✿ ✿ تجمع كروشات اكتوبر (10)✿ ✿

مرحبا كروووشات ..


نور ام ..ما شاء الله عليه النونو حركي ..مواليد اكتوبر حركيين وايد الظاهر هههههههههه ..لان ولدي الاول جركته ما كانت كذا اخف بوااايد ..عكس هذا النونو حركي وايد فديته ..


القمر ..اممم كنت ناويه اسوي سونار هالشهر الي هو السابع ..بس اخاف يقولوا لي راسه فوق مع انه عادي فيه بيبيات يقلبون قبل الولاده بكم ساعه ..قلت بنتظر للثامن افضل ..واذا ما قاومت بسويه اسبوع الجاي هههههههههه ..


ام دودي ..يتهنى النونوو بالدولاب وعقبال ما تعبيه ثيااب ..


رسوله ..يحليهم البنات ..ربي يحفظهم ..والليله عاد كان خاطري فكشري ..بس طبعا انا اخذه جاهز ما اسويه ..احسه يتعب ويحتاااج مواعين وايد ..كله الي بناكله صحن اخذه من برا اريح لي ..


مسووزه ..شخبار النونوه الحلوووه ..وكيف حسووون ؟؟


عروسه ناعمه ..شخبارك وشخبار الوردات ؟؟


شيؤؤخية ..دريم ..نور الايمان ..لوليتا ..وكل الكروووشات الحلووووات شخباركم ؟؟

اليوم كنت رايحة الصيدليه ..وقمت اطالع فالمراضع والوانهم والحلمات وادوات البيبيات ..احس من زمااااان عن هالسواالف ..لما كان ولدي صغير كنت دااايما اروح الصيدليه ..هالمره شفت وااايد منتجات جديده من شابموهات وصابون ..وطبعا ما كنت رايحه اخذ للنونو لسى بدري ..اغراض الصيديه باخذهم فالتاسع ..

اشحاااالكم

اني للحين مااخذت هالاشياء وسنتر بوينت منزلين ماركة جديدة تبدأ بحرف g

كان قبل بس ثياب الحين منزلين مراضع زجاج وحسيتهم اخف من بيجون الزجاج وشكلهم اصغر

يمكن اخذ وحدة زجاج منهم

هلا امورة

هلا رسيل اشحالج

هلا وغلا امووووورة ورقة

اخباركم واخبار النونواااات

رسيل حنا شكلنا يبغالناا نعطي بناتنا العين الحمرة عشان يتعلمون و لا بالتهاون معاهم ما راح يتعلموووون


بنااااااات احس نفسي مفتوحة ع التسوووق
كله ودي اروح السووق واشتري
ولا والمشكلة الحين طلعت لنا مصاريف تصليح السيارة
ويبغالنا نشتري لناصفة ويبغالنا نشتري للعيد مرة وحدة قبل لا اولد في نصف رمضان يمكن

ويبغالناا باقي اغراض النونوو

يعني تجمعت مصاريف الدنيا علينا

كروشات احس بنوووتي تضغط ع تحت ويعورني اذا تحركت وظهري بعد يعور

سمحولي بقوم انام احس نفسي منتهيه وتعبااانه

مع السلامه

امووورة انا بعد احيانا احسها كذا

وزوجي يقول يمكن تبي تطلع ان شاء الله تولدين من الحين

مستعجل يبيني اولد بسرعة

كأنه اول بيبي بيجي له

في بنتي الاولى ماكان مستعجل كثر هذي

رررررررقة شهيتيني بالكشرررررري


انا اخذه من امي اذا سووته

بس ما اسووية متعب ويبغاله شغل الدنيا وزوجي ما ياكله يعني اذا بسوي بس لي وبعدين لازم اسووي شي ثاني لزوجي
يعني عشرين شغله تطلع لي


بناااااات احس اليوم اكلت حلى بشكل موطبيعي

كني ما صدقت طلع السكر عندي زين وجلست اكل بالحلا

وكله اقول اخر حبه باكلهاا واشووف حلا ثاني واكله وتستمر الحكاية

صباح الليل بنات ؟؟؟


اخيراً كملت الواجب <<< كان الواجب طويل جدا


اني حبيت اقول لكل وحه سالت عني اني بخير والنونو بخير

الحين خبروني عن اخباركم ان شاء الله بخير وشخبار نونواتكم ؟؟؟

تصفح الموضوع حالياً: 2 (2 من الأعضاء و 0 من الزوار) ‏Noor M*, ‏kamra

Noor M;12716846:

..

