ساعدوني احس روحي بستجن

الله يعينج يارب

شي صعب جدا الوحدة تنسااه واقل موقف بترد تتذكر

ولا تعليق اكثر!!!

شكرا اختي على الرد
وصدقتي على اقل شي اذكر
والله احس اني بستجن
ساعات افكر اقول ليش يعني هالشي صار؟؟؟
اني مو مقصره في شي معاه ,,
لكن اذا انعاد هالشي مابسامحه وبخليه يصيح دم

يابعد عمري .. ماعندي شي اقوله غير انســــــــــــي و لا تمسكين على شي وتقعدين على طووول تتذكرين و لا ترى عمرج مابترتاحين .. تناسي و بجوفين روحج مع الايام نسيتي .. ترى الله انعم علينا بنعمة النسيات يابنت ديرتي .. و لا تقعدين تذكرينه كل دقيقه باللي سواه ! و تخلينه يكره عيشته و يكره القعدة وياج لأنج تذكرينه بهلغلطة .. موفقة ان شاء الله

cool 3roos;12644178:
يابعد عمري .. ماعندي شي اقوله غير انســــــــــــي و لا تمسكين على شي وتقعدين على طووول تتذكرين و لا ترى عمرج مابترتاحين .. تناسي و بجوفين روحج مع الايام نسيتي .. ترى الله انعم علينا بنعمة النسيات يابنت ديرتي .. موفقة ان شاء الله

مشكوورة حبيبتي
والله احاول اتذكر الاشياء الحلوه اليي صارت بيني وبينه عشان انسى واضحك
يالله الحمدالله على كل شي

الله يهديه ان شاء الله

البسكوتة;12644438:

حسبي الله ونعم الوكيل ورب الكعبة عورتي قلبي مادري ليش هالرجال يسوون جذي وكأن مخهم مغيب مايدرون ان الخيانة صعبة على المرأة صعب ترجع الثقة صعب والله تصير جرح في القلب ولا يندمل أبد تبريراتهم سخيفة تافهة جبانة آنا من راي اعتبريها نزوة وعديها بعد شتسوين ؟؟ بس مو بالساهل خليه هو بعد يندم مليون مرة لأن فكر بالخيانة قولي له آنا بعديها لك بس لا تفتكر اني غبية وصدقتك وما أقدر ارجع طبيعية بسرعة اصبر علي.. اللي سويته يهدم بيوت مو سهل قولي له انت كسرت شي داخل قلبي لا تظن انه بنسى بسهولة انا انسانة كلي أحاسيس ماني حجر حط نفسك مكاني لو خنتك وش بتسوي بتسامحني ؟؟ والله يكون في عونك والله يسخره لك

وهذا اليي سويته خيوو
والله خليته يندم مليون مره
راح الشغل داك اليوم قمت وطرشت له مسج لو ماجفت المسجات بتظل تكلمها واني مادري ؟؟
اتصل لي يقولي والله العظيم انا متضايق حدي ولا عارف اشتغل
قلت له مو سهله اني انسى بكل سهوله
وقام ورجع البيت وهو كلش تعبان
بيني وبينكم اني استانست لانه حس بالذنب وانه ظلمني بالي سوااه

بس مادري شسوي هو بعد جم يوم بيرجع من السفر وخاطري اتعدل له نفس قبل ومادري شسوي

اليوم ماتصلت فيه ولا كلمته من الصبح للحين ,, قام وقال لأخوه يتصل لزوجته عشان تتصل لي واتصل له ..
ولما اتصلت فيه شوي ويبجي مثل اليهال , يقولي وحشتيني شفيييج مااتصلتي من الصبح للحين ,, ماقدر مااسمع صوتج
بصرااااحة اهني استانست,,

خبريه يغير رقمه .. وعقب ماا يغير رقمه بين الفترة والثانية راقبي تلفونه بدون مايدري


والله يهديه

حبيبتي مدام انه برر لج وباس راسج معناتها انه شاريج ويحبج ومايبي يخسرج وجايز اهو يعرفها من فتره والحين رجعت له ومتوهق يبتعد عنها بس حطي في بالج حبيبتي لو يبيها جان تزوجها ما تزوجج انتي والصبيان معرضين حق سوالف اللعبه والبنات والله يهديه ان شاء الله وصج موقفج صعب وبالمقارنه لعمرج الصغير تصرفج كان سليم وواعي فما عليج الا انج تفتحين صفحه يديده وتسامحينه وحاولي انج تنسين وتقولين له هالمره سامحتك مره ثانيه ما اقعد وياك ولا دقيقه علشان يخلي هالشيي في باله وما يعيده

اذكري الله يالغلا...وان شاء الله ما يصير الا كل خير...تعوذي من ابليس وربي يحفظلك زوجك ويبعد عنه بنااات الحرام...امييين..

