استفسارات بنات مملكة البحرين بخصوص الديكور :) >>الجزء الثاني <<

شمسة الشموسة ... في وين مفصلة الكراسي ؟ اي محل في السوق الشعبي ؟

هلا خواتي
امس انا اخذت جولة على المفروشات الي على شارع السهلة والي عجبني كراسي في البيت الخليجي سعرهم على 450 بخفضهم لنا الى 410
وغرفة النوم بفصلها ان شاء الله في الحرم وقال لنا سعرها 450
وغيرنا صبغ الصالة الى بيج والنقشة بالبني
وباقي الالكترونيات من ثلاجة واغراض المطبخ وبقية الاكسسورات حق الصالة وغرفة النوم
ووووبس
ادعولي بنات الله يسهل علي امري

ونسيت اقول ان الستائر باخذهم من المنتجات الصينية او محل في السوق الشعبي نسيت اسمه بس شغله حلو
وان شاء الله اذا جهزت الشقة كامل بصورها لكم وبراويكم اياها

حلوووو القاشي زهور البحرين
بس وايد يتجمع فيه الوسخ ... مثل قاشي بيت ابوي

قلب انثى;13587505:
حلوووو القاشي زهور البحرين
بس وايد يتجمع فيه الوسخ ... مثل قاشي بيت ابوي

من ناحية الحلاوة فهو حلو
والقاشي الي في بيت ابوي انا بعد الي اخترته بس امي تقول انه وايد يدعس وسخ بين الديزاين الي فيه
بس احس شي طبيعي ان القاشي يتوسخ بسرعة اسرع من الي داخل لانه بكون برى البيت

اليوم طفت على مفروشات عالي صوب ورق الجدران مكتوب عرض خاص

بس مادخلت المحل

ورحت شفت المطبخ بس ماصورته لأن زين مني ركبت الدرج تعبانه حدي متكسرة من الجامعة ، يعني المطبخ من ذوق خطيبي هو زين ، بس ماتوقعته اللون اللي داخل بني !!! مو بني غامق بني فاتح ماارتحت بس قلت ليه حلو قال لي ماعجبش له ؟! قلت ليه امبله زين

بس يالله اهمشي مطبخ ، ناس ماعندهم مطبخ واني اتحجج ههههه
لين رحت هالسبوع بصوره قولوا ليي رايكم

رحت الموسوي اللي في سوق واقف جدام كلاريج مال الاحذية ، رحت اخذت ليتات حق الصالة ، ناعمين بدينارين الواحد ماعندي صورهم
وعجبني ليت حق الطوفه يناسب حجرتنه النوم كلش لكن ماخذه من انصار جاليري ، عجبني وصار خاطري فيه عدل ب 5 دينار فن

بسألكم بنات : جم نخلي ميزانية حق : الفرن صغير ، ثلاجة زين حجمها متوسطة ، غسالة ، إيسي 3 طن ، كوشات 6 أشخاص ، غرفة النوم ( السرير )

صحي نسيت اقول ، ركبوا المطبخ كامل ، والدرايش وافتكينه ، الحين لازم نشتري ورق جدران ، والأثاث

&#4326;ام عبود&#4326;;13589818:

منامية

عليكم بالعافيه
الله يعافيج

بخصوص الفرن
شوفي النوعية
تبين فرن يتم لش او بسرعه يخترب
احسن شي بوش وولبر ماادري شنو احنا بناخذ ولبر من محمد فخرو وطبعا زوجي يعرف واحد هناك فبسوي دسكاونت عليه

والثلاجه بعد روحي شوفي النوعية إلا تبينها والحجم الانسب للمطبخ

الغسالة على حسب كم كيلو تبين في 4 كيلو وفي 12 كيلو
<<= اقصد اي قد تتحمل كمية لثياب

المكيفات
هم النوعية إلا تبينها
ولاحظي المكان يحتاج 3 طن او لا
احنا بناخذ 3 سبلت على طن ونص
ومتحيرين بين سمارتك وبيرل
والاثنين اوكي
سألنا عن بيرل
بكلفنا 3 سبلت وواحد عادي برموت 870 دينار
هذا السعر إلا في غاز السلام

بالنسبة للكراسي والسرير فماادري

لان كل شي مرهون على الديزاين والخشب والقماش إلا تبينه

أي صح ، امم بالنسبة للمكيف مناخذ 3 طن لأن الصالة مافيها مكيف ، بكون المكيف في حجرة النوم والمجلس ، بس اللي في حجرة النوم 3 طن بنفتح الباب على الصالة عشان تبرد الصالة لأن صالتنه مو كبيرة بس فيها طول
وبالنسبة للفرن قلت باخذ صغير أبو 4 دوائر مادري ويش اسمهم جولة كأن ههههههه ، الغسالة مادري آخذ جم ماعرف ليهم ، وبالنسبة للثلاجة للحين بعد وماعرف لهالسوالف

بالنسبة للكراسي والسرير خطيبي يبي يروح السعودية بس أني أقول آخذ من البحرين أحسن بس خطيبي يقول نروح نشوف واذا عجبنه السعر ، وهل زينين او لا مناخذ ، وبقنعه أنسوي السرير في اهني لأن بس نبي سرير وطاولتين

زهوور البحرين;13584155:

أهلين بناات مشكوورين كل اللي ردوا علي ..

