مرحبا ياحلوين
الحمدلله ومن بعد طول انتظار اخيراً قدرت اقنع خطيبي ان يغير تصميم المطبخ اللي قبل لأن ابد ماعجبني بس هو اصر عليه :(
وعلى اعتبار ان المطبخ مملكة المراة وهي اللي تقضي فيه وقتها اكثر من الرجال فلازم يكون على ذوقها صح ;)
والحمدلله سويت التصميم اللي في بالي طبعا هالتصميم شايفته في النت وداخل مزاجي بقوة:thumbs_up:
وكان خاطري اسويه ابيض واسود بس خطيبي مارضى بحجة ان بعدين راح يصير عندنا اطفال
و راح يتوصخ وجذي فسويته احمر واسود
انا سويته في محل اسرار عالم المطابخ شفت عندهم مطبخ مودرن عند الواجهة وتشجعت وسويته بس خايفة و قاعدة احاتي و اوسوس اخاف مايضبطونه لي مثل الصورة خصوصاً وانه مطبخ عروس والكل يبي يشوفه عند الزواج :) واخاف بنفس الوقت ان شغلهم يطلع مو مظبوط ويطيح علي :(
وخذوا مني 1300 دينار مو جنه وايد ؟ :!!: مطبخي متوسط مو كبير يعني ؟
عاد انا ماعرف احد قد تعامل معاهم فمن جذي مو ضامنتهم اخاف تسرعت :'(
ياعرايس في احد منكم تعامل معاهم ولا سمع عن شغلهم مظبوط ولا لأ ؟
وابي اسوي حركة الدوائر اللي بهالصورة بالمطبخ
سألته قال لي مو اهمه اللي يسوونها :(
تعرفون محل يسويها لي ؟
وابي استشيركم اصبغ حوائط المطبخ ولا احط بورسلين افضل ؟
و وين افضل مكان اشتري منه بورسلين حق ارضية المطبخ وتكون تناسب مطبخ مودرن ؟
و هل اسوي جبس مثل الصورة الاولى ولا احط سقف المنيوم ؟
اممممممم وهم بعد ودي اسألكم عن محلات الإضاءة المودرن العصرية وعندهم مثل تشكيله الإضاءة اللي بالصورة الاولى اللي نازلة على تحت ؟
وبغيت اسألكم عن اماكن يبيعون فيها اقزوز فن اللي تتركب بالسقف ؟
وتنصحوني اركب مكيف سبلت ولا مكيف اللي يكون بالسقف ؟ ووين احصل مثل هالمكيفات وجم اسعارهم ؟
حبايب قلبي ادري وايد طولت عليكم وادري انكم ماراح تقصرون وياي فديتكم :o
