تجمع بنات مصر لشهر شعبان 1431 للاستفسارت عن الميك اب

ممكن يا انوش تقوليلي الايشادو اللي اسمه كويني ده جبتيه من نوجا والا منين وبكام
لو بيطلع النتيجه ديه يبقا ده تحفففففففففففففففففففففففه
وقوليليايه اخبار شادو جولدن روز لو كنتي جربتيه

جزاكي الله خيرا يا انوشة يا عسل
طب معلش ممكن صورة للعلبة وسعرها كام

shadow of love;12759523:
ممكن يا انوش تقوليلي الايشادو اللي اسمه كويني ده جبتيه من نوجا والا منين وبكام
لو بيطلع النتيجه ديه يبقا ده تحفففففففففففففففففففففففه
وقوليليايه اخبار شادو جولدن روز لو كنتي جربتيه

لا ياقمر كويني دا بستخدمه من حوالي سنة واكتر من قبل ما نوجا تبدأ تشتغل فالمكياج
وبيطلع نتيجة زي دي بالظبط والله
ايشادوهات جولدن روز احلى مافيها المووس رووعة عندهم لون جنزاري مايل للبترولي يخبلللل
وفي ايشادو اللي هو اللوس الجليتر دا عايز بيت بسسسس لانه صعب يستخدم برا حتى لو مناسبه لكن بيعمل شغل رهييييييب لمعته كريستالي وقوية جدااااا اقوى لمعة شوفتها في ايشادو وبيمسك فالعين مش بيقع ولا بيبئي خشن وصعب انك تحطيه لالا خالص هو ناعم موت ولمعته قوية اوي واحلى لون عجبني الدهبي بتاعة يجنن

بشرى 1981;12760162:
جزاكي الله خيرا يا انوشة يا عسل
طب معلش ممكن صورة للعلبة وسعرها كام

جزانا واياكم ياقمر واه طبعا هوريكي صور لبعض درجاته انا كنت جيباها كلها من حبي ليه
وسعره من سنة واكتر يعني احتمال يكون زاد العلبة الصغيرة 6 ج والباليت 10 الوان ب 10 ج

هنا درجات العلبة الازرق على ايدي ومعلش اللون بهتان شوية بسبب الفلاش بتاع الموبايل لكن هو على العين بيبئي قوي وواضح جدا عن كده وملمسه زي القطيفة نااااعم ومش بيروح الا لو غسلتيه



هنا شكل العلبة



هنا شكل الدرجات الازرق والوان تانية مش كلها بس دي بعض منها







ودي شكل الباليت في منها 3 الوان ودي واحده منهم



وبس ^.^

ربنا يسعدك دنيا واخره يا انوش
ويحقق لك كل الي نفسك فيه
انتي بجد انسانة زي العسل
تعبتك معايا
انا حقيقي مش عارفة اقولك ايه ما شاء الله عليكي
وفعلا الاي شادو تحفة بجد ولا سعره
وذوقك في الالوان جميل بجد انا بحب تدرجات الازرق والزيتي جدا
بس يا رب الاقيه هنا
معلش سؤال كمان الروج يا نوجا
مش لاقيه ايفر بيوتي فيه ايه انواع حلوة وتبقى شيك وفخمة زي الاي شادو ده
وهل 3xl هو نفسه ايفر بيوتي لني لقيت مع اختي جلوس مكتوب عليه الاتنين فهل هي نفس الشركة

طيب معلش يا انوش سؤال كمان

هو انا لو جبت الفلويد هبقي محتاجه احط فوقه كومبكت بودر

و ايه رائيك في الكومبكت بودر بتاعته جولدن روز

بشرى 1981;12766580:
ربنا يسعدك دنيا واخره يا انوش
ويحقق لك كل الي نفسك فيه
انتي بجد انسانة زي العسل
تعبتك معايا
انا حقيقي مش عارفة اقولك ايه ما شاء الله عليكي
وفعلا الاي شادو تحفة بجد ولا سعره
وذوقك في الالوان جميل بجد انا بحب تدرجات الازرق والزيتي جدا
بس يا رب الاقيه هنا
معلش سؤال كمان الروج يا نوجا
مش لاقيه ايفر بيوتي فيه ايه انواع حلوة وتبقى شيك وفخمة زي الاي شادو ده
وهل 3xl هو نفسه ايفر بيوتي لني لقيت مع اختي جلوس مكتوب عليه الاتنين فهل هي نفس الشركة

