تجمع حوامل وامهات قطر لشهر شعبان لعام 1431 هـ ؛ 2010 م

السلام عليكم ..

شلونكم خواتي ..

بغيت اسئلكم ناوية ان شاءالله اروح الحسا واتقضى كم من شغله ؟؟

ابي حلابيه للعيد مع هالكرشه تعتقدون فيه شي عندهم يستاهل وهل بحصل فساتين للبنات للعيد وللقرنقعوه ؟؟

ومجمع الاحساء مول من راح له ؟؟
وهل تنصحوني بمحلات معينه ؟؟

مساء الليل

اخبار الكرشرش والماميز

بخصوووص سوالف اليهال الي مالها حل خخخخخخخخ

روز قطر

بتلاقين جلابات حلوة حق العيد في الاحساء مادري اذا تقصدين العثيم مول في محل عنده جلابيات حلوة بس ما ذكر اسمه بس يبيلج فره

هاااي بنااات ازيكووو

يعني اتهقووون وااااايد اربع اذا جي خلاص مب طالبه من رويال بيبي
لان الحين اللي عندي 3
2 حق استخدام دايم وواحد حق البيت اللي هوو العبيييط خخخخخخ


روكر
انا مواعيدي في مستشفي الكل يقووول ربي في الخووور لان عناااايه يعتنوون فييج ونيرساات يتمووون لج
ومره ترقدت عندهم عشان الجفاااف مشاااء الله مهتمييين في كل شي حتي في اكلي اذا كلت او لا وحبوبييين يعني مب اتيييج مكشررره وجي
انا كنت كل ساعه تقريبا اطق لهم الجرس حق الحماام لان حاطين لي المغذي فكانوا يدزونه لي لا تمللو ولا شي بالعكس اتجيني وهي مبتسمه وماتمللت
حتي لما اروووح الطواري هاااادي مااافيه حد اتحسيييين بشي مرييح يعني مااافي ازعاااج وناس اتصرخ
بس العيب الوحييييد ان مافي غرف الخاصه نفس الولاده غرفهم صغيييييره بس في غرفه وحده ام سريرين هاذي اذا متوافره يعطووونج اياهاا لج بروحج

بس بالنسبه لي انا اذا امداني ارووح الدوحه وقت الولاده رحت اذا مامداني بربي في الخور

لافندر
والله ادمعت عيني وانا اقري القصه :(

السلام عليكم

اليوم وديت حمود المستشفى عشان ريله المحسسه .. الدكتور عطاه ادوية وااااايد وغير لما قلنا له عن خشمه ان الوصخ لونه اسود وفيه دم.. قال عنده لحمية ومادري ايش..
انا يوم شفت شكثر واصف ادوية مارتحت للموضوع..
قلت حق ريلي خل نروح عيادة ثانية..
رحنا عيادة في الشارجة رايحين لها قبل يوم حمود صادته حساسية في صدره..
قال عادي متحسس من شي من الاكل والا من الجو.. عطانا زيرتك وكريم للاماكن الحمرة اللي بريله.. وكريم مرطب (حتى الصيدلي مدح الكريم) قال الدكتور يوميا مرتين حطي له الكريم لازم يترطب جسمه .. و لخشمه عطانا بخاخ اعشاب..


انتوا ترتاحون للدكتور اللي يعطي ادوية وايد والا اللي ادويته اقل؟

بنااات
السويت اللي في الولاده نفس الغرفه الخاصه وله هاذي فيها مميزات عير عن الثانيه
لان ولا مره دشيت السووويت فمااادري !!

ماميز :
ولدي من امس مقعدته متصلخة وايد ومحمرة و تحرقه :(
مايرضى اغسله و الكريم ما أحطه له الا بالقوووة ..
استخدم له كريم : Dexipan

ما استعملت سودو بس في هالحالات ما استخدم له الا كريمين : ديكسيبان / بيبانثين << هذي أحسن بوايد من الاول ..
بس المشكلة انه يحرقه وااايد و يقعد يصيح لما يوصخ

قمورة

الشر ما يجيج..
الثاني ارتاح له.. فخذنا الادوية اللي وصفها اما الاولاني ماخذنا ادويته..

دح دح

حمود صاده جي يوم فيه اسهال.. كنت اغسله بس بماي بدون صابون..
و احط له سودو مارحت للطبيب..
مرة حماي مدحتلي كريم تقول من اول ما حطته لولدها خف بسرعة وراح.. وارتاح عليه ولدها لان يبرد..
بسألج اياها بكرة..

قريت وعيزانه ارد على الكل .. سوري

::

دوحانيه

مالج غير ميبو .. من يوم واحد تحسين بالفرق .. حطيه مع كل تبديلة حفاظه .. وادعي لي

ماعندي ميبو حالياً .. باشوفه مع هالكريم خلال هاليومين و ان شاء الله يروح كلش ..

لافندر

اللهم نسالك الجنة وماقرب اليها من قولا وعمل ونعوذ بك من النار وماقرب اليها من قولا وعمل

اما مواقف اليهال نكتة هههههه

عندج ميبوو وايد زين انا حق الحمار الخفيف احط سودو بس يوم يوصل حده ميبووو اوكي لان يبرد عليه عكس الباقي يحرقه وبعدين كثر ماتقدرين خليه من غيرحفاظ اريح لج وله مايشووف شر

و عالقصة الله يحفظ رياييلنا من بنات الحرام ويسخرهم لنا وطاعة رب العالمين





يالله يا جماعه استأذنكم ورايباجر الصبح موعد في الاهلي الله يستر موعد سكر وتلفزيووون

الله يشفي عيالكم وما يشوفون شر ان شاء الله :(



ماميز

الشامبو وتوابعه اخذه معاي المستشفى ولا ما راح نسبحه الا في البيت ان شاء الله

صباح الليل :)



لافندر
القصة تعور القلب
وتبين ان ما شي يضيع عند الله
والله فوق وما يرضى بالظلم ..
لما أقرى قصص جذيه يعورني قلبي
وفي نفس الوقت ارتاح لاني احس
أن الحق ما يضيع والدنيا تدور ..




أم حمني
اسم الله عليه ,,ما يشوف شر
سوي له تحاليل شاملة تطمني ..
وبنوتج شكلها تعودت على الحضن ..



لولوه الدوحة
حبيبتي وسعي صدرج ..
وبالعكس التفتي عليها وشوفيها
انا ادري ساعات الواحد اذا متضايق ما يطيق ثيابه
بس تدرين انا كل ما اتضايق اتذكر اعز الناس عندي
واقول في خاطري كفايه انهم بخير وصحة
ولا الدنيا ما فيها شي يسوى :)




هتان
الله يشرح صدرج ياربـــ
ويهون عليج .. F:



قموره
احنا بخير
انتي شلونج ..؟ وشلون البيبي ..؟



أمونتي
ثلاثه احس كفاية
انا بعد عندي ثلاثة واحد من رويال بيبي
واحد من بيبي شوب واحد من المعرض ..



موزان
ما يشوف شر حمودي
وانا اشوف اذا ما ارتحتي للدكتور وادويته
ما فيها شي لو استشرتي دكتور ثاني ..



دوحانيه
ما يشوف شر نحول ..