.،. جم أسعار هالصالات بنات ؟؟ بنات البحرين بليز .،.،

وصالة الهدى بجم ؟ وشرايكم فيها بصراحة ؟؟

والله يـآليت اقدر اسـآعدج ..

بس دخلت ارفع لج الموضوع ..

صآلـآت في حدود هالسعر مـآعرف والله .. وخصوصـآ جريب من المحرق مآظن تحصلين الـآ الصـآلـآت اللي عليهـآ تأميـن ..

ان شـآء الله بـآقي البنـآت يسـآعدوونج ..

هلا حوبي ..
مو شرط قريب من المحرق .. عادي اي منطقة يعني ،
وتسلمين ،،

مشكوره عمري .. تسلمين
والصالات الثانيه محد عنده فكره عنها ؟؟؟

صالة المتروك ب 250 دينار بس حلوه ومرتبه

بحدود 300 دينار , ونقول إلى 300 شخص فقط !

ويفضل تعاينيـن الصالة بـ نفسج ;)

عندج :

- الشبكة ( م.حمـد )

- المتروك ( الدراز )

- ناريمان ( شارع البديع )

- البركة ( المصلى )

هذي الصالات المرتبة والمضمونـة والزينة إلي تشيل لج هـ العدد وبهـ السعر

ويجي معاها : مسرح , ديجي

أما بقية الصالات إما تكون صغيرة جداً ويا دوبها تتسع 200 شخص

أو تكون فوق الميزانيـة 450 أو 500 دينار ,

موفقـة

F:

قصر المرجان سعرها 450 على ما اعتقد....مع المسرح والديجي وخدمة مظيفتين

اختي خلي فلوسج لج واستفيدي منها احسن.....
افضل مما تخسرينها على ليله وحده

الغدير 250
الهدى 240 مع الدي جي على ما اعتقد
شهرزاد 380 في الايام العادية بدون دي جي

انا عرسي سويتها في شهرزاد تعجبني كبيرة واسعه بس رخيص
350 والبوفيه على الطاولات سويت من الجميع والديجه من عندهم بس سعر بروحه
كلفتني اقل من 900 دينار بالديجه والبوفيه والصاله
والوساعه مريحه ويعجبني فيها دخلى العروس الطاولات بعيده عنج مايضايقونج وانتي تمسين بالممر يعني واسع الممر

اما صاله الهدى لا كلش ماانصحش فيها ضيييييييييييييقه حدها والطاولات متلاصقين في بعض
وبالنسبة لصاله الانوار كانت ضيقه بس الحين وسعوها مشالله
ذاك الاسبوع رايحه انصدمت قتحوا المدخل الخارجيه ودخلو ع الصاله
ورخيصه بس عيبها ممر العروس مو مرتب تمشين مابين الطاولات

بإختصار الافضل من كل الصالات اللي ذكرتينها شهرزاد لان مسموح فيها بوفيه اذا حابه وعندهم فلبنيات
الصالات الثانيه اذا حبيتي بتتقيدين لان ماعندهم فلبنيات

* أحلام وردية *;12661658:

السلاااااام عليكم ،

بنات بغيت صاله حلوه وراقيه في حدود 250 - 300 دينار ويفضل قريبه من المحرق شوي .. أو مو مهم المنطقه بقدر ما تهمني انها تكون حلوه وراقيه فعلا !

في صاله الريان في الحد حليو و عجيبه بس اجارها اكثر من 300 ما عندي فكره كم بالضبط بس انا وايد عجبتني

وبغيت أسأل عن صالة شهرزاد بجم للايام العاديه ؟؟380نفس الشئ في الاجازات
وصالة مصلى العيد ؟؟290 و الاجازه 300
وقصر المرجان ؟؟500
ودنيا السلام ؟؟المفروض 300

واذا عندكم صالات ممكن تفيدوني فيهم فيدوني بكون شاكره ليكم ..

لاني اطالع مهري يعني كلش ما بتكفي بيزاتي لاكثر من 300 دينار بس اذا عندكم بـ 400 مثلا فيدوني ;)
ليش ما تاخذين صاله شامله يطلع اوفر يعني شامل اكل و شؤب و ديجي و تصوير و الورد راحه بال بمبلغ بسيط عنج مرمريز 4 صغيره بس شامله و سعرها في الايام العاديه 890

بنااات .. صالة شهرزاد تصير بـ 380 بدون الديجي والاكل صح ؟؟؟
وصالة الريان بـ 550 بدون الديجي والاكل لو بالديجي والاكل ؟؟

ساعدوني بليييييييييززززز

هلا اختي عندج في نادي قلالي سمعت ان في صالة اسمها وااااو على ما اعتقد اهيي اتصير داخل النادي
اذا تبين صالة حق حفلة عائلية عندج الشكر في20 دينارو تقدرين تاخذين لج مسرح ناعم و معندهم بعد الكراسي الحمر اجارهم ب 15 دينار كأن 30 كرسي شي جذي و اذا تبين رقم الشكر عندي عشان تسألينهم
و من الصالات الي قلتيهم البركة زينة بسس الانوار اهيي الي عند المقبرة في بابار؟ لا كلش لا
البركة او شهرزاد
و ان شالله اكون ساعدتج

بناااات محتارة .. ساعدوني بلييييييززز
افكر اسوي في دنيا السلام وقالي اليوم راعي الصالة انها بـ 400 دينار وعقب رمضان بيتغير سعرها لان بيغير المسرح وانا اذا اكثر من 400 مابقدر كلش بس خاااطري فيهاا مووووت ،
وبنفس الوقت ساعات اقول ليش ماسوي بصالة عادية مثل الانوار وافك عمري واخلي باقي الفلوس لي ( ولو إن ما بتظل شي منها خخ ) ..
بس المشكلة إني ما سويت خطوبة اقصد سويت حفلة بس بماتم والحين خاطري بصالة .. ولا ادررررري وش اسوي ،
شورووو عليييييييييييييييي

شهرزاد :D

اختي انا انصحج بصاله المتروك احلى من دنيا السلام وبالتوفيق اختي

انا بصراحة أحب صالة شهرزاد لانها تكون واسعة ومدخل العروووسين ايكون بعيد عن الطاولات او في مساحة تمشين فيها

الله يبارك لج خيتي

نصيحه أبتعدي عن مصلى العيد مافيها ديزاين كأيبه

صالة الغدير الهدى في حدود ميزانيتج