صاحبة الظل الخفي;12662831:
بنات طلب
ابي كل وحده تقولي شنو تغدي ولدها او بنتها وهل تنوعون ولا كله نفس الوجبه يعني انه اسوي ليويو خضروات مشكله مثل بطاطس وجزر وكوسا وقرنبيط وبوبر(يقطين) مع ارز او معكرونه وساعات دجاج او لحم او بدون
صحوبه شخبارج يا قمورة حتى انا اهلي مساافرين بس انا متعوده على بعدهم خخخ لان اهم بالظهران وانا بالجبيل ساعتين بالطريج فا يمر اسبوعين ثلاثة ما شوفهم ..
حبيبتي انا اول ماتصحى ميوسه من النوم اعطيها حليب تشرب
عقب اسوي لها سيريلاك تمر او سيريلاك فواكه او قمح لازم سيريلاك على الفطور يعني تكون الساعه 10
الساعة 12 اعطيها زبادي فراولة او دانيت شوكولاته او فانيلا
لان اليهال بالعمر يجووعووون لانهم يحبون ويمشون فا يفقدون سوائل
ودايم كاس الماي حقها اعبيه واعطيها كل ربعه ساعه تمصمص منه
والغدى اعطيها من غداي ارفع لها مثلا اذا مسويه جريش ارفع لها بدون فلفل اسود وبهارات بس ملح وكمون وازيد عليه لبن عشان ماتغص
اذا غداي كبسه دجاج انتف الدجاج واخلطه مع الرز والبطاط واحط فوقه ملعقة روب
والعشاء اسوي لها احيانا مهروس موز وتفاحه
او مشمش وسميد
احيانا اسوي لها بطاطس مقلي حجم كبير عشان ماتغص تحب تمصمص فيه تاكل حبه والباقي تلعوص الدنيا فيه
وقبل النوم رضعه
