ترتيبي لاغراض بنتي الشخصية

يعطيج الله العاافيه

موضوع رروعه

انا عن نفسي بنتي ماعندها غرفه ...

اغراضها معانا بالغرفه ...

وان شااءالله راح اصور طريقه ترتيبي لاغرااضها ...

...

مو مشكلة حبيبتي حتى لو اغراضها معاج نبي نشوف ترتيبج لها
خصوصا ان المكان يمكن يكون صغير نبي افكارج بالترتيب

والله انا بنتي مخصصه لها شلف من كبتي مصففه ثيابها وشلف ثاني حق ثياب ولدي

وجواتيها في كبت الجواتي الخاص بنا كلنا

وبس

لما تكبر باخصص لها ان شاء الله خزانة بروحها

انا بناتي عندهم غرفة بس صايرة مشبوكة بغرفتنا يعني احنا عندنا غرفتين مع بعض فهمتوا او لا المهم غرفتهم وايد صغيرة بس مرتبة حمد الله كل شي مرتب واذا قدرت بحاول اصور لكم وبحطه وانا لازم اذا كثرت الطلعات في الاسبوع الواحد انا اعفس اغراضهم بس بعدين ارد ارتب ما احبها مومرتبة اولا انا عندي كبت واحد بو بابين مساكين ما يكفيهم ما شاء الله بنتين لان ماشريت لبنتي الثانية مال بنتي الكبيرة باب تعليق وباب لتصفيف الملابس فيه 4 رفوف وتحت فيه مادري شنو يقولون انا اسميه مير الموجود عندي ميرين واحد للملابس الداخلية للبيت والمير الثاني مستلزماتنا من صابون وشامبو واشياء ثانية وانا ماشاء الله مايكفي باب التعليق لهم ثنتينهم وامسوية علاقين واحد فوق وواحد تحت وحاطة علاقة بعد في الباب وغير الملابس للروضة والعيد عندي في كبتي والجبليات والاحذية الجدد احطهم بالكبت التعليق تحت وكبت التصفيف امرتبتهم على النحو التالي رف الاول بيجامات النوم والرف الثاني فساتين وتنانير والرف الثالث بدلات كاملة والرف الرابع فانيلات وشورتات وبنطلونات للبيت والطلعات العادية والملابس الثانية الكشخة معلقين وعندي نوع كبت كله رفوف وميارة احط فيهم الخرز والعاب الي مااحب يخربونهم او يضيعونهم واكثر شي التعليمية هاي بالرفوف والميارة عندي 3 اول واحد فيهم الجوارب والثاني ملابس الداخلية بس للخارج يعني للطلعات والثالث الفوط والمفارش الاحتياط وبعض البوك والحقائب وعندي نوع مير كبير لجواتي وعندي التعليقة الي تنحط على الطوفة بعد حاطة فيهم اشياء مثل الاحزمة وجبليات القدامى واذا قدرت اصورهم لكم

موضوعك حلو بس خسارة للبنات بس

يعطيك العافية

موضوعك حلو بس خسارة للبنات بس

يعطيك العافية

الله يعافيج حبيبتي ما يمنع لو تشاركينا بافكارج
ياقلبي
حياج الله معانا

تسلمين خييتي
الموضع رووووووووعه و فكرته جونان

برغم اني بنتي ما عندها غرفه خاص فيها
بس بحاول في اقرب وقت اخلي طريقه ترتيبي ليها و الى اخوها


تسلمين مره ثانيه على الموضوع المفيد

هلا كويتيه

مع ان انتي مخصصه الطلب للبنات بس بعد بشارك وياش لأن عارفه قصدش للأطفال عموماً

اني ولدي لحد الحين ما جهزت غرفته و ثيابه للحين ويانه في الكبت

مقسمه ثيابه شلف لثياب الطلعه و شلف لثياب البيت و النوم و الملابس الداخليه

وممكن تحطين الملابس الداخليه في المقسمات الجاهزة مثل هي



و جواربه حاطتهم في مثل هي في كبت التعليق جيوبها تكون واسعه من دايسو حتى جربت احط فيها الملابس الداخليه تكفي




و الجواتي طبعاً مع جواتينا جربت احطهم في مثل هي



بس ما حبيت انه يطلع فيهم و يمشي بهم وبعدين يرجعون الكبت تبع الملابس بس ممكن تستغلينها في ترتيب شي ثاني مثل البيجامات او اي شي ثاني

