✿ ✿ تجمع كروشات اكتوبر (10)✿ ✿

سنيوريتا
بالعافيه عليكم و عشرة طويله ان شاء الله

اني من زمان ما سويت شي ولا كشخت الا في زواج اخوي الي طاف الحمل يخلي النفسيه زفت و كفايه التعب لا و عندي بعد ولد

ان شاء الله عاد اقدر اعوض بعدين

اي والله يا مسزززز

مع الحمل كلش الوحدة مالها خلق تسووي شي
خصوصا اللي عندها جاهل وبترتب الشقة وياليت يبين فيها نظافة او ترتيب
انتي تنظفين من جهه وهو يعفس من جهه ولا زيادة
بهالحرر استغفر الله الوحدة ما لها خلق تتحرك من المكيف
ولا واناا جايتني حالة

تخيلووا وانا نايمة جسمي كله بارد الا اطراف ايديني وارجولي
واشيل البطانية واثلج بيديني وان حطيتها مت حرمن اطرافي وكل نومتي اجلس اشيل واحط بالبطانية

مرحبااا ..


شخباركم كروووشات ؟؟


انا حاسه اليوم بملل وطول وقتي نعسااانه مدري ليش ..مع اني نايمه وايد ..وولدي مو مقصر اليوم فالشطانه وانا ماليي مزااااج كلش ..الله يكون فالعوون ..

هلا رقة
الله يعينك ويعينااا

ذا سيم نفس حالتي اليوم
ماجلست من النوم الا 3 العصر
وبس سويت فطور وبعدين سوويت عشا اللي
يشووفني من التعب اللي صادني يقول هذي طابخة خروف محشي مو نتفة كفتة
ولين الحين من التعب ما غسلت الصحون ولا رتبت الشقة
الله يعينا مع هالثقل والتعب وشطانة العيال

الا انتي البيبي بتاعك كم عمره ؟؟

صباح الخيـــــــــــــــــــــــــــــــر
اشحااالكـــــــــــــــــــــــــــــــــم

حيا الله من جانا

نور وحشتييييييييييييييييييييني قد الدنيا ... ما تتصورين فرحتي لما شفت اسمش منور المجموعة

كل المامات شخباركم ؟؟

شكلي ما بقرأ الواجب ولا بواصل في الدوام اصلا ... على قولة موظفة معانا وجهي وجه احتضار !!!

ما اعرف شنو فيني من البارحة تعبت بشكل مو طبيعي ... شكله فآل أختي !!!! كانت متصلة فيني أمس وتسألني أنتِ وين ؟؟ ما ولدتي ؟؟!!! تقول يوم الجمعة فكرنا انك بتولدي هاليومين ... بعيد الشر عني وعن الكل

جد جداً تعبانة لكن مو حابه اروح المستشفى ... بس ابي اريييييييح بنطر نص ساعة ما وصلت مديرتي بستأذن ما فيني اقعد اكثر خلاص

در سلامات ما تجوفين شر يالغاليه

صباحكم خير وراحة بال ..

اخباركم شمسوين واخبار بيبياتكم .؟

در بسم الله عليج ماتشوفين شر .. وان شاء الله ماتولدين الا بموعدج ..

شفيكم كل شوي مخرعينا ع وحده .. ان شاء الله الكل يربي بوقته ومانسمع

بولاده مبكره لاي وحده بالتجمع ..



نور ام لج وحشــــــــه يارفيقة الحمل .. افااا اهون عليج تقعطينا هالقطاعه كلها ..

تروحين وترجعين بالسلامه .. عاد لاتنسين اي شي حلو تشوفينه بالسفره قولي لي

ابي اقلدج .. ههههههههههههههه ..




بالنسبه للي موب مرتاحات ويا اهل ازواجكم .. بقولكم شي لاحظته واكيد انتو نفس الشي

كل وحده يحبها زوجها ومدلعها شي اكيد اهله يغارون منها ومطلعين عينها اقصد امه وخواته ..

والعكس .. اللي زوجها مهملها او موب مهتم فيها تلاقين اهل زوجها يحبونها ودايم وياهم ..

يعني هذي ضريبة الحب ..

انتو شنو تبون تكونون من هالثنتين .. مااتوقع وحده فيكم تحب تكون الثانيه ههههههههههههه ..

يعني هونوها وتهون .. ربي يسعدكم ويديم عليكم حب ازواجكم ..

انا ابا ريلي يحبني ويدلعني خخخخخخ

بس الحمدلله انا عمتي ما يخصها ف الدنيا وريلي لازم يحبني والحمدلله
بس خالته شر خخخخ مب وياااي ويا الكل ما تحب حد يكون مرتاااح ولازم هي تمشيهم ع شورها

هلا الزنبق اشحالج

مرحبتين حرم .. انا بخير ربي يسلمج ..

انتي اخبارج واخبار بنوتج .. وترى اسم رهف حلو ونااااعم ..

اذا للحين تفكرين بالاسم ..


مخدة الرضاعه هي نفسها اللي تستخدمها النفاس علشان الجراحه

وموجوده في بيبي شوب جهة شنط الاطفال ومفارشهم ..

در سلامات ما تشوفي شر لأزم تروحي المستشفى

عشان خاطر البيبي وأن شاء الله ما عليكم شر

هذا كله تعب من الجو الحلو

أمورة أنتي وين مختفيه تدشين لما ما يكون أحد موجود

شلون زليخة أقصد رهف ترى أنا وااااايد أحب أسم رهف من صغري

الزنبق شلونج وشلون البيبي

القمر الوردي ميفج اليوم وكيف النونو

صباح الخير F:

اهلين القمر الوردي + ام الادهم

انا بخير ربي يسلمكم .. امس اكت فول الصبح وتعبت معدتي وحسيت

انتفاخ غير طبيعي .. حتى لمايتحرك البيبي كنت احس بموت من الالم ..

بس اليوم احسن الحمد لله ..