mimati;12817497:اللهم امين يارب
الموت كثرت يا بنتي خصوصا موت الفجاة
هذه من علامات القيامة
الواحد موشي ضامن حياته يدير الخير على قد ما يقدر
سعده اللي مات في الايام المباركة
اختي والله ماتت ليلة 27 نتاع رمضان ربي يرحمها يرحم امة محمد عليه الصلاة والسلام
ونسال الله ان يرزقنا شهادة عند الموت
وسجدة عند الموت
ويرزقنا حسن الخاتمة اللهم امين
اشـــراق;12817419:
هذاك ماشي مشكل اختي هااااجر
الحمد لله
اخلعتيني عمبالي عندك مشكل آخر جديد
انتي برك حشامة زيادة على اللزوم
sinon ماكان حتى طفلة تحشم من اباها يعطيها دراهم
سيرتو اذا كانت لحاجات لازمة ماشي تبذير وللا اسراف
باباك لوكان يعرف راكي محتاجة دراهم وماشي تطلبي من عندو سير يزعف عليك
راكي مكبرة الحكاية هاجر وهي ماكان والو
firdaousse;12817563:واش هاجر كانشي نتايج مع الحلبة
راكي تديري في المنقوع تاعها
firdaousse;12817441:الله يرحمها و يرحم جميع موتانا
احنا في الحي تاعنا يا لطيف 5 موتات ورا بعضاعهم
كاين لي كبير و كاين كريز كاردياك و كاينة طفيلة تحرقت بالماء عمرها 5سنين و كاينة جارتي في عمرها 24 سنة رقدت ما ناضتش و زعما العرس تاعها البارح ماتت قبلو بيومين و كاين واحد ضربو التريسيتي مات معلق في السما
يا لطيف الطف
ان لله و ان ايه راجعون
ya latif ya lati ya satare ya rabe
woullah tu ma fais peur surtout de la petite fille et la marier de 24ans allah yarhamhoum
inna lillah wa inna ilayhi raji3oun
اشـــراق;12817554:
ياسلالالالالالالالالام
اختك ربي يحبها
موتتها يتمناها اي واحد
ربي يجمعك بيها مع الوالد والوالدة في جنات الخلد ان شاء الله
أحلام فتاة;12817625:
ميماتي ربي يرحمهم ويسكنهم في فسيح جنانه
ويرحم جميع موتى المسلمين
اللهم انا نسألك حسن الخاتمة
أحلام فتاة;12817574:
ايه صح اشراق بالاك المشكل ماهوش بهاذاك الحجم
انا اصلا حساسة بزاف اي حاجة صغيرة تشغلي بالي
المشكل مش في الحشمة برك مي راني شايفة الظروف ماتسمحش
ولاحظت مؤخرا انو ولا يتذمر بزاف من مصروف البيت
كيفاش لوكان كان يمدلنا مصروف شخصي لكل واحد
والله خطرات تغيضني عمري نحب نشري بزاف حاجات في بالي مثلي مثل اي طفلة
ديجا كنت دايرة بزاف صوالح في بالي كنت حابة نديرهم في هاذي العطلة بصح الله غالب ماعندي والو راني قعدت
صحيتي اشراق كلامك يريحني بزاف
واسمحولي مانيش حابة نخسرلكم القوسطو
اشـــراق;12817705:
بصح انتي قلتي في المشكلة تاعك راهو ماشي مقصر معاكم اطلاقا في المصروف وغير انتي اللي حاشمة منو برك
امالا تفهمي ضروفو هاجر أكيد مصاريف الدار مع مصاريف الدواء تاع امك ربي يشفيها ان شاء الله فوق من طاقتو
انا ثاني منين كنت نقرا ماكنت نخمم لا في وصفات ولا في طلبات كان كل شئ ماشي strictement غير كي تخرجت وبديت نخدم باش وليت نشري كيما حابة انا
ماتشوفيش لبنات واش يشروا شوفي ضروف بوك تسمح وللا لا
وان شاء الله فترة و تعدي
ماتحمليش بوك فوق طاقتوا حاليا
السنين راهي تجري وراكي تتخرجي و تخدمي و تولي بدراهمك ان شاء الله و تشري اللي حاباتو كامل المهم زيري روحك مع القراية و مابقا والو عامين c rien
firdaousse;12817684:هاجر ربي انشاء الله يشفي امك و تعود المياه الى مجاريها حطي هاد الظروف بلي راهي امتحان من عند ربي و قوي ايمانك صح لبنات في سنك الوقت هادا عادت عندهم متطلبات بزاف مي كي تحطي الشئ الي حابة في كفة و الظروف الي تمرم بيها في كفة ويناه الي ثقيلة
انشاء الله يفك ربي لحوال و تتبدل الامور للاحسن و ترتاح الوالدة
أحلام فتاة;12817778:
اميييين يارب العالمين
مرسي حنونة على ردك نحيتي عليا النص