زوجي ما يسمعني

الله يكون في عوننا أحنا الحريم...

شوفي يااختي انا حقولك كلام مدري اذا نفع معاكِ ولا لا
لان الرجال انواع مو نوع واحد
في واحد يحب المره العنيده المتمرده
واحد يحب المره المطيعة الهادية
اعتقد انك جربتي الثانية لكن ماجربتي الاولى
باختصار عامليه مثل مايعاملك بس بحدوووووووود وهذي حطي لها مليون الف خط
اذا شفتي تجاوب وانه بدا يميل لك استمري على طريقة حلوه خلك ذكية اوك
واذا ماشفتي اي تجاوب
الله يعينك وحاولي و لاتيأسي
في حفظ الله

الله يوفقك ويسر امرك

الله ييسر أمرك أنا زوجي كذا يطلب شوري ومايسمعه وإذا أحد شار عليه استمع هالحين صاراذا طلب شور ي أقول سو اللي يعجبك صار يقول رايك يهمني ؤأنا طناش اللهم كان موضوع يخصني أنا واولادي رايي اتخذه بحكمه

الف شكر لكم اخواتي على النصايح الحلوة والله كلها حلوة
حاولت اطنش شوي واشوف الحمدلله ما في نقاشات لاني قمت اتجاهلها وابعد عنها
اما عن نصيحتك اختي جريحة الليالي فأساسا هذي المشكلة اللي صايرة اني بطبعي عنيدة وما احب اسكت عن الغلط
من جذي صايرة حرب بينا اللي يشوف يقول هذا مو زواج حرب والله
الله يوفقكم اخواتي ويسعدكم وشكرا مرة ثانية

الله يوفقك يارب ويفرج كربك

خفي شوي عالريال والله يسخره لج

هــــاديه;12678605:

الله يساعد قلبش خيووو


احمدي ربش انه يتكلم ويتناقش وياش مو محطوط على الصامت

حلوة الصامت

اي والله ع الاقل يسمعش لما تتكلمين يعني مو اصمخ

عزيزتي خلاص خليه بكيفه...............يعني ريحي بالج ......هو يبي يمشي الي براسه .....راجع له


وبالتوفيق

هالنوع من الرجال صعب ظاهريا .. بس من تطيعينه يبدي يلين
من رأيي انك تطيعين وأمرك لله .. يعني عودي روحك على كلمه ان شاء الله ..
واذا في شئ مو عاجبك في رأيه او تصرفه وانتٍ تعرفين انه ما راح يتقبل خلي الشئ بينك وبين نفسك لا تصارحينه فيه
وخلك هادئه معاه تجنبي ترفعين صوتك ابدا او تبينين انك متضايقه من الشئ لأن راح يعرف ويسويها مشكلها من جديد ..
هو هدفه ان كلمته تكون الاولى والاخيره وان يحس بسلطته ..
قولي ان شاء الله و بتتسهل امورك وبتتجنبين الكثير من المشاكل
بس عاد تظلين من داخل مقهوره ومحتره لحد ما تتعودين على الوضع هههههه

حياتى حاولى تتكلمى معاه بوقت هادي يكون هو وبينى له او مسجى له او بورقه


والله يسخره لك

الله يعينك كلهم كذا

الله يوفقك وويسر امورك ويلين قلب زوجك ويسخره لك

الله يعينك ويعينا

ربي يفرج همك وينفسك كربتك
وكما قول الاخوات
حاولي تلتزمين الصمت
لان الصمت فيه حكمة كبيرة
راح تشوفين يجي يسالك وش فيك
حاولي تناقشيه بهدوء وروية
الله يهديه ويلين قلبه عليك
الله المستعان