة ثانية اروح واحط لكم صور
قولوا انشالله :)

ما عليج من الصور بس انا حطيت الجانب الحلو فيها وما خفيا كان اعظم:-o
بس بصراحه هي حلوووووووووو وخاصه كولابا بس في مناطق وصخه وما تستحق الزياره
مثل بندي بازر سوق ردء جدا وما يستحق الزياره:-#

همت;12709661:
الحمدلله على سلامتك

ربي يسلمج ويعافيج
F:

دم دمعتي;12709709:
الله يهنيك يا فجــــــــــــــــر عمان

ويهينج اختي
يالله انتظري الجزء الخامس صدقيني بتقولين ابا اروح الهند من تشوفين الاغراض:p

يعطيك العافيه موضوع متعوب عليه تستاهلي التقييم...ويا حلاة المطر...

شفايف سكر11;12709856:
الحمدلله على السلامه وبالإنتظاار

:)

ربي يسلمج اختي
يالله دقايق بس احمل الصور وبحطلكم الجزء الخامس

عسولة امها;12712856:
يعطيك العافيه موضوع متعوب عليه تستاهلي التقييم...ويا حلاة المطر...

ربي يعافيج اختي وكل يهون عشان خاطر منتدانا الغالي:L:

الجزء الخامس
وفيه مشترياتي من بومباي
( اخواتي انا بحط لكم بس صور الاغراض الي انا اشتريتها لي اما الهدايا اعذورني ما قدرت احطهااااا)



هذي مجموعه شيل اشتريتهم من محل اسمه ان شاء الله ما شاء الله
صح ان اسمه غريب بس شيله سعرهم مناسب وهو المحل الوحيد الي عطانا ب هالسعر اما البقيه كلهم اسعارهم مرتفعه والشيله الوحده ب 100روبيه ما يعادل ريال عماني او 10درهم -ريال سعودي



هذي مجموعه جلابيات اخذتها عشان البسها للبيت
واخذتها من عدت محلات ومنها محل اسمه المدينه وبن حر و رميش واسعارهم شوي غاليه بالنسبه لاسعار دبي ( لان في دبي تقريبا الواحد ب 25 درهم اما في الهند اغلى)
تقريبا اقل واحد منهم ب 300روبيه ويوصل بعضهم الى 500روبيه
اي ما يعادل 3 ريالات الى 5 ريالات عماني --- 30درهم او ريال سعودي الى 50 درهم





هذي محفظه اخذته من محل في كولابا وهو قريب من الفندق شفته وعجبني وسعره 300روبيه حاولت فيه ينقص وما رضى ولان خاطري فيه اشتريته



هذا نعال اشتريته من انروبت مووووول وسعره 1125 روبيه اي ما يعادل 12 ريال عماني و120درهم اماراتي

هذي بعد محفظه اشتريتها من بومباي سنتر او سيتي سنتر
عجبني شكله واشتريته وسعره 450روبيه اي ما يعادل 4ريالات ونص او 45 درهم



هذي دراعات انا اشتريتهم من شارع محمد علي المحلات الي عدال شيتل



وهو المكان الوحيد الي حسيت انه اسعارهم حلوه
يعني خذيت الدراعتين ب 850روبيه اي ما يعادل 8ريالات و85درهم


هذي جلابيه اخذتها من شيتل وسعرها غالي 1000روبيه يعني تقريبا 10ريالات عماني و100درهم اماراتي



هذي الجلابيه عجبتني وايد واخذته من محل هريش وهالمحل ما ينقص حتى فلس واحد وكاتب على الباب السعر واحد عكس باقي المحلات ينقصون شوي وسعره 1000روبيه

--------
الحين دور العطور والمخلطات
وحبيت اقولكم اني انا ما احب العطور الثقيله وما احب دهن العود واخواني احب العطور البارده عشان كذا بتلاحظوا اني ما اشتريت دهن عود بس امي ما قصرت اشتريت بالنيابه



هذا العطور اشتريتهم من عند محل اسمه بن حر ووعجبوني وايد وخاصه عطر اسمه ثلج ريحته بارده




هذي مجموعه مخلطات اخذتهم من عند مجمد ايوب وريحتهم تجنن
اسماءهم خوصه بوصه وسلطان ( عطاني هديه لاني اشتريت اكثر من شي وامي خذيت دهن عود) وايس بر وعطر اسمه روضه



هذا عباره عن عود خشب من اجمل بس لما تبخرين منه ريحته تجنن وريحته تفوح في البيت كله


هذا بعد اخذته من محمد ايوب
ريحتهم حلوه وخاصه الشيخه شيخه ريحته تهبل

الحمدلله على السلاااامه
والصور رووووووووووعه ماشاء الله والجو خياااااال
يعطيك الف عاااافيه عالموضوع الحلو

الحمدلله على السلامه
وشكل الجو روووووووعه

تقرير حلو