«ღ» التجمع السادس لحوامل سبتمبر 2010م «ღ»

هايدي فتاة الألب;12772512:
حلو مادامها تشبك بسرعه انا زوجي جابها لي من شركة موبايلي ماتشبك بكل مكان لأن ابراجهم قليله
واشحنها ب100 ريال ماتقعد غير شهر حتى لو مااستخدمتها فقلت حرام خلها للحاجه والضروره

وحتى انا اذا بديت اخرف بقولك تصبحين على خير هههههه

انا قلت لج ماخذتها من زين واشتراكها الشهري 13.5 رخيصه وتشبك عاي باي مكان

اتذكر حتى بالشالية ( بالنويصيب ) كنت اشبك عادي مع اني خط تلفوني يتحول سعودي

ياحليلها مراهقه خخخخخ...عبالي كبيره
وليه الطوارئ مايدخلونك ؟؟؟؟اثاري التعقيد بكل مكان موبس عندنا
اذكر اختي لما كانت حامل كانت تعبانه وراحت مع أمي الطوارئ لأنه زوجها مو بنفس الديره وغربلوهم لما دخلوها يبون دفتر العائله
عشان يثبتون انها متزوجه وهي ماراح تولد بس فيها سخونه ..

ايه حنا عندن زين ويمدحونهم لكن زوجي مادري ليش ماأخذ منهم ..عاد اما مومحتاجه الوصله لأن عندي دي سي ال عالي السرعه
الا قوليلي شلون 13,5..وعملتكم كم تعادل بالريال السعودي..

هايدي فتاة الألب;12772568:
ياحليلها مراهقه خخخخخ...عبالي كبيره
وليه الطوارئ مايدخلونك ؟؟؟؟اثاري التعقيد بكل مكان موبس عندنا
اذكر اختي لما كانت حامل كانت تعبانه وراحت مع أمي الطوارئ لأنه زوجها مو بنفس الديره وغربلوهم لما دخلوها يبون دفتر العائله
عشان يثبتون انها متزوجه وهي ماراح تولد بس فيها سخونه ..

لا يبا مو الكبيرة الكبيرة عندها سيارتها

بس بعد حامل مسكينه وهاليومين ولادتها ما تقدر تطلع من البيت

عشان جذي مستلميني انا :-#

وحبيبتي مستشفياتنا مو تعقيد الا هذا تخلف والا وحدة تعبانه وجايتكم اخر اللي بتكون جايه عيارة

خو بس تدخل ويعاينها الطبيب بعدها مسكوها وسووا تحقيقكم معاها على راحتكم

بس قلت لج تخلــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــف بعيد عنج

اي والله قمةالتخلف
لكن ربك يعين

سيده اذا مافيه احرج ..كم عنك من أخت ؟؟؟


انا مالي غير اخت وحده وبمنطقه ثانيه واحس روحي وحيده بالدنيا:035:

وييييييييين باقي البنات (عروووس وانس الوجود وفراشه ولوليتا ورجائي ,,وكلي امل ,,,,,,,) دخلو خلونا ندردش وساعدوني باسم بنوته

هايدي فتاة الألب;12772600:
ايه حنا عندن زين ويمدحونهم لكن زوجي مادري ليش ماأخذ منهم ..عاد اما مومحتاجه الوصله لأن عندي دي سي ال عالي السرعه
الا قوليلي شلون 13,5..وعملتكم كم تعادل بالريال السعودي..

الدينار الكويتي = 13 ريال سعودي

يعني ال13.5 كويتي = 175 ريال تقريبا

وااااااو فرق بالعمله واجد

لكن حلو سعر الاشتراك احسه مناسب وااااااااجد

هايدي فتاة الألب;12772659:
سيده اذا مافيه احرج ..كم عنك من أخت ؟؟؟


انا مالي غير اخت وحده وبمنطقه ثانيه واحس روحي وحيده بالدنيا:035:

لا احراج ولا شيء ياقلبي

انا خواتي 2 الكبيرة بيني وبينها 8 سنوات والصغيرة بيني وبينها 11 سنه

والاولاد 5 ما شاء الله

اثنين اكبر مني وثلاثة اصغر مني

يعني انا ترتيبي الرابعة بالعايلة

بعد شنو ما قلت تبين الاسماء وتاريخ الميلاد هم حاضره

غالية والطلب رخيص

:)

افا عليج كلنا هني خوات شلون تقولين وحيده

زعلتيني منج

:mad:

ياحليلكم الله يحفظكم ويخليكم لبعض كان نفسي يصير لي اخوان كثاااار كان صرنا عزوه لكن الله كريم
وماشاء الله عددكم مثل اخوان زوجي لكن العكس زوجي 5بنات و3 عيال ...لكن الفرق بينك وبين خوتك كبير
يعني الكبيره كبيره عليك واااجد والصغيره كذلك..

وفعلآ انتو خواتي والله وارتاح لما ادخل هالتجمع واااجد ..

هايدي فتاة الألب;12772683:
وييييييييين باقي البنات (عروووس وانس الوجود وفراشه ولوليتا ورجائي ,,وكلي امل ,,,,,,,) دخلو خلونا ندردش وساعدوني باسم بنوته

البنات اليوم مخلين التجمع لنا انا وياج

وتبين اسم للبنوته من 3 احرف

وهج - شذى - ندى - شهد -ملك -مرح

وفي اسم كان وايد عاجبني بس زوجي ما وافق عليه

غزل اسم حلو ونادر احد مسمي فيه

هايدي فتاة الألب;12772819:
ياحليلكم الله يحفظكم ويخليكم لبعض كان نفسي يصير لي اخوان كثاااار كان صرنا عزوه لكن الله كريم
وماشاء الله عددكم مثل اخوان زوجي لكن العكس زوجي 5بنات و3 عيال ...لكن الفرق بينك وبين خوتك كبير
يعني الكبيره كبيره عليك واااجد والصغيره كذلك..

وفعلآ انتو خواتي والله وارتاح لما ادخل هالتجمع واااجد ..

تسلمين يا قلبي

وان شلء الله يكون زوجج خير عزوة لج فالدنيا

..

صح الفرق بيني وبين خواتي كبير

بس اختي الكبيرة من تزوجت حسيت انها صارت قريبه من عمري

والصغيره قريبه بعد مني باللقافة والشطانه ويمكن لاني لحد الحين اذا كنت عند اهلي احسب نفسي من ضمن الصغار واقعد اتدلع عليهم

عشا جذي اهي دايم تعجبها حركاتي ودايم تكون مخططاتنا الشريره مع بعض :rolleyes:

ملك اسم حلو ماكد سمعته بقترحه على زوجي بكرا
ولا باقي الاسامي دارجه عندنا واااجد وكثير الي مسمينها

والاسم الي انتي مختارته عاجبني حيييييل لكن ولد خال زوجي اسم زوجته دانيه واسمه بيكون قريب من دانه ..

هايدي شكل انكساري داخله بس متخفيه

شيطانه ما تبينا نصيدها

سيدة المدينة;12772862:
تسلمين يا قلبي

وان شلء الله يكون زوجج خير عزوة لج فالدنيا

..آآآمين يارب ...مشكورة على الدعوه الحلوه

صح الفرق بيني وبين خواتي كبير

بس اختي الكبيرة من تزوجت حسيت انها صارت قريبه من عمري

والصغيره قريبه بعد مني باللقافة والشطانه ويمكن لاني لحد الحين اذا كنت عند اهلي احسب نفسي من ضمن الصغار واقعد اتدلع عليهم

عشا جذي اهي دايم تعجبها حركاتي ودايم تكون مخططاتنا الشريره مع بعض :rolleyes:

صحيح هو الفرق يكون لما كنتو صغار بس لما تكبرون تحسون روحكم متقاربين ..

حلللوه مخططات شريره اثاريك مانتي قليلت شر شيطونه الاخت

ايييييييه هي اكيد خلاص كشفناها >>>>اطلع وبان عليك الأمان خخخخخخخ

هايدي فتاة الألب;12772868:
ملك اسم حلو ماكد سمعته بقترحه على زوجي بكرا
ولا باقي الاسامي دارجه عندنا واااجد وكثير الي مسمينها

والاسم الي انتي مختارته عاجبني حيييييل لكن ولد خال زوجي اسم زوجته دانيه واسمه بيكون قريب من دانه ..

انتي حاولي بعد تدورين واحنا بعد وياج

واسم دانه مع انه يقولون قديم ومستهلك بس حبيته

واقتعت زوجي فيه

قعدت اقوله هو في اغلى من الدانه

غاليه من ربنا وحتى اللي بيحصل عليها بتكون امه داعيتله

شوف وين الدانه بالمحارة والمحارة وين بوسط البحر ومو كل محارة فيها دانه

ومن هالحجي لحد ما اقتنع

بعدين احنا فينا طبع نسمي اسم وما نادي فيه

كله ننادي باسم الدلع

ولدي ناصر >>>> نصور

ودانه ان شاء الله اذا جت >>>>> دنوش

حتى انا وريلي ندلع :o

انا ام الشطانه

قلت لج عندي حركات خطيرة

واحب اسوي مقالب او اضغط اللي جدامي

سيدة المدينة;12772950:
انتي حاولي بعد تدورين واحنا بعد وياج

واسم دانه مع انه يقولون قديم ومستهلك بس حبيته

واقتعت زوجي فيه

قعدت اقوله هو في اغلى من الدانه

غاليه من ربنا وحتى اللي بيحصل عليها بتكون امه داعيتله

شوف وين الدانه بالمحارة والمحارة وين بوسط البحر ومو كل محارة فيها دانه

ومن هالحجي لحد ما اقتنع

بعدين احنا فينا طبع نسمي اسم وما نادي فيه

كله ننادي باسم الدلع

ولدي ناصر >>>> نصور

ودانه ان شاء الله اذا جت >>>>> دنوش

حتى انا وريلي ندلع :o

ماشفتي الأسمي الي انا مختارتهم ؟؟؟محتاره بين ثلاثه رأف / ياسم /رود/لانا

وصدقتي الحين الدلع يطغى على الاسمى لكن الحين انتي خربتي اسم البنت بالدلع حقها دلعيها دنو اخف واسهل



والحين كل هالسالفه الطويله العريضه عشان تقنعين ابو ناصر بالأسم خخخخخ صدق اننا يالحريم نطولها وهي قصيره خخخخخ