ياقمر تسلميلي عالدعوت الحلوة دي ربنا يجزيكي كل خير
اه في روج حلو بردو زي Max Flower و L'oreal حلو بردو
ولا حبيبتي 3XL غير ايفر بيوتي
بس احتمال يكونو نفس الشركة يعني الشركة واحده ومنزله كذا لاين لان فالاخر كله صيني F:

nemonamanemo;12767146:
طيب معلش يا انوش سؤال كمان

هو انا لو جبت الفلويد هبقي محتاجه احط فوقه كومبكت بودر

و ايه رائيك في الكومبكت بودر بتاعته جولدن روز

الفلويد رائع وتغطيته جميلة لو بشرتك جافة او عاديه انما الدهنية نوووووو
البودر حسب نوع بشرتك
لو بشرتك جافة يبقى مش هتحطيها انما لو بشرتك عادية ممكن تستخدميها عشان تثبت معاكي اكتر وتمنع العرق F:

ازيكم يابنات
بقولكم ايه عاوزه اسالكم علي حاجه لاني اصلا ميح في الميكب ولازم غصب عني هجيب عشان الجواز وكده ومحتاجه بجد مساعدتكم لاني مش فاهمه حاجه خالص
بقولكم انا عجباني اوي علبه الشادوهات بتاع برتي وومن يارب يكون اسمها كده فعلا اللي هي فيها شادوهات كتيره وفيها بلاشرات دي ايه رائيكم اجبها حد منكم جربها واجيب جمبها واحده صغيره اللي هو شادو كريمي برده بس بجليتر ولاايه والبلاشرات اللي فيها حلوه ولامش اد كده
وكمان الباليتات الجديده اللي نازله في اوريفلام دي عجباني اوي اجبها عادي للبيت ولا هي بتروح بسرعه ولا مش حلوه انا عاجبانيي الوان الاتنين ايه رائيكم اجبهم الاتنين بدال الجلوسات واجيب معاهم اتنين روج وخلاص وعاوزه اعرف لون الروج اللي زي الشفايف بالظبط اسمه ايه اللي هي بتبان اكنها طبيعيه دي بجد مش تنسوني وردوا عليا عشان انا فرحي قرب ولازم انزل اشتري بقا ومعلشي عشان طولت عليكم

شكرا يا انوش انا بشرتي مركبه علي جاف ان شاء الله اجيبه و اشوف محتاجه البودر ولا لأ

princess lolo
انا عندي علبة بريتي ومن بس صغيرة مش عاجباني خالص الشادو بيتفتت ومش حلو
شوفي كويني الي انوش حاطة صورتها بس بلاش بريتي ومن لأنها رديئة دا رأيي مش عارفة بقى استني اراء البنات

انوش هو تقليد ماك في اسكندرية بس ولا فيه منه في القاهرة وده تقليد كويس
لن فيه حاجت بتتقلد حلو وفيه حاجات ملهاش اي علاقة بالاسم الي عليها
يعني انا بيعجبني تقليد لانكوم بس ماكس فاكتور لا وحش جدا
وانتي قلتي على تقليد بورجوا حتى انا حجرب منه حاجات ان شاء الله
فايه رأيك في ماك

اهم حاجه وانتى بتشترى الشادو تشوفى ملمسه لازم يكون ناعم وطرى كدا وبيطلع اللون فى الايد

princess lolo;12769531:
ازيكم يابنات
بقولكم ايه عاوزه اسالكم علي حاجه لاني اصلا ميح في الميكب ولازم غصب عني هجيب عشان الجواز وكده ومحتاجه بجد مساعدتكم لاني مش فاهمه حاجه خالص
بقولكم انا عجباني اوي علبه الشادوهات بتاع برتي وومن يارب يكون اسمها كده فعلا اللي هي فيها شادوهات كتيره وفيها بلاشرات دي ايه رائيكم اجبها حد منكم جربها واجيب جمبها واحده صغيره اللي هو شادو كريمي برده بس بجليتر ولاايه والبلاشرات اللي فيها حلوه ولامش اد كده
وكمان الباليتات الجديده اللي نازله في اوريفلام دي عجباني اوي اجبها عادي للبيت ولا هي بتروح بسرعه ولا مش حلوه انا عاجبانيي الوان الاتنين ايه رائيكم اجبهم الاتنين بدال الجلوسات واجيب معاهم اتنين روج وخلاص وعاوزه اعرف لون الروج اللي زي الشفايف بالظبط اسمه ايه اللي هي بتبان اكنها طبيعيه دي بجد مش تنسوني وردوا عليا عشان انا فرحي قرب ولازم انزل اشتري بقا ومعلشي عشان طولت عليكم

بريتي وومن انا جربت منها العلبة اللي فيها البلاشر
البلاشر حلو والوانه كويسة انما جودة الايشادو في الاحسن منها
يعني هي متقدريش تصنفيها بودره ولا كريمي لا منها دا ولا منها دا حتى في بعض الوان لقيتها خفيفة ومش بتطلع
من رايي بلاش ايشادوهات غالية انزلي السوق هتلاقي انواع كتييييييرة وجربي على ايدك الخامة اللي تلاقيه طري وبيتفرد بسهولة ولونه زاهي وواضح يبقى حلو وتوكلي على الله وهاتيه
بالنسبة لباليتات الروج بتاعة اوريفليم لو تقصدي بتاعة فيجنز انا جبتها وحلوة كملمعات لكن هي مش روج جامد يعني تديكي لون ناتشورال اكنك حاطة جلوس
وبالنسبة للون الروج بيرجع للون شفايفك لو هي على بينك يبقى اسمه بينك ولو على بيج او اورانج يبقى اسمه Nude نود (:

nemonamanemo;12770560:
شكرا يا انوش انا بشرتي مركبه علي جاف ان شاء الله اجيبه و اشوف محتاجه البودر ولا لأ

العفو ياجميل وباذن الله هيناسبك الفلويد جدا

بشرى 1981;12771362:
princess lolo
انا عندي علبة بريتي ومن بس صغيرة مش عاجباني خالص الشادو بيتفتت ومش حلو
شوفي كويني الي انوش حاطة صورتها بس بلاش بريتي ومن لأنها رديئة دا رأيي مش عارفة بقى استني اراء البنات

انوش هو تقليد ماك في اسكندرية بس ولا فيه منه في القاهرة وده تقليد كويس
لن فيه حاجت بتتقلد حلو وفيه حاجات ملهاش اي علاقة بالاسم الي عليها
يعني انا بيعجبني تقليد لانكوم بس ماكس فاكتور لا وحش جدا
وانتي قلتي على تقليد بورجوا حتى انا حجرب منه حاجات ان شاء الله
فايه رأيك في ماك

انا بحب تقليد برجوا في البلاشر والماسكرا متفرقيهمش عن الاصلي خاااااالص لا في شكل العبوه ولا في اي حاجة
ماكس فاكتور مش بيعجبني نهااااااااائي جبت الميركل تاتش وساح وجبت البان ستيك ومعفن وكل الفاونديشن بتاعهم خفيف ولا له لازمه حتى الاوريجنال منه جربت اللونج لاستينج ولونه خفيف جدا ملهوش اي تغطيه
ماك موجود فالقاهرة طبعا في البودره واقلام الكحل وكذا حاجة بس للامانه مجربتهاش خالص
لانكوم التقليد حلو فيها الايشادو طبق الاصل الاوريجينال حتى العلبة قطيفة وشيك جدا ماشاءالله يعني وكمان البلاشر بتاعها نفس الاوريجينال لو تجبيها مش هتفرقيهم عن بعض حتى بلد الصنع واحدة
اللي حرمت اجيب منه اي تقليد مهما كان هو كريم الاساس مستحيل اشتري تقليد تاني لان اخدت مقالب كتييييير من مايبلين السائل جبته ب 34 ج و ايف سان لوران جبته ب 37 وماكس فاكتور مش فاكرة كام بس كان رخيص بحاجة و20 او اقل وبرجوا كان ب 23 ج ولا واحد عجبني منه كريمات الاساس كلهم بيتكتلو وبيدو شكل وحش موت تحسي وشك مجير وبهتان ومليان تكتلات وقشور
جربت جيورداني بتاع اوريفليم حلو كا خامة لا يعلى عليه بس شفاف ملهوش تغطيه
وبعدين ربنا عطرني في جولدن روز هنا في اسكندرية وجبت الفلويد بجد وهمي خامة ناعمة جدا تغطيه مناسبه بيدي شكل للوش تحفة ماشاءالله ولما دخل الصيف جبت الموس فاونديشن ونفس الكلام تحفة ومش بيخليني اعرق
فا من بعد ما جربت الحجات دي مستحيل اجرب التقليد تاني معنديش اي مجال ان اجازف بفلوسي F:

عاوزة نوع ايلينر حلو وبيتشال بسهوله بس مش لدرجه انه يروح لو الجو حر لوحده
وسعره

انا جبت مايبلين الاصلي يا انوش بس حاساه خفيف خالص
مش عارفة انا بحب اللوك الاوفر اصلا في البيت طبعا لأني الحمد لله منتقبة ومش بخرج بيه الا لو فيه مناسبة مع ستات
فمش عارفة يعني تغطيته هادية قوي اكنك مش حاطة حاجة انا تخيلته احسن من كده
بعت اجيب ديرماكول علشان اجربه وححط منه نقطة كده مع المايبلين واشوف
وكويس انك قلتي لي على ماسكرا برجوا حبقى اجيبها ان شاء الله
ولانكوم انا جربت منه الروج وعجبني جدا جدا وحبقى اجيب البلاشر ان شاء الله
لوريال برضه جبت منها روج وجلوس حلو قوي بس ليه ريحة كده زي ريحة البلاستك مش مريحة
اديني بجرب
وبالننسبة لكريمات الاساس معلش بقى محدش بيتعلم ببلاش زي ما بيقولوا وكويس انك لقيتي الي ارتحتي عليه

بشرى 1981;12771362:
princess lolo
انا عندي علبة بريتي ومن بس صغيرة مش عاجباني خالص الشادو بيتفتت ومش حلو
شوفي كويني الي انوش حاطة صورتها بس بلاش بريتي ومن لأنها رديئة دا رأيي مش عارفة بقى استني اراء البنات

انوش هو تقليد ماك في اسكندرية بس ولا فيه منه في القاهرة وده تقليد كويس
لن فيه حاجت بتتقلد حلو وفيه حاجات ملهاش اي علاقة بالاسم الي عليها
يعني انا بيعجبني تقليد لانكوم بس ماكس فاكتور لا وحش جدا
وانتي قلتي على تقليد بورجوا حتى انا حجرب منه حاجات ان شاء الله
فايه رأيك في ماك

انا معاكي في راي الايشادو كوني احسن من بريتي ميه مره الاتنين عندي

طب انوش يعنى الاقى كوينى ده فى اى محل بتاع ميكب ولا لا ؟
وجولدن روز الفاونديشن بتاعه زى الميبيلين ولالا ؟؟
والكومباكت باودر بتاعته برده حلوه ولا لا
انا كان عندى الباودر بتاعت تقريبا xxxl بس من 2008 :) كانت حلوه فمش عارفه اجيب حاجه تبقى زيها ملمسها حلو وشكلها على وشى حلو

وسؤال بقى فنى
هوا المفروض قلم الكحل يتغير كل قد ايه؟؟؟ ومش لاقيه عليه تاريخ صلاحيه اغيره كل 6 شهور ولا سنه ولا لما يخلص ولا ايه

mashimaro16;12774156:
طب انوش يعنى الاقى كوينى ده فى اى محل بتاع ميكب ولا لا ؟
وجولدن روز الفاونديشن بتاعه زى الميبيلين ولالا ؟؟
والكومباكت باودر بتاعته برده حلوه ولا لا
انا كان عندى الباودر بتاعت تقريبا xxxl بس من 2008 :) كانت حلوه فمش عارفه اجيب حاجه تبقى زيها ملمسها حلو وشكلها على وشى حلو

وسؤال بقى فنى
هوا المفروض قلم الكحل يتغير كل قد ايه؟؟؟ ومش لاقيه عليه تاريخ صلاحيه اغيره كل 6 شهور ولا سنه ولا لما يخلص ولا ايه

اه ان شاءالله هتلاقيكي كويني فالمحلات
وبالنسبة للموس فاونديشن انا جربت المايبلين وجربت الجولدن روز والاتنين واحد

انما الفلويد السائل مش جربت غير جولدن روز بس فا مش عارفة اخبار المايبلين الاوريجينال ايه
انما المضروب زفت زفت زفت رميته بعد استخدام مرتين

البودرة الكومباكت جولدن روز جربتها على ايدي لكن مش استخدمتها هي ناعمة بس الله اعلم كويسة عالوش ولالا

بس عايزة اقولك حاجة واضح انك بتقارني بين جولدن روز و xxl مايبلين المضروب ومفيش اي وجه مقارنة بينهم

انا كلامي اللي فوق عن الموس فاونديشن هو بين جولدن روز وبين مايبلين الاوريجينال الامريكي الاصلي مش ابو 20 ج

وبالنسبة لقلم الكحل عن نفسي بستخدمه ومش برميه يعني في اقلام عندي بئالها 3 سنين ومش رميتها

بنات انا عايزة منكم خدمة عايزة حد يشرحلى بالتفصيل الممل ازاى احط كريم اساس و كومباكت باودر و ايه الحاجات اللى اراعيها و انا بحطهم لانى اول مرة استخمهم و كنت بستخدم البودر المائى قبل كده

bright bride;12783168:
بنات انا عايزة منكم خدمة عايزة حد يشرحلى بالتفصيل الممل ازاى احط كريم اساس و كومباكت باودر و ايه الحاجات اللى اراعيها و انا بحطهم لانى اول مرة استخمهم و كنت بستخدم البودر المائى قبل كده

بتحطي كريم الاساس وتوزعيه كويس على الوش وبعده لو بتحطي كونسيلر حطي تحت العين ووزعيه بالراحه وبعد كده حطي البودره المضغوطه عشان تثبت الميكب وبس كده

حبيبة قلب الغالي;12786011:
بتحطي كريم الاساس وتوزعيه كويس على الوش وبعده لو بتحطي كونسيلر حطي تحت العين ووزعيه بالراحه وبعد كده حطي البودره المضغوطه عشان تثبت الميكب وبس كده

ميرسى يا قمر بس انا كان قصدى بالتفصيل الممل اوى يعنى احط كريم الاساس و اوزعه على وشى بايه و ازاى و البودرة احطها و اوزعها برضه ازاى بالطبطبة و لا مسح كده على وشى ولا ايه؟:)

بصى يا جميله احسن توزيع بيكون بالاسفنجه

زدى دى كدا



بتحطى عليها كريم الاساس او نقط على وشك فى كل حته يعنى نقطه على كل خد واورتك وكدا ودقنك والانف
وتفرديها براحه ومتروحيش وتيجى فى المكان يعنى مثلا خدك تفردى من اليمين للشمال او العكس
لكن مش رايح جاى عشان متكلكعش

وفى بيوزعوها بفرشه زى دى بس الاسهلك الاسفنجه





ولما تخلصى تحطى البودر بالضغط يعنى مش تمسح وشك بيها لا تضغطى البودر فى كل مكان