ابوي طايح بالحرام ويبيني اطيح وياه ويبي يفسخ خطبتي واناافكر اترك البيت ساعدوني

انتبهي تخسرين خطيبك وحجابك عشان ابوك !!!!
الحمدلله الله هداك وتحجبتي ورجعتي لطريق الحق والله سترك بزوج شاريك لاتضيعينه من يدك حتى لو تخسرين ابوك لان ابوك يامرك بمعصيه الله ومو مجرد معصيه عاديه يبيك تصيرين فتنه لاحول ولا قوه الا بالله.....انا لو منك حتى لو اروح لمحكمه واتزوج غصب عن ابوي لانه انسان غير عاقل وغير سوي الي يرضى على محارمه ويعرضهم لناس استغفر الله ما فيه غيره الاسلام ابد....فحبيبتي لاتفرطين في الرجال عشان ابوك وخليه يدعي بيديه ورجليه ترضين ابوك وتغصبين رب العالمين !!!!! مارح يتقبل ربي منه ان شاء الله الي هذي سواياه....
والله يوفقك ويجمعك بخطيبك عاجلا غير اجل ويسخره لك ويسخرك له ويفرج همك ولا تنسين اكثري من الاستغفااااار وقياااام الليل..
تحيـــــــــــــــــاتي....

الله يعينج ويستر عليج
ما كان المفروض تقولين لابوج انج بتتحجبين اذا كان بيسوي هالمشاكل .. وصارحي خطيبج بالموضوع وقولي له انج تبين الستر وتبينه علشان ما يتخلى عنج ... وانا افضل تسكنين بمنطقة بعيدة شوي علشان تبتعدين عن المشاكل ...

ومن يتق الله يجعل له مخرجا ويرزقه من حيث لا يحتسب....... اهم شئ التمسك بالحجاب ومخافة الله قي السر والعلانيه انشاء الله ربي ينصرك ويفرجها عليك...

لاحول ولا قوة الا بالله
لا طاعة لمخلوق في معصية الخالق

لبه قلبه;12657812:
شوفي حبيبتي اول شي انا ما قلت شنو اشتغل عشان البنات الي مثلج ما ياخذون السالفه مسخره لأني صج مو رايقه اتمسخر ولا لهنوع من البنات

وخوالي كلهم برى الديره لأن امي مو من ديرتنا


وأختي تشتغل مثل شغلي وانا كاتبه هالشي عدلي نظرج وانتي تقرين

وسندريلا ما تشتكي على ابوها مو عشان شي بس لان مهما كان سندريلا عندها اخلاق وماتسوي جذي بابوها وهالشي هذا ما يحتاج لا سندريلا ولا سنو وايت اتسويه لأنه ايي من الأخلاق

بس ممكن لو انتي كنتي انا اتسوين هالشي وتشتكين بما انج تعتربنه شي ما يدش العقل ويبيله سندريلا

وبالنسبه لخطيبي اهوا حبني انا وحب اخلاقي وايماني وصبري ماحب عايلتي واهوا بيتزوجني انا مو عايلتي


وبليز بليز قولي لشاروخان ومدري منو حقوق النشر محفوظه

وصج نسيت اقولج بالنسبه للنقطه الي تبيني اعدلها بشرحلج اياها بس اتمنى مخج يستوعبها ما تكون واايد كبيره عليه

اول شي ابوي معلق على شغلي لأن الفلوس الي اييبها له باليووم او بيومين تعادل راتب شهر باي شغل ثاني فهمتي ولا بعد اشرحلج؟؟


وبالنسبه لج فديتج مو عاجبج الموضوع أنتي مو مجبوره اتردين ولا السالفه بس زيادة مشاركات واذا كنتي حابه تمسخرين شوفيلج شي ثاني فيه مسخره وتمسخري فيه



مشكوووره فديتج

انه اللي بقول لج شي الحين وبدون تمسخر على قولتج

على قولتك وحدة خلوقة مثلج ما تشتكي على ابوها
بس في نفس الوقت تقولين شغلج لازم وحدة على طول متمكيجة ومتعطرة وكاشخة
وانتي مو راضية تقولين شنو شغلتج الغير مشرفة

الوحدة الخلوقة ما ترضة تشتغل شغل هلون مهما صار فيها عندها تموت ولا تشتغل شي جذي غير مشرف:hysterical:


تقولين شغلج يطلع فلوس الشهر بيوم واحد
وشغلج كله رياييل ولازم تكشخين ووتعطرين وتتمكيجين + انتي مستحية تقولين لنا شنو هالشغلة + انتي قاعدة تحسبين فلوسج باليومية مو بالشهر !!
من هالحجي اختي ما ايي على البال الا الشغلات اللي قالتها الاخت بحرينية !!!

