بناااات ساعدووني الله يرحم واالديكم :'( مادري وش اسوي
مطبخنا اوردي موجود في الشقه وقبل كنت افكر ان مساحه الفرن 90 سم الحين طلع انه متررر وااااحد :-o8o|صدمة كبيرة بصراحه رحت افتريت على كل الافررراااان مافي اكبر شي 90 مافي الا في شركتنا وواحد كبير أحسه مايسوى اخذه سعره ب 500 دينار وبحصله اني ب 385 دينار وبعد سعره فووق
وهذي صورة مطبخي
عاد لان احنا تخصصنا مطابخ اني قلت المشكلة حق المنيجر مالي وقال بساعدني .. قال ليي اكيد اكيد مايسوى تشترين الفرن وعندش حلين
اول شي ان الجزء الا قدام الكبتات نقدمهم 10 سم بس هذا اول شي يبغي لينا نتاكد شلون ملصووق الجرانيت على الجدار لان اذا ملصوق بجلوو اكيد بيتكسر وبخرب لينا المكان وهذا الا اتوقعه يعني شقق اسكان !! مايهتمون في هالسوالف
والحل الثاني ان نسوي زوائد 5 سم في كل طرف بحيث نقلل من مساحه المكان من 100 الى 90 سم يعني نفس الترقيع :| فوق جرانيت وتحت بنشوف ويش نحط شي يناسب
واليوم قال ليي حل ثالث .. ان الفتحه نستبدلها بكبت قياسه متر واحد وفوق نخلي الجووله بس على الجرانيت .. قال لي مايحتاج تحطين فرن الحين المكيرويفات كلها تقوم مكان الفرن وتسوي ليش كل شي تبغينه والسعر بيطلع ارخص بوواجد وبهالحل حليتين المشكلة بعد واوردي اني اشتريت ميكروويف كبيرر وعندي فرن يشتغل على كهربا حاليا عندي اياه في غرفتي بس هو نفس حجم الميكروويف
طبعا اني عجبني هالاقتررراح واجد خصوصا اني اعرف روحي احب اشتري اغراض مطبخ واجد :lol: واحس ان متر واحد استفيد منها للتخزين احسن من ان يكون فرن .. واوردي اني مو طباخه الا كل يوم بسوي طبخه وبحتاج الفرن اهم شي عندي الجووله الا فووق
بس زووجيي معااارض :'( يقول ليي انتين تتكلمين عن الحين انتين مشغوله لو صادتش عزيمة ويش بتسووين بتحتاجين شي اكبر من الميكروويف والفرن الا عندش والحين انتين تشتغلين بعدين اذا تقاعدتين وقعدتين في البيت بكون عندش وقت اكثرر وبتقدرين تسوين كل شيي :( وانييي ماادررري احس مخييي تخررربط ومشتت حدييي :hysterical:
