رابطه امهات واطفال مصر بعمر السنتين ... لشهر شعبان
رعشة قلب
14-07-2010
913 رد
40,655 مشاهدة
toty858;12732148:
الحمد لله
بس انا مش كويسة خالص
انا بتطلق
من غير اى سبب
ومن غير اى حاجة
جوزى اتصل بيا امبارح
قالى لو مطلعتيش عند اهلى
مش هينفع
وهنطلق
واجى الاجازة ملاقكيش
وطبعا مشيت وسبت البيت
اطلعلهم ازاى بس وهما مكلمونيش من 8 شهور وبيشوفونى في الشارع يدورو وشهم
توتي يا حبيبتي اتاكدي طالما مش غلطانة ومظلومة ربنا مش بيسيب حق حد وهو اكيد ربنا هيعاقبه لانه ظلمك هو واهله
معلش يا توتي بجد انا هعيط عشانك والله حاجة صعبة فعلا
بس اهم حاجة بنتك خلي بالك منها وربنا يخليها لك يارب ويبارك لك فيها
لا حول ولا قوة الا بالله
معلش يا توتى هدى نفسك ده اكيد شيطان ما صدق فرصه ان زوجك مسافر ودخل يخرب ما بينكم
معلش يا بنتى ادعى ربنا كتير واطلبي منه يهديلك جوزك ويصرف عنكم الشيطان
بس هما اهله زعلانين منك ليه؟
والله يا ايمان من غير اى مقدمات
وكنا عادى جدا قبلها بكام يوم
توتي بس نصيحة
بلاش تكلمي حد من اهله اذا كان هم السبب اصلا في كل المشاكل اللي بينكو
حتى لو هتقولي اخوه مالوش دعوة بكل ده
بس الله اعلم برضو اكيد ده واحد هيقف في صف امه واخواته ومش هيقف في صفك انتي
معلش ربنا يعوض عليكي يارب يا توتي
اهلة مش زعلانين
هما مش عاوزين يعرفونا
هما من ساعة مااتجوزت لا بيعبرونى لا انا ولا اهلى
وكنت بطنش واقول علشان خاطر جوزى وبعد كدة بنتى
وقعدت اول 6 شههور من عمر مايا بروحلهم يوميا
وبعدين حسيت انى معنديش كرامة قولت مروحش اشوفهم هيتصلوا ولا اية
ولغاية انهاردة محدش قالى انتى فين وبيشوفونا في الشارع يدورو وشهم
توتي هو زوجك نازل امتى ؟
يمكن لما ينزل ربنا يهديه وحتى لو تاخدو لكو سكن بعيد عن اهله عشان تتجنبو كل المشاكل دي
انا صعبان عليا سنتين جواز معشتش فيهم الا شهرين بس
والباقي كان مسافر ودايما نكد وخناقات بسببهم
وصبرت واستحملت علشان بنتى وبردو فى الاخر اترمى ولا الكلبة
واضح ان اخوه ده انتى بتثقى فيه
معلش يا توتى بس هما الرجاله طريقه تفكيرهم غيرنا يعنى هما مبيهتموش اوى بالاجتماعيات
هما اهم حاجه عندهم الفعل وانهم يحلو المشكله
عالعموم انا رايي ترجعى بيتك لانك لما تسيبي البيت هتخلى الموضوع يكبر اكتر واكتر
وهيدخل الموضوع في عند ونشفان دماغ
انتى يا بنتى ارجعى بيتك واقعدى فيه
يعنى ده بيتك وحقك حتى لو واحده مطلقه بيبقا البيت حقها طالما حاضنة
نازل شهر 8 بس مش عارفة اليوم
ووالله مش حوار سكن
مهو احنا اصلا معشناش في الشقة بتاعتنا
هما تاثريهم من على بعد
دة هما مفهمينة ان اهلك اولى بفلوسك ورعايتك وحبك وكل حاجة ومراتك دى بعديهم كلهم
دة كلامة هو بنفسة اللة قالهولى
اصبري عليه اما يرجع بجد هتلاقي الوضع ان شاء اتغير
لان اللى بعيد بيبقا واخد صوره من طرف واحد ومش شايف كل الاطراف
مهو انا لو فضلت اعدة في البيت هيتصل ويطردنى تانى
لانة قالى اجى مالقكيش فية
واخوة دة الوحيد اللى بيسئل على مايا
