*بيبي فيس*;12746060:
هلا وغلا دنيا القوي
فديتهم اللي ماينسون إي صح أمس كان موعدي
جفت البيبي يتحرك وجفت أطرافه وعيونه وخشمه فديت خشمه :adore:
بس للأسف كما توقعت جنسه بس مثل ماقلت لكم أحس إنها بنية
وقفت عني الدوفستون وكتبت لي 10 إبر زيتية تقول مفعولها أقوى
قلت لها مكتوب في الوصفة مالت الدوفستون إن نستخدمه 20 إسبوع
قالت لي لا خلاص وقفيه مايحتاي دام تاخذين الإبر
ضربتني إبرتين وماحسيت بالألم إلا بعدين وايد تعور والمشكلة كل سبت لازم آخذ إبرتين شلون باتحمل مادري :|
وطلبت مني أسوي تحليل المسحة ومزرعة البول كل إسبوعين بس مب كأن وايد؟!
قلت لها إني مب قادرة أتقبل الحليب ولا مشتقاته وكتبت لي كالسيوم
يعني الحين عندي كالسيوم وفيتامين وجوسبرين والإبر الزيتية
وقالت لي مايحتاي حديد مافهمت ليش يمكن الفيتامينات فيها حديد أو الحين ماحتاج؟!
ووزني بلا فحر بدل مايزيد نقص كلللللللللللللللللوووووووووووووووووش
وأغرب شي إنها قالت لي عنق الرحم طوله معقول :woo:
وأنا مابغيت أفشلها وأذكرها باللي عفستني فيه آخر مرة
وفي شي أخير باعلنه لين توفقت فيه إن شاء الله
ايه عادي انا اللحين دشيت الخامس ووووللحين ينقص وزني
ان شاء الله عاد لين رحت موعدي مابيه يزيد يكون ثابت ماتغير
والله يوفقج دنيا واخره