بس كنسلت قلت اول شي بسوي غرفة النوم و بعدين الصالة ..

لأني ماخذة راحتي ما ابي اعرس من وقت شوي شوي اكمل في الشقة ..

بس برد ارجع لكم عشان استفسر <<< ما تخلص هالبنت من الاستفسارات

المهم ...

حبيت اوريكم صور القاشي تبع الحوش مال بيت ابووي

قولو لي رايكم فييييييه أنا مختارته :rolleyes:

اهو لونه مب واضح عدل لونه بني غامج

عليه تخفيض خذيناااااه من درويش في سند طلع علينا في حدود 500 كأن اقل او اكثر بشوي

على فكرة القاشي اللي خذيناه حق بيت ابوي كله من اهناك وايد حلو و مضبوط زين :thumbs_up:

بس مال الحمامات من دلمون و بعد وايد زينيين لان انا بعد شقتي حماماتي من دلمون:biggrin:

اللي يعجبها تقيمني بليييييييز :o

هـذيـان;13573827:




قلت للحجي عن المحل الي قلتينه صوب قصر المرجان بس المشكلة مو عارفه اسمه
ماتعرفين اسمه؟ ^o)

Dreamer Lady;13593085:

هذيان انصحش بهذا المحل اسعاره معقولة و معاملتهم اوكي :thumbs_up:

واهم شي الديزاينات حليوه
اعتقد اسمه Elans روحوا شارع جدعلي و اسألوا عن صالة قصر المرجان و المحل يصير قدامها بالضبط مافي غيره حق الوول بيبر موفقين..

زهور البحرين حلو القاشي بالعافية

ايه .. اسمه ( أيلنس ) ..

ومعاملته صدق عجبتني .. من شفت راعي المحل بحراني إرتحت ليه لانه صادق وصريح + وااجد يراعي في السعر

موفقة

قلب انثى;13589385:
من ناحية الحلاوة فهو حلو
والقاشي الي في بيت ابوي انا بعد الي اخترته بس امي تقول انه وايد يدعس وسخ بين الديزاين الي فيه
بس احس شي طبيعي ان القاشي يتوسخ بسرعة اسرع من الي داخل لانه بكون برى البيت

&#4326;ام عبود&#4326;;13589818:

زهور البحرين حلو بس بتهلك امج في الغسال

وطبعا حتى لو كان ساده بعد بتهلك في الغسال
لانه بره البيت وغبره والداخل والطالع لازم بيتلعوز

Um A7mdy87;13590004:

هو الاشكال الي عندهم واااااااااااااااااايد حلوين وراقييين بس مثل ماقالو لج الاخوات


حق التنظيف مب شي ...

انا خذت من عندهم حق الحووووش شي ناعم وبسيط وحلو ...
وبعد خذيت من عندهم حق الحمامات الله يعزكم
هاي كله من فرع عراد
ان شاء الله اذا رحت البيت باصور لكم ..:thumbs_up:
يعطيج العافيه

-----------------------------------------------------------

بنات بغيت اسئكم من يعرف غاز السلام فوين صاير ؟؟

وشنو تنصحوووني اخذ من عندهم الاشياء االكهربائيه ؟؟

Dreamer Lady;13593085:

زهور البحرين حلو القاشي بالعافية

بنات بسألكم وين محلات عندهم تخفيض على ورق الجدران ؟

وأعطوني بعد أسماء المحلات لورق الجدران ؟

أعرف : إيميليا ، مفروشات عالي ، ستاليون ، وواحد نسيت اسمه يصير في الهملة صوب تكة هاوس وبس

هلا منامية
بالنسبة للفرن احسن نوعية قليم قاز بس ما ادري عن اسعارهم ... اني اوردي محصلة الفرن هدية من عند حماتي
الغسالة اني شريت ال جي 12 كيلو وفيه اكبر 15 كيلو واستخدمها خطيبي من زمان ويقول انها اوكيه وامي وحماتي شاريين ليهم ويقولون انها زينة
بالنسبة للثلاجة اني قلت باخذ توشيبا او شارب تقريبا اسعارهم على 200
اما المكيفات ما ادري لانه شقتي مركبين فيها من زمان ... بس احنا ماخذين بيرل وكانوا ارخص من الحين ايام الي اخذهم
ورق الجدران ... ان شاء الله البنات يساعدونش لاني باعتمد على الصباغة احسن

Dreamer Lady;13593085:

هذيان انصحش بهذا المحل اسعاره معقولة و معاملتهم اوكي :thumbs_up:

واهم شي الديزاينات حليوه
اعتقد اسمه Elans روحوا شارع جدعلي و اسألوا عن صالة قصر المرجان و المحل يصير قدامها بالضبط مافي غيره حق الوول بيبر موفقين..

