15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

مش عارفه

انا هقعد اعمل منيو الاول كدا واشوف ايه النظام

انا ناويه اول يوم نفطر فيه هنا فى البيت اعمل اكل كتير بس انا اخرى 3 اصناف فى الوجبه وبعدين دول عايزين معجنات وحوارات

مش شرط معجنات يا بسبس

بند المقبلات ممكن يكون اي حاجة تانيه مش بس معجنات يعني اي طبق جانبي

المعجنات ممكن سمبوسك او بف باستري سبرينج رولز جلاش مناقيش بالجبنة والزعتر كدة يعني
ولا ايه ؟

بنات انا عايزة طريقة فاهيتا اللحم

كل سنة وانتم طيبين يا سلام عمالقة المطابخ بيتحاورو يا رب كل اللي يكسب تكونوا من هنا يارب

لا يا نانى كاتبينن ان لازم يبقى فى مقبلات ومعجنات

يعنى دى حاجه ودى حاجه

يابنات لو سمحتوا عاوزة طريقه حلوة للاستيك بس بجد متنفضوش عندي عزومه اول يوم وهعمل استيك

ناني فيبس;12834466:
مرسي يا دندونه يا حبيبتي


بصي هي تتبيله اول مرة اجربها

اصل شفتها في حلقة عباسيات لما راح ابو شقرة

بس هو تبلها للبيكاتا


المهم تبلت الريش ببصله وملح وفلفل ومعلقتين صغيرين مسترة و4 معالق صغيرين صويا صوص

وقلبتهم ودعكت التتبيله فيهم كويس وسبتهم ساعه وبعدين شويتها وبجد لريحة كانت فظيعه


بس طبعا اللى كمل الطعم وظبطه اوي ولعت الفحمة التمام وحطيتها على حته فويل وسط الريش وحطيت عليها زيت وقفلت بسرعه بالفويل

ودخلتها الفرن ربع ساعه كمان تكمل سوا وبعدين شيلت الفويل وولعت الشوايه 10 دقايق وبجد تحفة

ناني بقولك ياقمر انا عجبتني تتبيلتك وهعملها في الاستيك ان شاء الله بس انا معنديش شوايه ..فهل ينفع ادخله الفرن على طول وهتستوي وللا احطها فوق البوتجاز ؟؟ ولو في الفرن احطلها ميه او زيت وللا احطها منغير حاجه ومعلش اغطيها وللا لا

بيرق أمل;12884533:

شكرا يا ناني ربنا يحقللك كل ما تتمنيه F:
M!ss Tuky
بوتاجازك زي بوتاجاز تيتا جابته جديد نفس المشكلة تلاقي الجناب اتحمرت بس نص الصينية لسه ماستواش وحصلت معايا بوظتلي كيك قبل كده بس تيتا عملت حركة جميلة قوي
بقت تحط مثلا الصينية اللي هتعمل فيها الكيك في الفرن عادي بس في نص الفرن تمام وتحت على الصاجة اللي فوق الشعلة على طول صينية مليان ربعها مية بس بحيث تمتص المية دي كمية السخونية بتاعة الفرن اللي بتكون عالية قوي وتحرق الحاجة من قبل ما تسويها
جربي كده حطي صينية فيها حوالي كبايتين مية ولا كباية ونص واخبزي الكيك او اي حاجة وشوفي النتيجة ان شاء الله هتبقى تماااام :thumbs_up:

تصدقي ادتيني امل فعلا والله هجربها ف اول حاجه هعملها ان شاء الله

أم يـاسـيـن العسل;12881983:
انا انهارده عملت بيف سترغنوف وعجب جوزى اوى اوى


توكى فرنك زى فرنى

هو كدا تكنوجاز لازم تولعيله الشوايه

انا قربت يجيلي احباااط اصل انا عندي مشكله ان الفرن مش بيفتح اوى لانى كنت مظبطة الحال ع غاز طبيعي وفالاخر الجواز وفعز الزنقة مشيتها انبوبه ف الانبوبه محطوطة ف مكان مبتخليش الفرن يفتح ع اخره 8o|

بنات يا بنات انا بفكر اشترك انا كمان وكده كده فالعزومات بحضر الاكل من بليل ف خطوات التحضير اصورها ويوم العزومة ع التسويه بس

بس فكرة مشجعه :D

انا بتبل اللحمة يا هوبي بمية البصل وملح وفلفل وليمون وطماطم مبشورة واحط شوية سمنة في الصينية واحط اللحمة تستوي وعليها باقي الخلطة واغطيها وكل شوية اقلبها ولو لسة ماستوتش ازودها شوية مية صغيرين لغاية ماتستوي

ودي كمان طريقة ستيك ديانا هنا

http://forums.3roos.com/showthread.php?t=544513

انا كمان عاجبانى فكرة المسابقه اوىىى هامخمخ وافكر وارجعلكم بتقرير وافى ان شاء الله

عاوزين مخمخة جماعى يابنات لو سمحتو

ازيكم يا قمرات

ان شاء الله اول جمعة فى رمضان عازمة جوزو على الفطار و محتارة اعمل اية و لا اية و هو قاعد يقولى متعمليش حاجات كتير

اقتروحوا عليا؟؟

hoobie;12890708:
ناني بقولك ياقمر انا عجبتني تتبيلتك وهعملها في الاستيك ان شاء الله بس انا معنديش شوايه ..فهل ينفع ادخله الفرن على طول وهتستوي وللا احطها فوق البوتجاز ؟؟ ولو في الفرن احطلها ميه او زيت وللا احطها منغير حاجه ومعلش اغطيها وللا لا

