اخوات زوجي طردوني من بيتهم!!! اطلع ولا استحمل؟؟

سأليتهم اذا سامعين شي عنك او كلام يخصهم ...يمكن احد نقال لهم كلام على لسانك سواء حقيقه او تأليف

مافي حل غير انك تطلعي من البيت لأن هالأشكال ما يملي عينهم غير التراب

وانتي مو مجبورة تستحملي

صحيح ان المفروض الوحدة تتحمل كل شي علشان زوجها خصوصا اذا زوجها متفهم وطيب

بس هالمعاملة ابد ما ينسكت عنه

والله اني أفضل أعيش بأصغر وأقذر شقة بالبلد ولا اعيش بهالمذلة!!

دامك تشتغلي و زوجك عنده راتبه ف أكيد قادرين تاخذوا شقة لكم

افتحي الموضوع لزوجك وشوفي وش بيقول واذا رفض اتدلعي وقولي ترضى علي هالعيشة؟

حبيبتي اهم شي في الدنيا الكرامه ومدامهم مو مسوين لج اهميه فالاحسن انج ما تفتكرين فيهم اهم شي ريلج ورضاه فالاحسن باسرع وقت انج تسكنين بعيد عنهم ولا تحتكين فيهم بالمره وهذي النوع من البشر البعد عنهم غنيمه والله يصبرج على هالناس

ليه زوجك ميجبلكيش شقه بره وتعيشوا لووحدكم . ووقتها البعيد هيبقي حبيب .وانتي هترتاحي اكتر

الله يكون بعونك...وضعك صعب كثير..يمكن ماشي حل غير انكم تطلعوا لبيت بروحكم...وربي يفرج همك ...

سكن خاص وبعيد عن اهل زوج بريحش وبريح زوجش

الله يسهل الامور

الله يعينك ويصبرك

الله يعينك

حبيبتي انتي ما مجبوره تتحمليهم والعيشه معهم ما تنطاق

اطلبي نقل من دوامك لمنطقه الي يشتغل فيها زوجك واستقرو هناك او اذا ممكن زوجك ينتقل عندك وتاخذولكم شقه وتسكنو برا

لا ترضين تجلسين كذا البنات اكيد مشوشين على ابوهم وامهم ضدك
كرامتك الزم ما عندك لا تتنازلين وترضي تنهاني من قبلهم اكيد هم يغارو والغيره مسببه حقد لهم

الله يعينك حبيبتي بس ف الفتره الحاليه اطلعي اجازه واطلعي من البيت روحي عند زوجك ولا اهلك وحاولي تسوين ف موضوع نقلتكم للشقه والله ييسر امورك

الله يهديهم وليش متظايقين وشايلين بقلبهم ؟؟؟ يله الله يهديهم وان شاء الله يتزوجون وتفتكين من حنتهم ويهدي ام ريلك وابوه ان شاء الله

انتي موظفه و زوجك موظف اشتري راحتك وسكني بشقه بالاجار بدل الذل والمهانه انتي بنت ناس مب مجبوره تتحملي هالشي كله

واصلا الجوا هناك واايد سلبي فالطبيعي انك تتأخري بالحمل

انتقلي ويا ريلج والا خليه هو ينتقل وخبري امك عن معاملتهم الشينه علشان اذا يوم من الايام كبر الموضوع امج تكون عندها خلفيه عن سوالفهم الشينه وما تنظلمي بالموضوع

صعبة تطلعين بشقة بروحك
واهلك مثل ماقلتي بمنطقة بعيدة
وزوجك .. يشتغل بمنطقة بعيدة ومايجي الا يومين بالاسبوع

الافضل تطلبي نقل مع زوجك وتسكنوا مع بعض ونزلاته تصير بين كل شهر يزور اهله وتزوري اهلك
واذا مافي مجال للنقل تروحي عند اهلك
واذا مافي مجال .. تظلي بالبيت بس لاتختلطي فيهم الا بالمناسبات وبحضور زوجك

والهي انتي باين عليكي كويسة جدا حاولي تهديهم هداية وان شاء تصلح الامور معاكي

استعيني بربك الواحد الاحد وقولي حسبي الله ونعم الوكيل نعم المولى ونعم النصير وافوض امري الى الله ان الله بصير بالعباد......... وابعدي عن الاهانه وحاولو تاجرون شقه صغيره ولو باخذ قرض وتسديده على اقساط

اهم شي كرامتك
اطلعي انتي وزوجكك بسكن خاص
وش اللي حادك تسمعين كلام مثل السم
اطلعي احس ولاتقطعينهم لو تزورينهم بالشهر مره
الزم ماعلى الواحد راحة باله

الافضل تسكني بروحج

وحاولي تستفسري من امه وابوه عن سبب تغير معاملتهم معاج

يووو
يا دافع البله و البلوى
صدق حقد و كره و أنانيه
ما عليه خيتو صيري أحسن منهم بس سلام و شخبار
اذا استمروا بهذا الحال خلي علاقتش ويآهم سطحيه
و الله يرزقش بالذريه الصالحه عاجلآ غير آجل يارب
و تقرين عينش بشوفة الذريه يارب.....
والله يصلح الأحوال
..تحيآتي..

للعلم زواجي تم بعد معارضات قوية من قبل اهل الزوج لانهم ما يتزوجوا الا من العيلة
ليش رضيتيها على نفسك
الله يعينك

انا قرأت ردود البنات كلهـآ .. وفعلا انا مع اللي قالولك

1 - حاولي تاخذي اجازة قصيرة من الدوام .. رجعي بيت اهلك فكري بالموضوع انتي وزوجك .. وانا اشوف انك تخبري امك .. لأن ماحد مثل الأم متفهم والأمهات مو من النوع اللي يحبوا يسوون مشاكل .. ممكن تعطيك حل او في نفس الوقت ممكن تساعدك ..

2 - تحاولي تطلبي نقل وتتوظفي في نفس منطقة زوجكـ .. أو اذا ما يصير طلبي نقل لمنطقة اهلكـ .. عالأقل تقعدي مع اهلك طول الأسبوع اكرملك واريحلك .. وشوفة الاهل بروحها تريح القلب ونفسيتك بتتحسن كثيير ..

3 - لا تقطعي والدين زوجك ابدا .. حاولي تفهمي شو السبب في تغيرهم عليكـ ..! .. تقربي منهم سواء بهدية أو بكلمة طيبة .. إتصلي فيهم وفهميمهم وافهمي منهم شو صاير والخ ..

4 - لا تنسي ربك .. تقربي اليه عن طريق الاستغفار والدعاء .. الاستغفار هو دواء كل هم وغم ..

5 - اذا ما لقيتي طريقة انك تطلعين من بيت اهل زوجك ابدا .. اقعدي بس حاولي في هالفترة تتجنبي شوفة البنات .. كلما تشوفيهم ادخلي غرفتك اشغلي عمرك بأي شي الصلاة , الدعاء , التنظيف اي شي .. واستغلي الاوقات اللي يكونون البنات مو موجودات وتقربي من ام وابو زوجك وكلميهم بلطف وطيبة وحنية .. وإن شاء الله تحن قلووبهم والله يهدييييهم ..


ربي يووووفقك حبيبتي .. ويفرج همك وكربك ويرزقك بالذرية الصالحة ..

طمنينـا ..~

الله يكون بعونك
طلعو ببيت بروحكم اذا زوجك موافق