وكنت كل مااقولة حاجة يقولى هما فوق مش في دماغهم انتى وبنتك ف انتى متشغليش بالك بيهم
انتى ساكنة في بيت عيله مش كده؟
بصي يا توتى انتى لما يقلك اهلى اولى بفلوسي قوليله ايوة صح وطاوعيه مش بتكذبي او تصدقي عليه غلط بس قوليله فعلا بنتك دى اهلك وانا اهلك
المشكله ان اغلب الرجاله عايزين اللى يطاوعهم وميظهرش انه معترض على كلامهم
وكمان اما يبقى في تدخل من الاهل بيصعب الامور
عارفه لو فعلا بينكم اتفاق ان اى امر بينك وبينه محدش فيكم يتكلم فيه مع اهله
يعنى لا هوا يجيب سيرتك مع اهله ولا انتى تجيبي سيرته مع اهلك
فعلا من اكتر الحاجات اللى بتريح
توتي انا مش عارفة اقول لك ايه
بس انتي فعلا اصبري لما ينزل وان شاء الله الوضع يختلف بس هو لازم يكون ليه موقف مع اهله
واكيد لازم انتو الاتنين تضحو عشان خاطر مايا
انا وقتها يا شهيدة قولتلة فعلا اهلك اولى
بس لو اتحطت مقارنة بين الزوجة ولام هتختار مين
قالى الام
قلتلة حتى لو الزوجة كويسة ومظلومة قالى ساعتها الوضع يختلف وقفلنا الكلام
و المشكلة ان انا وهو مفيش بينا مشاكل كشخصين
كل المشاكل من ناحيتهم
يعنى هو حاطتهم بينا دايما لغاية ماهيخلوة يهد بيتة ويبهدل بينتة
الى يخوف اية بئة
انة مرة في مشكلة اخوة هددنى وقالى لو اتطلقتو هناخد منك البنت
قلتلة لية مفيش قانون قالى ومين قالك ان هناخدها بالقانون
على فكرة كمان الراجل عاوز انك تريحيه او تاخديه على اد عقله
زي ما شهيدة قالت لك لما يقول لك حاجة قولي له ايوة كلامك صح وكده يعني
بصي هوا واضح انه مشحون جامد
فخليكى انتى الملجا الحنين اللى يلجاله
هاولى تهديه وتكلميه بهدوء
عارفه اما يكون مشحون وتتنرفزى عليه
لازم هيصدق اللى بيشحنه عليكى
انما اما ييجي يكلمك ويلاقيكى هادية وتتكلمى بهدوء او حتى تسكتى خالص وتقوليله معلش
ويبدا يحس انك هادية وانك حنينه عليه
هتلاقيه مرة في مرة هيغير الصورة اللى عنده ويبدا يحس بغلطه
هوا بس الموضوع محتاج
صبرررررررررررررررررررر وهدوء
والله يا ايمان انا اللى مصبرنى مايا
مش عاوزاها بجد تتبهدل
وحكاية موقف مع اهلة مستحيييييييييييييييل
ضعيف جدا قدامهم
لما قلتلة شافونى ومعبرونيش
يقولى اعملهم اية
قلتلة طيب اعمل نفسك زعلان علشان يخافو على زعلك وكدة
جيت بعد كدة بسئلة اية الاخبار كلمتهم قالى اة عادى
فهما ليهم حق يعملو كدة واكتر
بيقولو طالما ابننا في حضننا خلاص ميمهناش ونعمل ما بدالنا
انا بصراحة مش بعرف اتكلم ولا اهدي حد في موضوع المشاكل الزوجية ده
لاني اصلا على طول مشحونة من الجنس الاخر ومابصدق حد يفتحني ههههههههههههههههههههههه
ربنا يارب يا توتي يقدر لك كل خير ليكي ولبنتك
ومافيش اي قانون بيقول انه ينفع ياخد بنتك منك في السن ده ماتقلقيش وان شاء الله مايحصلش طلاق ولا حاجة وترجعو لبعض وربنا يهدي امه يارب
مافيش حاجة بعيدة على ربنا والله
بس انتي اصبري وصلي وادعي ربنا وياريت لو تصومي كمان بجد الحاجات دي بتفرق جامد اوي
يارب يا ايمان
ادعولي بس
مش عاوزة بهدلة واالله
لا ان شاء الله ربنا مايجبش بهدلة يا توتي ولا حاجة
ربنا معاكي يارب