تجمع جميلات مصر لشهر شعبان1431

:o
يا جسوفي يا جسوفي
انا قصدي خير والله يا شوشو البنت كانت هتعترف هيه في ايدك مش انتي اللي تعترفي :D
وبعدين انا عارفة انكوا اكتر من الاخوات ومهما حصل مش هياثر علي اللي بينكوا:adore:

بااك

اكلت وجيت

الناس الصايمين راحوا فين
بتتفرجوا على الفوازير ولا ايه :D

ازيك يا لوتس الف سلامة عليكي يا جميل كان مالك خير؟

الحمد لله يا فاطمة

كنت ناوية اصوم واقوم الفجر عشان اتسحر جالي مغص رهيب مقدرتس اقوم من السرير حتي اصلي استغفر الله العظيم بس الحمد لله راح

لا الف سلامة عليكي ياجميل معلش ان شاء الله تعوضيها في اللي باقي

الله يخليكي يا حبيبتي

ان شاء الله هصوم بكرة وبعده

العيال كلوا وناموا شكلهم

امال هيعملوا ايه في رمضان هيروحوا يناموا في التراويح

:lol:
انا عارفة

انتى نتيجتك طلعت ولا لسه يا لوتس

لسه يا فاطمة هتطلع الاسبوع ده دعواتك

يارب تنجحي وبتقدير ان شاء الله
النتايج اتاخرت اوي السنادي ، عشان موضوع الانفلوزنزا وتاخر الدراسة نفسها
غتتوا عالناس وخلاص:-#

اخبارك ايه مع المطبخ يا فاطمة

لا وبزيادة احنا كلية فقرية والله

دايما اخر ناس
كل تأخيرة وفيها خير ان شاء الله

انتي كليه ايه يا لولو
انا مع المطبخ كويسة الحمدلله تقدري تقولي مبتدئة بس مش ببوظ حاجة الحمدلله
بعمل الحاجات الاساسية الطبيخ واللحمة وكده
ليفل وان

انا تجارة عين شمس للاسف

ليه مش بتدخلي تجمع الطبخ هتستفادي كتير وتبقي تماام جداا

الموضوع ده موسوعة يا بنتي

انا متوقعة كده برضو انه اكيد موسوعة ماشاء الله
كل مافي الامر اني يدوب عشان الحمل بعمل الغدا واريح فبحاول قدر الامكان اعمل حاجات بسيطة او انا متعودة عليها عشان متاخدش مني وقت ولا مجهود
بس اول ما اشد حيلي بامر الله هتشطر واباه لهلوبة :o

ان شاء الله

ربنا معاكي ويقومك بالسلامة يارب و تفرحي بالبيبي

انتي في الكام وفي بطنك ايه ان شاء الله

انا في السادس يا لولو وحتى الان معرفش لسه ولد ولا بنت ، بامر الله الزيارة الجاية كمان 10 ايام كده هعرف ، يامسهل

علي خير ان شاء الله

الاتنين حلووين ونعمة من عند الله

في اسامي معينة في دماغك

يعني انا من دلوقتي وانا بجهز لاسامي هههههههههه

ههههههههههههه
زيي يا لوتس ، انا من وانا في ثانوي يمكن وانا بجهز في اسامي
بس في مفارقة باه بمناسبة الاسامي
انا وزوجي من اول ماعرفنا بعض واحنا اتفقنا ان لو ربنا رزقنا بولد نسميه عمر
عايزه اقولك ان من ساعة اتفاقنا ده اتولد عمرين ماشاء الله في العيلة لحد دلوقتي
منهم ابن اختي
بس برضو ناويين ان شاء الله نسمي عمر لو ولد ولو بنوتة ممكن ردينة
كل ماحد يعرف بعمر يقولوا تاااني وتااالت ، بس احنا باه بنقولهم معلش معلش هيه جت كده باه
:)