لمة الليبيات لشهر شعبان 1431 - 2010 م

يتربو في عزك سنافرك وربي يرزقني حتى اني .... ذوقك قريب مني حتى اني شريت خراص كبار وخاتم وحديده بس مش ناوية نلبس شي في رقبتي خصوصا انو موديله من فوق الحزامات زي المايو ورا الرقبة ..... الحنه شكله مش حيصير منها اهي اهي ... الحنايه نبي نشري منها حنه معجونه متردش من بكري
تاج النساء ليا اني معاك هدرزي

زعمك؟؟قصدك نخش على النقشات المصراتيه؟؟؟؟
اني يلي مخليني متردده انو بنلبس صندلي فضي وسيوره على مشط الرجل رقيقات خايفه لو نحني يطلع المنظر مش حلو ...
شن رايكم

طرابلسية لسرتاوي ... حبوبة انتي مخطوبه صح؟؟

العرس يوم السبت بس وخيتك مكسله تعودت علي عجنتها للحنه رهيييييييييييييييييييييييييييبة
تعرفي يطلع كف وظهر اليد زي بعض .... عندي امل انكلمها بكره لانو من مميزات حنتها انو حني اليوم وبري غدوا بيها تصبغ حنيه تهبل
كان عندي نصيب في الحنه نلقاها غدوه ترد عليا

ماشاءالله اللمة ناشطة المرة هادي ان شاءالله دووووووووووووووم:lol::lol::adore:
الننس معليش طلعت قبل مانقرى ردك واني جاهزة افتحي موضوع انهدرزوو;);)
نانسي كيف حالك حبوبة
طرابلسية ليك وحشة وينك ياعسل
بنااااااااااااااااات كلكم كيف حالكم وربي ايعاون كل وحدة ان شاءالله

حيووووووو ان شاءالله كل سنة وان طيبة والسنة الجاية تحتفلي فيه انت وحبيب القلب وهادي هدية بسيطة مني ;)

كوين لو بتلبسي سندل امتاع الخيووط يفضل انك ماتحنيش
بس انحس لو اتحني ورد وتلبسي شوز بسيط تطلع احلى

هبة شنووو الجووو تعالي خلينا انهدرزوو مع بعض

لولوة سرت
مرحبتين بيك
ردى عليا بليز
وانا النت امتاعى مش امتع هدرزة والله
الصفحة تاخد وقت بيش تفتح
مشااااااااااكل وخلاص

والله ياهبوش على ما اعتقد انو في الشهور الاولى الافضل تبعد عن الصبغه والميش بس في اخر شهور يكون البيبي تكون ... زيدي ابحتي عن الموضوع بالنسبة ليا انا ميشت شعري واني في الشهر الثامن

هبة حبيبتي ننصحك الميش تبتعد عنا قبل كل شيء حرام هيا شعرها ناعم اتخربا بالميش
وبعدين هيا حامل تحاول تبتعد عن المواد الكيميائية ليها تاثير قوووي ادير صبغة حلوة تكفي مافيش داعي اتميش:cool:
هبوش مانحكيلكش الميش شنو دار في شعري:'(:mad: وااااااااااااااو بهدلا واااااااجد اتكسر ومن 3 ايام صبغتا اسود خفيف:)
وحلفت الميش ماعاد انديره لشعري :mad::mad:انغير بالصبغة افضل

كوين ووهبة شنو رايكم اما افضل لون اتحبووو للشعر

السلام عليكم
كيف حال السموحات
طرابلسيه وهبه ولؤلؤه وانتم بخير ومشكورات وكل بنات سوري الصبح قريت صفحتين اولي وتوه صفحتين الاخيرات لي في نص جيت فيهم قصه ههههههه


قدرك كبير في قلبي
مبروكات عليك سموحه انتي احمر علي خشبي وحاجاتك حسيتها كلها ماركه وحده ربي يهنيك بيهم

اني احمر علي ستيل وماعين احمر وابيض وركزت علي الحاجات تكون واضحه
بس داخل دولاب مش مهم احمر او اخضر هههههه
و اليوم خالتي قالت حصلت طنجره شكل طماطمه تهبل اكيد للونه احمر قالت صغيرونه تسدك انتي والسموح شنو نخذها ليك قتلها بالله عليك تبي سؤل يارب تحصلها تمشئ بعد بكره
وبكره ان شاء الله بناخذ العجانه وسخان الميه ممكن ماركه كيتشن
يعني شبه كملت مطبخ





هبه كويس حتي تنقيص احسن من بلاش بااهي رياضه شنو اني مره ندير ومره لا
خبرينا فيه اخبار جديده ع بعته؟؟

ديموا خلاص بدا العد التنازلي قريب نروح فلست بي بابا هكي او هكي بنروح في حالتين ههههههههههههههههه

تهدرزوا علي الحنه تقولي نقشه مصراته هو فيه نقشه مصراته وطرابلس وبنغازي :!!:
عادي غياب ع بلد كم سنه ومعنديش خلطه بي طرابلس واجد

هبوش انا اللون يلي نحبه في الصبغات الكستنائي الفاتح مع خصلات بلاتيني بالسلفر
الحياة حلوة بالنسبة للحنه النقشة المصراتية يمكن بس مش اكيد تشبه نقشات سرت والمناطق الشرقية بس اكيد وهذا متاكده منه انه مش زي الحنة الطرابلسية بالنسبة للنقشة المصراتية تكون على طول الذراع وفوق المرفق والرجلين للركاب.... وتكون نقشة ورد كبير مش الصغير زي النقشات الاماراتية

تعرفو المدة يلي فاتت كانت عندي مناسبة في مسلاته بيان ومشيت مع العروسة للمزين في الخمس في شارع عشرين ... اول حاجه انقهرت تهم كللللللللللللهم جايين زبونات يديرو في ميش هايلايت بالسلفر ب15 و20 دينار :-#وحني في طرابلس نفس الشعر ب 65 و75 كانك زبونة
لقيت عندهم لصقات حنة شي رهيب زي يلي نلقى في صورهم في النت نقشات حنة ليبية ندمت اني مخديتش منهم:'(

بخصوص الحنة كل المناطق سواء سرت او مصراتة او بنغازي تعتبر مثل بعض اللي هيا لصقة ورد صغير او كبير على حسب اللصقة
طرابلس حنتهم صادة زي الخطيفة ومرات ايغيرو فيها تغيير بسيط