هذيــان;12645217:
خبريه يغير رقمه .. وعقب ماا يغير رقمه بين الفترة والثانية راقبي تلفونه بدون مايدري


والله يهديه

فكرت في هالشيي خيووو
لكن مادري والله

nice2eyes;12645222:
حبيبتي مدام انه برر لج وباس راسج معناتها انه شاريج ويحبج ومايبي يخسرج وجايز اهو يعرفها من فتره والحين رجعت له ومتوهق يبتعد عنها بس حطي في بالج حبيبتي لو يبيها جان تزوجها ما تزوجج انتي والصبيان معرضين حق سوالف اللعبه والبنات والله يهديه ان شاء الله وصج موقفج صعب وبالمقارنه لعمرج الصغير تصرفج كان سليم وواعي فما عليج الا انج تفتحين صفحه يديده وتسامحينه وحاولي انج تنسين وتقولين له هالمره سامحتك مره ثانيه ما اقعد وياك ولا دقيقه علشان يخلي هالشيي في باله وما يعيده

والله شقولج اختي
حتى صديقتي الا اهي صديقتي تقولي قبل لا اتزوجه لو تتركينه عادي آخذه :woo:
يعني الكل حاط العيون عليه وهالشي وااااايد يضايقنييي
وهو مو احلى مني وبشهادة الكل اني احلى منه

اهو قالي انا اخاف اخسرج ولا بعديهاا ووعدني وحلف على القران
واهو من كثر ندمه قام يدلعني اكثر من قبل لانه يدري ان اهو مسوي شي غلط
واهو مافارقني الا لما قلت له سامحتك
وانشاءالله بحاول افتح معاه صفحة جديده
لكن ياويله اذا هالشي تكرر

! أم حسووون !;12645917:

الله يساعدش حبيبتي وصدقتين بنات الحرام واجد ما يحلى بعيونهم الا المتزوج الله ياخذهم

نصيحتي خيوو عقب اللي صار لش المراقبه ثم المراقبه من دون ما هو يحس علشان ما يقول انتين مو واثقه فيه واذا صدتين عليه شي مرة ثانية واجهيه بقوة وتمنياتي انه ما يتكرر لش هالموقف ..

والله يهدي لش زوجش ياررب

وهذا اليي قاعده اسويه
اتحجج اني بتصل في امي او اختي
واجوف تلفونه
ويااريت مايتكرر هالشي والله يهدييه ويهدي باقي الرجااال

حبيبتي, ليش مكبرة القصة لهذه الدرجة؟ و هو زوجك بس مو ملكك, لو غلط مرة ثانية لا قدر الله خلاص يروح لحاله بدون انتقام و هالكلام. و بعدين من جد شكلك عصبية و ما تنسين بسهولة. و اقول لك بعد عيب المنتدى اننا ما نشوف كل الصورة, بس نشوف نص الصورة من طرف البنت, فاحكامنا ما بتكون دقيقة ابدا. المراد هو زوجك و انت ادرى فيه. حطي في بالك ان المشكلة كل ما تطول, حلها يصعب و تنخلق مشاكل جديدة. الله يعينك و يعطيك الحكمة و العقل الراجح

لا حول ولا قوة إلا بالله العلي العظيم

انتي ريحي بالج وهدي اعصابج .. وطالما هو مسافر هاليومين حاولي ترتاحين وتنسين شوي

انتي عاتبتيه وحلفتيه .. وإن شاء الله بيكـوون صادق

بس انتي عطي نفسج فرصه عشان تصدقينـه ,, وعطيه فرصه يتقرب منج أكثـر وأكثر ..

اشغلي وقته فيج ..

والله يسخره لج يارب ويبعد عنكم العين

:f:

والله رفعتووو معنوياااتي عدل بصرااحه لاني كنت وااايد محبطه وتعباااانه حيل
مشكورين وجزاكم الله الف خير وانشاءالله في ميزان حسناتكم

اختي انتي صغيره وحلوة وماتقصرين عليه فاستغلي هالشي لصالحج وحاولي تجذبينه لج اكثر وتتقربين منه عشان يصير مايستغني عنج ولايفكر يعيد اللي سواه وهذي غلطه وان شاء الله ماراح تتكرر بس لاتحسسينه انج ماسكه شي عليه تصرفي عادي وخلج طبيعيه وقوليله انج واثقه منه ومصدقته وانج متأكده من حبه لج عشان يستحي يعيدها مره ثانيه وحتى لو في قلبج شي بزول مع الايام والله يهدي سركم ويخليكم لبعض ويبعد عنكم الشر