تجمع حوامل وامهات قطر لشهر شعبان لعام 1431 هـ ؛ 2010 م

تسلموون حبـآيبي ،

ان شاء الله بشوف بمر عليهم ، بس عندي فتره راحه هالايام ، آبي عقب رمضـآن بكم اسبوع اشطب على اغراضي واغراض البيبي ، مابي اتوهق ... لآني بكون فنص السابع ان شاء الله ، وخصوصا ان رمضان مالها حلاة الطلعه حق تجهيز ، فـ بشيل هالشهر =( وببتدي الحين وعقب رمضان ، وبشوف لي الفازات اللي للورد والمخدات والشرشف للمستشفى .. طبعـآ مع امي ، ويمكن تاخذ لي بروحها ،
شفت في محل ممم هو موجود في الستي ياااربي ناسيه اسمه مب حافظته في حرف ال V
مال اطباق التقديم والفازات وهيك مثل هوم سنتر بس غااالي مايستاهل الصراحه فآزآ نفس نقشة ملحفي ونفس الالوان لقيت عنده الوحده الكبيره بـ 1000 !!!!! فالامارات بعد عليها تنزيلات بس ماتستاهل اااابد .. مب كبيره وايد يعني يمكن 3 اشبار !! شي جذي ... مب حرام ؟

مرحبا حبيباتي

قمر .. فديت قلبج أنا بخير يا الغالية .. والحمد لله على سلامتج وعليج بالعافية تتهنين بالأغراض ان شاء الله
وأبي رقم الرجال اللي يبيع أطقم الضيافة فديتج وأبي أشوف الصور اذا ممكن ..

نور الحب .. أخبر تي سي بي واي TCBY يسوي كيكات بالايسكريم وأشكال حلوة حق اليهال

دوحانية .. أنا معاج فديتج في المناسبات الشعبية أنا ضد اللبس التقليدي الي يخص الشعوب الثانية كلش مب حلو ما تحسين المناسبة تراثية من تراثنا كأنه عرض أزياء الشعوب ..

لولوة الدوحة .. حلو الأبيض وايد راقي في عرس بنت خالي كنت لابسة أبيض وفضي كان عجيب

بدر البدور .. شوفي محل ريفيرا في السد عند الطايف تنسيقه راقي وحلو وبعد ماسيس حلو شغلهم أنا مفكرة في هالمحلين حق ولادتي ان شاء الله

أمونتي شوفي جاكادي حق السليب باق والشنطة وبالنسبة لمحلات تفصيل قمصان النفاس شوفي في الريان خياط 2000 ووادي الريم هذيله أنا مجربتهم حلو شغلهم.. وفي بعد خياط لؤلؤة في مدينة خليفة الجنوبية يمدحونه ..

لافندر فديت بناتج الله يحفظهم ان شاء الله يتعلمون ويريحونج وربي يعطيج العافية ..

موزان .. فديتج من فترة أنا سألت عن منتجات موستيلا للعناية حق البيبي وقلتي لي انج ماخذتهم بس مافهمت قصدج من الامارات ولا الدوحة ؟ وابي اسم الصيدلية حتى لو في الامارات لان زوجي بيروح نهاية الأسبوع بوصيه يجيب لي ..

بنات .. أنا طريقتي في بيتزا التوست شوي مختلفة بس لذيذة وايد ودايما هلي يطلبونها مني .. أنا أقطع الطماط والفلفل البارد حجم صغيييير وأحطهم في مله وأبشر عليهم قوطي جبن كرافت الأزرق وملعقتين مايونيز ونص غرشة فلفل أو أكثر حسب الرغبة واخلط المقادير عدل وبعدين أقطع التوست على شكل مثلث أو مستطيل وأصفه في صينية الفرن واحط الخلطة وبس أخليه يحمر من فوق ..جربوه طعمه لذيذ وخفيف ..

لافندر

فديتج ان شاء الله الله يعين ويستر ، ابوي بيشوف لي الغرفه ان شاء الله خاطري في سووويت وان شاء الله يكون من نصيبي


نور

فديتج وفديت حمـآني لازم بيكون بهالحاله خصوصا انه متعود ان كله معاه عيال عمه وجذي ، اشتري له لعبه يتسلى فيها الوان اشيا يخربط فيها ويستانس ، شوي يغير جو ،
وبخصوص بطنج ماعليج فديتج ، انا الحين توه بـآدي يطلع لي بطن وبخلص ال 20 اسبوع ، عـآدي اذا الحمدلله تطمنتي ع البيبي شتبين بالكرشه ،، وبخصوص الجنس حراااام روحي لدكتور هناك جربي اي عيادات وجوفي شنو الجنس ، واذا كلش كلش ، اخذي الالوان المحايده مثل البيج الاوف وايت الاحمر البنفسجي والاورانج الاصفر .. تقدرين تدبرين عمرج ، بس قهر لو في اشيا حلوه والوان جنس البيبي احلى بيكون حااول والله يعينج ويهنيج ، ويوفقكم فهالسفره ..


مزمز

هم يصحلون لصـآلتي ، بس بعد والله اكيد بتجيني فتره وابي اغير وحرام فيها يعني اقل شي يبي لي 3 فـآزـآت .. حرام بشوف لي عقب في لايف ستايل وهومز ار اس وبعد هو سنتر .. في كذا محل فبالي ..

هتـآآن ،،

شيكي الخاص ،