قريت الواجب بس ما اذكر شي ..

بالنسبة لرمضان انا في الغالب ما اطبخ شي .. لان اجباري و الزامي نفطر في بيت اهل زوجي .. ما يحب نفطر بروحنا ..

.. ايه صح تذكرت .. وردة .. انا نفسج بالضبط بالضبط .. يا زين طباخ امي بس .. ما احب طباخ بيت اهل زوجي ابدا استغفر الله مدري كيف احسه غريب :| .. بس بامانة اغصب نفسي .. لان فضيحه اذا قربوا الاكل و ما اكلت .. بيشوفوني مغروره .. اغصب نفسي و اكل شوي شوي .. لين يقوم اول واحد من الاكل انا بعده ع طول .. بس ما اقوم اول وحده ..

و انا قلت لزوجي .. قتله ما احب طباخكم .. و هو قالي انا بعد ما احبه .. خصوصا بعد ما ذاق طباخ امي :thumbs_up:

:lol: اللي مشجعني مااكل انو زوجي نفسه ماياكل
بس هو مصرف عمره كل من بره بس انا مابي اكل بره كثير ههههههههه
ونفس حالتج زوجي يعشق طباخ امي ومره كان ياكل طبخه من امه شفته ماكل قلت له
وش فيك قال الطبخه كلش مو شي :D
يعني هذا مو رأيي بروحي هو بلسانه نطقها بس ابد ماقلت له اني مااحب طباخهم

Noor M;12717334:

.. يلا وردة شو بدنا نعمل .. ما كل الناس عندهم نفس في الطبخ .. بس لازم تصبرين نفسج .. ولو بالخضروات و الفواكه .. و كاني انا اتغصب لما اروح عندهم .. ما في حل ثاني ..

عاد تخيلي ان رمضاااااااااااااااااان اللي هو وقت الوجبات اللذيذة .. لازم اكون وياهم .. رمضان الماضي كنت اروح لبيت اهلي بعد الفطور .. و امي تشوفني اكل بشراهه تقولي شو انتي ما فطرتي للحين .. خخخخ .. بس قلت لها ما يعرفوا يطبخوا ابدا .. و نظامهم في الافطار غريب .. احاتي وايد رمضان هالسنة :'( .. لاني حامل و ضروري اتغذاء وقت الافطار ..

.. رمضان الماضي بعد كنت حامل .. بس في النهاية فقدت البيبي و ما يندرى السبب شو .. بس اكيد التغذية تلعب دووور .. الله يتمم حملي هالمره و يقر عيني بشوفة البيبي ..

الحمدالله برمضان انا اللي اطبخ :lol:
والحمدالله الكل يثني طباخي حتى اصحاب زوجي هههههههه
طيب عادي قولي ل، زوجج ابي اجلس كم يوم عند امي ارتاح :D<< ينقال حليتها
الله يتمم لج ولنا جميعا يانور وتفرحين فيه يارب

..

شوفي هذا :D

http://forums.3roos.com/showthread.php?p=12717341#post12717341

صباح الخير مامات

ما شاء الله تبارك الله الواجب طوييييييييييييييييييل شلون بحله كله

شكلي مؤقتاً بطنشه خصوصاً أن عيوني تسكر بروحها وبكتفي بالسؤال

شخباركم وشخبار النونوات الحلوين ؟؟

أمس العصر جننت نونوي بالكشاف الصغير وبابته عجبته الشغلة وكمل عليها خخخخ ... مسكين هالنونو للحين ما طلع ومو مقصرة معاه في التجارب

صباح الخير

اخيرا اليوم موعدي صار لي شهر مارحت المستشفى ولا شفت البيبي

البارحه حالتي حاله من الم البطن شي فضيع حتى مشي ما كنت قادره امشي و خفت اكثر لما شفت قطرات ماي تنزل علي حتى زوجي خاف وكان يبي ياخذني للمستشفى بس كنت خايفه الحمدلله موعدي العصر بس اخاف اقولهم عن الماي ويعفسوني

اذا رجعت بخبركم شنو صار