وغير ذي انتي ما وظحتي ابوج شيسوي في هالفلوس اللي مايهمه اذا كانت حرام ولا حلال ..

وتقولين رابت شغلج كبير .. و خطيبج عطا ابوج فلوس واايد واااايد واااااااااااااااايد الله اعلم جم هالوااااااااااااايد

وابوج يخلص هالفلوس في ايام

شنو يعني ابوج يصرفهم في الحرام بعد ؟ هل اهو يشرب ؟؟ يحشش ؟؟ يلعب؟؟؟


:-#

الله يكون بعوووووونج

أسال الله العظيم رب العرش العظيم أن يحل مشكلتك
حبيتي لا طاعة لمخلوق قي معصية الخالق
قوي ثقتك بالله ينصرك
ولا تنسي أن تنطرحي بين يدي الله في صلاة الليل فلا شئ يصعب عليه

أكثري من الا ستغفااااااااااااااار و تحري اوقات الاجابة
ودعاء الهم والحزن ل[اللهم اني عبدك ابن عبدك ......................................................... إلخ

وياليت أحد من أقاربكم الثقة يتدخل بالموضوع وينحل بأذن الله

السلام عليكم يا اختي والله انا مش عارفه اقوللك ايه غير ان احنا خلاص اصبحنا في زمن لا يؤتمن للاسف هذه من مؤشرات النهايه ولكن في شىء انتي مجبتيش اي سيره عن امك حتي لو كانت امك مش موجوده ممكن يكون عندك اهل من طرفها غير الناس اللي ضدك حاولي تلاقي ناس من اهلك يكونو محترمين تروحيلهم وتقعدي عندهم وتستعجلي خطيبك لاتمام الزواج والله المستعان

ما قول الا الله يعينك واذا عندك فلوس سافري لديرة الاي هوه فيها وتزوجوا

لبه قلبه;12657750:
حبيبتي ابوي ماعنده مشكله ايرد فلوس الريال لأنه عارف اني اذا رديت الشغل بعوضه عنهم فهمتي

انا ألحين بروح عند وحده من قريباتي لني صج زهقت بس ما ادري اذا بقعد عندها ألين ايي خطيبي لأني أخاف اثقل عليهم

مشكووره حبيبتي

ليه ما يبيك تتزوجي؟؟؟؟ هل مشكلته بس عشان ان يريدك تشتغلين وتجيبين فلوس ولا رافض الولد؟؟؟

عيل ليش وافق ب الخطبه من قبل وتو يرفض؟؟؟

ادري كيف تحسين بموضوع انكراح تثقلين على القريبه الي بتروحي عندها وان شاء الله الله يفرج كربتك ويرجع زوحك بسرعه

بس حبيبتي وين امك؟؟؟ وش موقفها من الي جاعد يصير؟؟؟

انا مو فاهمه شنو علاقة حجابك بشغلك ؟
ليش ما تقدر تتحجبي وتشتغلي بنفس المكان ؟
كان المشكله انحلت :!!:

الله يفرجلك هك

الله يفرج همك وهم كل مهموم ويفتح لك ابواب الخير يارب

حلم العروسة;12621991:
حبيبتي اقول لك شي بس لا تزعلي ابوكي كافر وساقط حاولي تتزوجي بسرعه وكوني مع خطيبك دائما

حرام عليك اختي هي دخلت هنا تبي حل مو عشان تسبي ابوها
وانتي ماتحكمي عليه ااانه كافر وساقط هذا مهما كان ابوها
استغفر الله
ياليت ترتقي بكلامك شوي

الله يوفقك ويسر امرك

لاحول ولا قوة الا بالله

ما اقول الا الله ينصرج عالظالم ويوفقج ويرزقج من حيث لا تحتسبي ..

والله يهدي ابوج ويرده لطريق الصواب ..

وقلتي عندج اخت .. حاولي اطلعينها من الجو اللي هي فيه قدام يضيعها ابوج الله يستر عليكم