ادلي صالة قصر المرجان \ ان شاء الله يوم السبت رايحين المحل وبقول لكم رايي فيه :)
مشكورين ،، F:

AL'MaNaMeA;13593778:
بنات بسألكم وين محلات عندهم تخفيض على ورق الجدران ؟

وأعطوني بعد أسماء المحلات لورق الجدران ؟

أعرف : إيميليا ، مفروشات عالي ، ستاليون ، وواحد نسيت اسمه يصير في الهملة صوب تكة هاوس وبس

هـذيـان;13566651:
اليوم كانت طلعتي ادور محلات ارضيات خشب + ورق جدران

اول محل دخلناه ( ايميليا لورق الجدران )
عندهم تخفيض لبعض الديزاينات مسوينهم بـ دينارين ونص ( لهذا الاسبوع بس )
وفيه بـ 4 دينار وفيه الاغلى والاغلى ،، وقالو عقب اسبوعين بتوصل ديزاينات جديدة
عجبني ديزاين وعليه تخفيض لكن الموظف يقول مخلص ==> :confused:
وقعدنا نطالع الأرضيات الخشب والموظف الي هناك قال لنا روحو فرعنا الثاني ( cazaro للستائر والارضيات ) عندهم ارضيات خشب بالوان مختفلة ..
المتر الواحد بـ 4 دينار ونص مع التركيب ،، الكيسينق ( الحواف الي ع الجدار ) بـ دينار ونص للمتر
عندهم شي مشابه للأرضيات الخشب لكن السمك اضعف بـ 6 دينار مع التركيب ومايحتاج له كيسينق \ ومحل الصنع كوريا
وكان عندهم ستائر رومانية كشخة:adore: واسعارهم رخيصة

هذي الستاير الرومانية \




سألنا الموظف الي هناك شنو الفرق بين الارضية الخشب وهذا الديزاين الجديد ؟
قال الارضية الخشب مع تراكم الماي تتأثر .. وتنظيفها لازم يكون بفوطة رطبة والضمان 5 سنين
لكن الديزاين الثاني حتى لو كبينا عليه ماي ما يتأثر والضمان 5 سنين


==

بعدها رحنا ( Stallion ) ==> هذا موقعهم http://go.3roos.com/g2klywnrk2u
المحل في توبلي شارع الخدمات كان عندهم تخفيضات على بعض الديزاينات

==

واخر مكان رحناه ( الكوهجي ) عندهم تخفيضات غرف نوم + جلسات
الي يبون جلسات او غرف نوم مودرن يروحون
اخذنا فره ع الورق جدران والديزاينات الي نبيها خلصت :hysterical:==> حظ يفتت الصخر :(
وقالت لنا الموظفة شهر 12 بتنزل ديزاينات جديدة :03:
وكان عندهم ورق جدران بـ 3 وبـ 4 وبـ 6 دينار
وعقبها قعدنا نطالع الارضيات الخشب وكانت اسعارهم مثل اسعار cazaro بـ 5 ونص و 6 دينار و و و ==> يختلف على حسب الجودة ومكان الصنع ..
وعندهم الديزاين الي قلت لكم يشابه الارضية الخشب بس السمك اقل بـ 6 دينار لكن الكيسينق بـ دينار ونص ( في cazaro الكيسينق بـ دينار ونص )


==

في المحلات الثلاثة الي رحتهم حبيت هالنوعية من ورق الجدران



في التركيب كشششخة :adore:

قلب انثى;13593901:
هلا منامية
بالنسبة للفرن احسن نوعية قليم قاز بس ما ادري عن اسعارهم ... اني اوردي محصلة الفرن هدية من عند حماتي
الغسالة اني شريت ال جي 12 كيلو وفيه اكبر 15 كيلو واستخدمها خطيبي من زمان ويقول انها اوكيه وامي وحماتي شاريين ليهم ويقولون انها زينة
بالنسبة للثلاجة اني قلت باخذ توشيبا او شارب تقريبا اسعارهم على 200
اما المكيفات ما ادري لانه شقتي مركبين فيها من زمان ... بس احنا ماخذين بيرل وكانوا ارخص من الحين ايام الي اخذهم
ورق الجدران ... ان شاء الله البنات يساعدونش لاني باعتمد على الصباغة احسن

اممم مشكوورة
بالنسبة للورق الجدران احنه بس طوفة من الحجرة والمجلس بتكون ورق جدران ، اي احسن الصباغه بس بعد حلو المزج
مشكووووورة

محتاجة تشيكلات جبس مودرن كشخة ضروووووري ،، ==> للصالة