هي حلوة اوي اوي فعلا اوك مش مهم شوايه حطي حتة زبدة في طاسه تيفال وشوحي اللحمة كل قطعه تاخد لون من الناحيتين وبعدين رصيهم في صينيه وغطيها بفويل ودخليها تكمل سوا تقريبا نص ساعة وبعد كدة شيلي الفويل وافتحي الشوايه تتحمر شويه وخلاص وهتبقى حلوة اوي ان شاء الله

shimaaafifi;12891020:
انا كمان عاجبانى فكرة المسابقه اوىىى هامخمخ وافكر وارجعلكم بتقرير وافى ان شاء الله

لا تقرير ايه يا شيماء خلي المنيو بتعتك ليكي وابدعي وخلي افكارك ليكي دة مسابقة يا حبيبتي

وغالبا موضعينا كلها اللى هنزلها محجوبه محدش بيقدر يشوفها غير بعد ما كله يسلم ونبدا نشوفها مع انتهاء فترة السماح ونبدا التصويت عليها

ناني وسوسي تسلموا ياقمرات ربنا يكرمكم يارب يارب ..ويللا اشتركوا في المسابقه وانا هاصوتلكم وانتم شطورين وان شاء الله هتشرفونا يارب حد من تجمعنا يكسب ان شاء الله

M!ss Tuky;12890766:
بنات يا بنات انا بفكر اشترك انا كمان وكده كده فالعزومات بحضر الاكل من بليل ف خطوات التحضير اصورها ويوم العزومة ع التسويه بس

بس فكرة مشجعه :D

ههههههههه وهتصورى السفره بقى والضيوف موجوده؟؟

shimaaafifi;12891020:
انا كمان عاجبانى فكرة المسابقه اوىىى هامخمخ وافكر وارجعلكم بتقرير وافى ان شاء الله

مخمخى ياختى وقوليلنا

ناني فيبس;12891312:

لا تقرير ايه يا شيماء خلي المنيو بتعتك ليكي وابدعي وخلي افكارك ليكي دة مسابقة يا حبيبتي

وغالبا موضعينا كلها اللى هنزلها محجوبه محدش بيقدر يشوفها غير بعد ما كله يسلم ونبدا نشوفها مع انتهاء فترة السماح ونبدا التصويت عليها

لا يا نانى احنا مش بنمخمخ فى الاصناف

احنا بنمخمخ ازاى نظبطها بحيث اننا ننزلها سفره كامله ونقدر نوفى شروط المسابقه

انما اكيد محدش هيقول هيعمل اكل ايه

doaaes;12887279:
جميله اوى يا ام عمر التورته والكيكه ما شاء الله تسلم ايديكى بس اللون الاخضر ده عملاه بايه

حاطه لون اخضر على الكريمه بس كده:D

تصدقوا انا برضوا قلت هعمل عزومه بس ليا ولجوزى بس يعنى يا دووب حاجات بسييطه بس ايه هيه الشروط بالظبط عشان انا كنت فاهمه حاجه وانتوا كده بتتكلموا فى حاجه تانيه
مش الشروط انك تصورى خطوات الاكله من اولها لاخرها وتحطيهم على السفره وتصوريهم جنب بعض ولا لازم احط كل طبق لوحده على حسن التقديم وبعدين كله مع بعضه
بالنسبه للاطباق مش هيه مثلا شوربه وسلطه وسمبوسه وطبق رئيسى وحلو ولا فى حاجه تانيه

ام عمر افندى;12893235:
تصدقوا انا برضوا قلت هعمل عزومه بس ليا ولجوزى بس يعنى يا دووب حاجات بسييطه بس ايه هيه الشروط بالظبط عشان انا كنت فاهمه حاجه وانتوا كده بتتكلموا فى حاجه تانيه
مش الشروط انك تصورى خطوات الاكله من اولها لاخرها وتحطيهم على السفره وتصوريهم جنب بعض ولا لازم احط كل طبق لوحده على حسن التقديم وبعدين كله مع بعضه
بالنسبه للاطباق مش هيه مثلا شوربه وسلطه وسمبوسه وطبق رئيسى وحلو ولا فى حاجه تانيه

انا كمان هعمل كدة يعني هو جوزي ملهوش نفسي يتعزم ولا ايه هههههههههههههه هعمل عزومة ليا انا وجوزي بس سفرة متكامله انا مش شايفة اي صعوبه خالص في شروط المسابقة بصراحة ولا طالبين اكل كتير ولا حاجة

ماهو احنا في العادي بنشرب شوربةو ناكل سلطة وكمان طبق رئيسي وبعد شويه بنشرب عصير دة مهم في رمضان واكيد اكيد هناكل حاجة حلوة يبقى فين الكتير؟

اه انتي فاهمة صح يا ام عمر

صوري خطوات كل طبق حسب التقديم قصدهم انك اول صورة تحطيها مثلا هي صورة الشوربه لو بتبدأي تاكليها اول حاجة لكن لو انتي بتاكلي السلطة الاول يبقى تحطي صورة السلطة الاول وطريقتها وهكذا باقي الاطباق حسب ترتيب بتاكليها امتي هما يقصدوا تقديمها يعني اكلها

يا بنات المشرفة وضحت حاجتين ان الاطباق تكون 5 بس ومانزيدش وان الاكل مش شرط يبقي كله في يوم واحد يعني اللي عايزة تعمل الكام صنف علي مدار كذا يوم ينفع وعلي فكرة مافيش سلطة

ادعولي بقي اعرف اشترك احسن داخلة في دور برد جامد علي رمضان كدة:'(:'(

فين ام بودي مش ظاهرة ليه ؟؟