تجمع جميلات مصر لشهر شعبان1431

والله يا روفى لو عملتى اى حاجه لنفسك وشلتى من دماغك رضاه هياخد باله اكتر صدقينى

يارب يخليكي يا يويو

انا قيمتك بقى علشان انتى كنتى وحشانى اااااااااوى

بقولك متعرفيش اخبار طمطم اية

البت دى وحشانى اوى ونفسى اطمن عليها

اااااااااااه يا يميم جبتهاااااا
بس جبت دبل بس ما اشترتش محبس
الراجل طلعلنا معظم المحابس توينزات
بصراحه استكترتها اووووى و استغليتها على خطيبى فقولت كفاية دبله
وانا اديتله الدبل عشان يفرجها لباباه و مامته لانهم ماجوش معانا
بس لما البسها ان شاء الله اصورها و اوريهالكوا

يللا بلا قرف
اانا عاوزة انام بقال يكتير مانمتش

@ green apple @;12715922:
لا يا حبيتى مش علشان اتجوزت

هقولك اول حاجة انا تعبانة من موضوع تاخر الحمل لانى انا وجوزى عملنا كل التحاليل والاشعة والحمد لله مفيش سبب واحد للتاخير الا ان ربنا لسة ماردش ,, لكن لما تلاقى كل اللى حواليكي ربنا بيكرمهم واللى اتجوزوا بعدك خلفو بتكون صعبة شوية ... ربنا يرزق الجميع ويرزقنى

تانى حاجة بقى ودى القاتلة

الاسبوع اللى فات زى النهاردة بالظبط شقتى اتحرقت

ومن يوم الاربع اللى فات وانا وجوزى شوية عند مامتة وشوية انا ببات هنا عند ماما

والحمد لله على كل حال

علشان كدا يا نورما بقولك انتى احسن من غيرك

يا حبيبتى يا جرين
يا بنتى أنا أعرف 2 فضلوا كذا سنة مش بيخلفوا والحمدلله ربنا رزقهم ومنهم واحدة عندها دلوقتى ما شاءالله 4
وأخت جوزى كانت نفسها فى بيبى بأى شكل وكانت عندها مشكلة فى الإنجاب
وما شاء الله اللهم بارك جابت توأم وطالع بوزها

إستمرى فى الدعاء وإن شاء الله ربنا حيعوض صبرك خير "إنما يوفى الصابرون أجرهم بغير حساب"

ميرسى لدعواتك يا نورما متحرمش منك

وعلشان الدعوتين الحلوين دول انا قيمتك يا قمرة

:)

كنت لسة هقولك يا سالي صوريها و وريهالي
بس اتكسفت باة هههههههههههه
قولت بلاش حشرية

انا لو منك يا نورما بصراحه اشترى سمك و جمبرى جاهز احسن لى
و اعمل انا الرز فى البيت هو و سلطه الطحينه هيبقى اريحلك من الهده اللى انتى عايزه تعمليها

sherrykitty;12716372:
يا حبيبتى يا جرين
يا بنتى أنا أعرف 2 فضلوا كذا سنة مش بيخلفوا والحمدلله ربنا رزقهم ومنهم واحدة عندها دلوقتى ما شاءالله 4
وأخت جوزى كانت نفسها فى بيبى بأى شكل وكانت عندها مشكلة فى الإنجاب
وما شاء الله اللهم بارك جابت توأم وطالع بوزها

إستمرى فى الدعاء وإن شاء الله ربنا حيعوض صبرك خير "إنما يوفى الصابرون أجرهم بغير حساب"

الله يخليكي يا شيري

خليتيني اتفائل جزاكى الله خيرا

والحمد لله على كل حال

فى محبس كنت شفته حلو اوى هو والدبله قطعو 1700 ف روكسي من شهرين يا سيسو لو قلتى كنت قلتلك ع المحل
الراجل كان بيقول دهب استثمارى

لييييه يا رووووفه ده انا افرح لما تقوليلى بس هى مش معايا اول ما تيجى هصورهالكوا طبعا ان شاء الله

والله انا من فرحتى بعمى عاوزه انا اعمل الحاجه اصل بقالو 3 سنين مجلناش كان مسافر وكدا عامة هافكر انا دلوئتى استفقريت نجريكو وبانيه بس لسه عاوزه تانى ملوخيه مش عارفه احتمال

@ green apple @;12716221:
بصى انا مش عارفة من اية

انا كنت برة لقيت جارتى بتقولى ان الشقة بتتحرق وفى دخان جامد تالع منها والجيران مش عارفين يدخلو الشقة من الدخان والسخونة

هى الحريقة ابتدت فى اودة النوم لان اودة النوم مبقاش فيها ولا موبيليا ولا نجفة ولا فوطة حتى مع انى قافلة مفتاح اودة النوم من لوحة المفاتيح اللى برا من قبل ما امشى علشان التكيف

لكن سبحان الله حتى سيراميك اودة النوم تلع والمحارة وقعت



وبقيت الشقة الازاز فرقع وكلها سودااااااااااااا والتلاجة الجزء اللى فوق ساح غير الموبيليا كلها مزيتة وعايزة تتظبط

وباب الحمام الصغير اللى فى الريسبشن اكورديون ساح بردو

والمطبخ الوميتال ساح وكل حاجة بازت فى الشقة

فانا مش مقتنعة انها ماس كهربى

فى ناس بيقولو سرقة ,,, وناس تقول عين

والمعمل الجنائى قال قضاء وقدر

والله اعلم

قلتيلى إنتى كنتى مشرفة إيه يا أمورة؟ :D

دى مش عين دول 10000000000000000 عين

يادي عمك اللي موراكيش غيره

ياااا بجد يا نورما ايه دهب استثمارى ده
اصل خطيبى اخدنا على واحد من معارفه فى الصاغه
بس المحل كان نضيف و هو مصنع دهب وانا سألت خطيبى المره اللى فاتت انت حاطط رينج قد ايه للدبل علشان اقدر اتحرك فيه و ما رضيييييييش ابدا يقولى و فضل يقولى دى هديه منى و الكلام ده
فطبعا ما كنتش عايزه اعلى عليه
انا اصلا مش عارفه الدبله قطعت كام ولا هى كام جرام
و هو بيحاسب خرجت بره

يا روفى دا نازل 3 اسابيع بس فات منهم 10 ايام اهو عااااااااااااااااااا
انتى محسسانى انه ضرتك
هههههههههههههههه

yomizo;12716345:
مين الحلوة ;) ؟؟

هى هى هىء
أنا شيرى :D
27 سنة
إسكندرانية وعايشة فى كايرو بقالى سنتين
وأنتى ؟

sherrykitty;12716417:
قلتيلى إنتى كنتى مشرفة إيه يا أمورة؟ :D

دى مش عين دول 10000000000000000 عين

كنت مشرفة فى قسم التسوق

الف مبروك يا سيسو عقابل الفلرح يارب

مش عارفه ايه الدهب الاستثمارى دا بس شكلها توحفه كانت كانت من شهر باينمش شهرين شهر ونص كدا

تسلمى يا جرينا
وانا كمان قيمتك حلاوة وجودك معانا

هههههههههههههه ربنا ما يحرمكوش من بعض يا نورما
نجرسكوا و ممكن بدل البانيه تبقى فراخ مشوية مثلا و صينية لحمه او كفته
و ملوخية و رز هتبقى حلوة
اعملى ملوخية بالارانب