و اكسسواراتها ممكن تقسمينهم كل لون بروحه تبع الشعر بروحهم و الباقي بروحهم و تحطينهم في علب مقسمه

أتمنى تستفيدين ولو شي بسيط من الي ذكرته و عقبال ما تجهز غرفة نوم حسون و ارتب اغراضه فيها

الله يذكرج بالخير مسز عادل
انا عندي نفس هذه

اخذتها من دايسو ومحتارة شنو احط فيها نورتيني اني احط الجوارب في ها تسلمين حبيبتي ما قصرتي

حاضرين للحلوين كويتيه

ولدي عنده كبت بو بابين والثياب ترسه مو مكفنه

بحاول افرز أغراض بنتي اللي شريتهم حق المدرسه
وبضبطهم
مع إن عندها خزانه بروحها بس بعد مو مكفيه ولا ربع أغراضها
ومعظم أغراضها مشترك ويانا
والله يفرجها على الجميع ويكبر مكانه ومكانكم

هلا اختي
انا بنتي اغراضها معاي بنفس الغرفه وحاطه لها دولاب خاص حق بدلاتها الكشخه تعليق
اما بجاماتها حاطه لهم در سحاب كامل
والتبانات درج كامل والشرابات بعد درج كامل اسويهم نفس الكوره ادخلهم مع بعض ويطلع شكلهم حلو
اما اكسسوارات شعرها ومع الربطات حاطتهم بعد بدرج كامل لانها مشالله كثيره
اما البروشات والربطات حقت الرقبه والساعات حاطتهم بعلبه لونها وردي مع درج الربطات
اما الاحذيه ماقدرت احطها بدرج احذيتنا لانه عند الباب وخوفي انها تلعب فيهم ويضيعون عشان كذا حطيت لها درج لاحذيتها بروحها

حلو الموضوع تسلمين

سامحوني صورت لكم بعض صور لترتيبي لغرفة بناتي بس مركز التحميل الملفات وايد بطىء مو راضي يحمل ان شاء الله في وقت ثاني

حلو الموضوع تسلمين

هلا حلو الموضوع كويتية .. وشكرا مسز عادل على الصور

عندي مثل هذي من هوم سنتر استخدمها للملابس الداخلية والجوارب بس اللي عندي بلا غطا

واخليها تحت سريرها .. هذي احسن

1



وهذي ما فهمت ليش يستخدمونها مو واضحة الصورة .. يمكن جيوب ؟



اذا جيوب .. اخذت لأولادي وبنتي جيوب كل واحد له وحدة من زارا هوم ومذكير مفيدين وشكلهم حلو

واخلي فيهم دباديب الدمى الناعمة الصغيرة كشكل حلو .. وبعض الأغراض الشخصية الصغيرة


ومرتبة الاكسسوارات في علب كل شي بروحه في 8 علب لانه اكسسوارات بنتي وااايد

و عشان ما اضيعهم وبسرعة احصلهم ..

يعني 1- التيجان مع بعض 2- الورود مع بعض 3-ربطات مع بعض 4 - البكل ( الريش ) مع بعض بروحهم بعلبة

5- النظارات الشمسية و الساعات مع بعض بعلبة 6- اكسسوارات الروضة بعلبة 7- الشرايط بعلبة

8 - اكسسوارات مثل الاساور والخواتم والقلايد بعلبة مجوهرات حلوة > اللي تطلع موسيقى اذا فتحوها

وذهبها طبعا حافظتهم عندي مع ذهبي ..



وبالنسبة للملابس .. ملابس الطلعة كلهم معلقين الا ملابس البيت مجفسين في المجر

المجر الثاني مخلية فيه الشنط ومايوهات السباحة وقبعات

ومخصصة لها مجر من مجرات سرير أخوها للملابس التنكرية ...

والأحذية معظمهم برا عند الباب في خزانة الأحذية ...

مووضووووع حلو صرراحه وفيدنااااا خصووصاا البكر

صباح الخير
بالنسبة لي انا احذيتها عزكم الله حاطتهم لها بصندوق بلاستيك من ايكيا اخذت لها وحاطته تحت بكبتها لان بعد احذيتها شوي مو وايد وما احب احطها بكبت الاحذية معانا جذي يكون اسهل حقها هي مرات اقولها تروح تجيبه ولي ردينا اشجعها انها ترده اما الجوارب بجرارة من جرارات كبتها واعذروني بنات امس ما صورت لان كنت مشغولة وااااااايد وان شاءالله من ارجع شقتي اصور لكم


اما ملابسها الشتوية